ເປັນໄມ້ຟຸ່ມຂະໜາດນ້ອຍ ສູງ 1-2 ມ, ລຳຕົ້ນເປັນຂໍ້, ເປັນສີແດງເຂັ້ມເຖິງສີດຳ, ກ້ຽງ, ແຕກກີ່ງງ່າ. ໃບຈັບກົງກັນຂ້າມ, ແຜ່ນໃບຮູບຫອກ, ປາຍແຫຼມ, ຂອບໃບລຽບ, ຂະໜາດ 4-12 x 1-2 ຊມ, ແຜ່ນໃບລຽບ, ສີຂຽວເຂັ້ມ, ທ້ອງໃບສີຂຽວອ່ອນປົນເຫຼືອງ, ເສັ້ນກາງໃບເປັນສີແດງປົນດຳ, ກ້ານໃບສັ້ນໆ. ດອກອອກເປັນຊໍ່ບໍລິເວນປາຍຍອດຂອງຕົ້ນ ຫຼື ບໍລິເວນປາຍກີ່ງງ່າ, ຍາວ 5-15 ຊມ. ດອກມີລັກສະນະເປັນຫຼອດຂະໜາດນ້ອຍ, ປາຍດອກແຍກອອກເປັນກີບ, ກີບດອກເປັນສີຂາວປົນສີບົວ, ຖານເຊື່ອມຕິດກັນເປັນຫຼອດ, ປາຍແຍກເປັນກີບເທີງ ແລະ ກີບລຸ່ມ, ກີບດອກໂຄ້ງງໍ້ຊ້ອນກັນ, ຂ້າງໃນຫຼອດດອກມີເກສອນເພດຜູ້ 2 ກ້ານ, ພົ້ນຂຶ້ນມາຈາກຫຼອດ. ໝາກເປັນຝັກ ຍາວ 1.3-1.5 ຊມ, ສີດຳ.

ຕົ້ນກະດູກໄກ່ດຳ ເປັນຢາບຳລຸງເລືອດ, ຊ່ວຍໃຫ້ລະບົບໜູນວຽນເລືອດໄດ້ດີ ແລະ ເປັນຢາແກ້ໄຂ້ ໂດຍການຕົ້ມໃບເພື່ອດື່ມນ້ຳ. ໃບສົດນຳມາຕໍາຄັ້ນເອົານ້ຳມາດື່ມເປັນຢາແກ້ອາການປວດຫົວ, ແກ້ອາການຫອບຫືດ, ແກ້ອາການປວດຮາກ ຫຼື ຮາກອອກເລືອດ, ແກ້ຖອກທ້ອງ. ໃບດອງເຫຼົ້າເປັນຢາແກ້ໄອ. ຮາກເປັນຢາກແກ້ອາການເຈັບທ້ອງ ແລະ ຖອກທ້ອງ. ຮາກ ແລະ ໃບ ນຳມາປະສົມກັນຕໍາພອກເປັນຢາຖອນພິດແມງໄມ້ກັດ, ງອດ, ເຜິ້ງ, ຕໍ່ ເປັນຕົ້ນ, ພອກບໍລິເວນແຜທີ່ຖືກກັດມັນຈະດູດເອົາພິດອອກ.

N/A

N/A

N/A

,