ເປັນພືດລົ້ມລຸກ, ສູງປະມານ 1 ມ. ໃບຈັບແບບກົງກັນຂ້າມ, ແຜ່ນໃບຮູບຂອບຂະໜານ ຫູື ຮູບໃບຫອກ, ຍາວປະມານ 6-15 ຊມ. ຊໍ່ດອກແບບຊໍ່ກະຈຸກຄ້າຍຄັ່ນຮົ່ມ, ອອກທີປາຍກີ່ງ, ກ້ານຊໍ່ຍາວ 3.5-7 ຊມ. ມີຂົນອ່ອນນຸ່ມ, ດອກສີແດງ ຫຼື ດອກສີເຫຼືອງ, ຍາວເກືອບ 1 ຊມ. ກາບດອກ 5 ອັນ, ຂະໜາດນ້ອຍ, ມີຕ່ອມ. ກິບດອກວຽນຄ້າຍກົງລໍ້ ມີ 5 ກິບ, ແສກເລິກ, ກິບພັບງອກກັບ, ມີກະບັງລົມຮອບສີເຫຼືອງ ຫຼື ສີສົ້ມ, ປາຍເປັນຂໍ, ກ້ານເກສອນຜູ້ເຊື່ອມຕິດກັນເປັນຫຼອດ, ຖົງເກສອນມີຫາງໂຄ້ງ, ຍອດເກສອນແມ່ຮູບກວຍ. ໝາກແຫ້ງແຕກຮູບກະສວຍ, ຍາວ 5-10 ຊມ. ເມັດ ຮູບໄຂ່, ແປ, ຍາວປະມານ 6-7 ມມ, ກະຈຸກຂົນຍາວ 2-4 ຊມ.

ໄຟເດືອນຫ້າ ເປັນຢາຂ້າເຊື້ອພະຍາດໃນບາດແຜ, ແກ້ອາການເປັນຕູ່ມຄັນ, ອາການບວມຊ້ຳ ແລະ ເປັນຢາປົວຝີ. ພືດຊະນິດນີ້ຍັງເປັນຢາບຳລູງຫົວໃຈ, ຊ່ວຍຂ້າເຊື້ອພະຍາດຫຼັງເກີດລູກ ແລະ ຍັງສາມາດແກ້ອາການໄຂ້ຂຶ້ນອິກດ້ວຍ. ແກ່ນມີຣົດຂົມ ໃຊ້ເປັນຢາບຳລຸງໃຫ້ຮ່າງກາຍອົບອຸ່ນ, ຕົ້ນມີສັບພະຄຸນເປັນຢາບຳລຸງທາດໄຟ. ໃຊ້ເປັນຢາຂັບເລືອດພິດຂອງແມ່ເກີດລູກໃໝ່. ຊ່ວຍຮັກສາພະຍາດຫົວໃຈອ່ອນ, ອາການໄຂ່ກະຫາຍນ້ຳ, ເຫື່ອອກມາ, ເບື່ອອາຫານ, ປວດເມື່ອຍ, ບາງຄັ້ງມີອາການປວດຮາກເປັນສີເຫຼືອງປົນເລືອດ. ຊ່ວຍແກ້ອາການເຫື່ອອອກຫຼາຍ, ຊ່ວຍແກ່ເຕົ້ານົມອັບເສບ ດ້ວຍການໃຊ້ແກ່ນປະມານ 6-10 ກຣາມ ນຳມາຕົ້ມກັບນ້ຳຮັບປະທານ ແລະ ໃຊ້ຮາກສົດຕຳພອກບໍລິເວນທີ່ເປັນ. ທັ້ງຕົ້ນໃຊ້ເປັນຢາແກ້ບິດ, ຮັກສາບາດແຜໃນລຳໄສ້, ກະເພາະອາຫານ, ລວມເຖິງແຜໃນມົດລູກ. ໃບສົດຄັ້ນເອົານ້ຳມາດື່ມຂັບພະຍາດເສັ້ນດ້າຍໃນທ້ອງ. ຊ່ວຍຮັກສາໜອງໃນ ໂດຍການໃຊ້ໃບຕົ້ມນ້ຳດື່ມ ແລະ ອື່ນໆ.

N/A

N/A

N/A

,