ລາວ: ຕົ້ນຫູລິງ ໄທ: ແຟບນໍ້າ, ກ້າງປາຂາວ, ຫມັກແຟບ, ດູດ້າງ, ຫົວລິງ, ແຄວບແຟບ, ແຟບຫົວລິງ

Hymenocardia laotica Gagnep.
Hymenocardia wallichii Tul.
Hymenocardia wallichii var. dasycarpa Gagnep.
Samaropyxis elliptica Miq.

Phyllanthaceae

ຕົ້ນຫູລິງເປັນໄມ້ຟຸ່ມ, ເປືອກລໍາຕົ້ນລຽບ ສີນໍ້າຕານ ພາຍໃນເປືອກມີນໍ້າຢາງໃສໆ, ມີຄວາມສູງ 1.5-5 ມ. ໃບດ່ຽວ, ຈັບແບບຮຽງສະຫຼັບກັນ, ປາຍໃບມົນ, ຜິວໃບກ້ຽງເປັນມັນ, ຂອບໃບລຽບ, ດ້ານລຸ່ມໃບຂະມີຂົນປົກຄຸ່ມ, ກ້ວາງ 1.5-3 ຊມ, ຍາວ 2.5-7 ຊມ, ມີເສັ້ນຂ້າງໃບ 6-8 ຄູ່, ບໍລິເວນເສັ້ນໃບ ແລະ ເສັ້ນກາງໃບຈະມີຂົນຢູ່ຢ່າງໝາ, ຫູໃບຍາວປະມານ 1-3 ມມ, ກ້ວາງ 0.2-1 ມມ, ກ້ານໃບມີຍາວ 0.5-1.2 ຊມ. ດອກໂຕຜູ້ ແລະ ດອກໂຕແມ່ຂອງຕົ້ນຫູລິງຈແຍກເພດກັນຕ່າງຕົ້ນ ໂດຍທີ່ດອກຜູ້ຈະອອກເປັນຊໍ່ຄ້າຍຄືຫາງກະຫອກ, ຍາວປະມານ 2.5 ຊມ. ດອກມີຂະໝາດນ້ອຍ, ວັດເສັ້ນຜ່າສູນກາງດອກໄດ້ປະມານ 1.5 ມມ. ມີກີບດອກສີແດງອົມມ່ວງ, ຍາວປະມານ 0.5 ມມ. ກ້ວາງປະມານ 0.4 ມມ. ມີຂົນລະອຽດປົກຄຸ່ມ, ມີເກສອນຜູ້ 4-5 ອັນ, ກ້ານດອກຍາວປະມານ 0.5 ມມ. ສ່ວນດອກໂຕແມ່ຈະອອກເປັນຊໍ່ສັ້ນໆ, ຍາວປະມານ 1.5 ຊມ. ດອກມີຂະໝາດນ້ອຍປະມານ 1 ມມ. ມີກີບລ້ຽງຂະໝາດນ້ອຍຈໍານວນ 5 ກີບ, ກ້ວາງປະມານ 0.4-0.5 ມມ, ຍາວປະມານ 1.2 ມມ, ເກສອນເພດແມ່ມີສີມ່ວງອົມນໍ້າຕານ, ຍາວປະມານ 8.5 ມມ, ກ້ານດອກຍາວປະມານ 0.5 ມມ. ໝາກແປຮູບຫົວໃຈ, ກ້ວາງປະມານ 2 ຊມ, ມີເກສອນເພດແມ່ຕິດຢູ່ບໍລິເວນປາຍໝາກ, ໝາກອ່ອນຈະມີສີຂຽວປົນເຫຼືອງ, ໝາກແກ່ແລ້ວຈະກາຍເປັນສີນໍ້າຕານເຂັ້ມ ເມື່ອໝາກແຫ້ງຈະແຕກອອກ ພາຍໃນມີແກ່ນຢູ່ແກ່ນດຽວ.

N/A

N/A

N/A

N/A

N/A

ອາຫານ
ພືດເປັນຢາ

ໝາກມີລົດຊາດສົ້ມ ນໍາມາກິນກັບປົ່ນ, ກັບລາບ ແລະ ອາຫານປະເພດອື່ນໆ. ແກ່ນໃຊ້ແກ້ພິດໄຂ້, ແກ້ອາການປວດເມື່ອຍຕາມຮ່າງກາຍ ຊ່ວຍຂັບປັດສະວະ, ເປັນຢາລະບາຍ, ແກ້ປວດຫຼັງປວດເອວ. ຮາກໃຊ້ຮັກສາກາມໂລກ, ແກ້ໄຂ້ມາເລເຣຍ, ລໍາຕົ້ນໃຊ້ເຂົ້າເປັນຢາອື່ນເພື່ອຮັກສາອາການຜິດສໍາແດງ ແກ້ພະຍາດຊາງໃນເດັກ.

N/A

N/A

N/A

N/A

ປທ. ສົມສະນິດ ບົວມະນີວົງ, ປທ. ທັດສະພອນ ພະໄຊສົມບັດ ແລະ ປຕ. ພູທົງ ໂພທິສັດ, 2017. ພືດຜັກປ່າ ທີ່ນໍາໃຊ້ເປັນອາຫານ ໃນ ສປປ ລາວ (ເຫຼັ້ມ 1). (97), ພະນັກງານພະແນກນິເວດວິທະຍາ. ສະຖາບັນນິເວດທະຍາ ແລະ ເຕັກໂນໂລຊີ ຊີວະພາບ.
P.C. van Welzen, 2016, Bischofia and Hymenocardia (Phyllanthaceae) in Malesia,(272-279), Naturalis Biodiversity Center
Govaerts, R., Frodin, D.G. & Radcliffe-Smith, A. 2000. World Checklist and Bibliography of Euphorbiaceae (and Pandaceae) 1-4: 1-1622. The Board of Trustees of the Royal Botanic Gardens, Kew.