ລາວ: ໝາກເລັ່ນ ໄທ: ມະເຂືອເທດ, ມະເຂືອສົ້ມ Chinese: 番茄 学名

Lycopersicon esculentum Mill.
Lycopersicon esculentum var. esculentum
Lycopersicon esculentum subsp. galeni (Mill.) Luckwill
Lycopersicon esculentum var. leptophyllum (Dunal) D'Arcy
Lycopersicon esculentum var. minor Hook. f.

Solanaceae

ເປັນພຸ່ມລົ້ມລຸກ, ອວບໜາ, ສູງ 50-150 ຊມ. ລໍາຕົ້ນລົ້ມງ່າຍ ກ້ານທີ່ລົ້ມລົງດິນສາມາດແຕກຮາກໄດ້, ແຕກກິ່ງກ້ານສາຂາຫຼາຍ, ລໍາຕົ້ນສີຂຽວ, ມີຂົນນຸ່ມໆ, ປົກຄຸ່ມຢູ່ ແລະ ມີເມືອກໝຽວຕິດມື. ໃບປະສົມ, ພາຍໃນໃບມີໃບຍ່ອຍລຽບສະຫຼັບກັນເປັນຮູບຂົນນົກ, ຂອບໃບເປັນແຂ້ວ ຫຼື ແບບແຂ້ວເລືອຍ, ປາຍໃບແຫຼມ, ແຜ່ນໃບຍາວ 2-3 ຊມ, ມີຂົນປົກຄຸ່ມ, ມີສີຂຽວເຂັ້ມ. ດອກເປັນຊໍ່ 1 ຊໍ່ມີປະມານ 2-3 ດອກ. ກາບດອກ 5 ກີບ, ກີບດອກສີເຫຼືອງ 5 ກີບ, ອອກຕາມຊອກໃບ, ປາຍກິ່ງ, ກ້ານດອກຍາວປະມານ 1.5 ຊມ, ກາງດອກມີຖຸງເກສອນຕົວຜູ້ລ້ອມຮອບເກສອນຕົວແມ່. ໝາກ ຄ່ອນຂ້າງກົມ ຫຼື ຍາວຮີ ຫຼື ແປ້ນ ແຕກຕ່າງກັນໄປ, ຂື້ນຢູ່ກັບສາຍພັນຂອງໝາກເລັ່ນ, ຜິວໃບຂອງໝາກກ້ຽງເປັນມັນ, ໝາກອ່ອນມີສີຂຽວ ໝາກສຸກຈະມີສີເຫຼືອງຈົນແດງເຂັ້ມ.

N/A

N/A

N/A

N/A

N/A

ອາຫານ
ພືດເປັນຢາ

ໝາກເລັ່ນນໍາມາກິນສົດ ຫຼື ນໍາມາປຸງແຕ່ງອາຫານໄດ້ຫຼາຍຢ່າງ ຫຼື ໃສ່ຕໍາ, ໃສ່ຕົ້ມຍໍາ, ໃສ່ພັນປາ, ໝາກເລັ່ນສຸກ ມີວິຕາມິນທີ່ມີປະໂຫຍດຕໍ່ຮ່າງກາຍສູງທັ້ງ ວິຕາມິນເອ, ວິຕາມິນບີ, ວິຕາມິນຊີ, ວິຕາມິນເຄ ແລະ ວິຕາມິນອື່ນໆ ໂດຍສະເພາະວິຕາມິນເອນັ້ນມີສູງຫຼາຍ. ນອກຈາກໃຊ້ກິນໄດ້ແລ້ວຍັງມີສັບພະຄຸນເປັນຢາລະບາຍອ່ອນໆ. ຊ່ວຍຂັບພິດ ແລະ ສິ່ງເສຍເຫຼືອໃນຮ່າງກາຍ, ບຳລຸງກະເພາະລໍາໄສ້, ໄຕ, ບໍາລຸງ ແລະ ກະຕຸ້ນກະເພາະອາຫານ, ຊ່ວຍໃຫ້ຈະເລີນອາຫານ, ແກ້ກະຫາຍນໍ້າ. ຮາກໃຊ້ເປັນຢາຮັກສາອາການເຈັບແຂ້ວ.

N/A

N/A

N/A

N/A

ສິຣິນຍາ. 2545. ຜັກຣີມຮົ້ວ, (77-81), ກຸງເທບ. ໄທ
ປອ.ທອງຄູນ ສີສະໄພທອງ, ພັດທະນາ ແສງອຸ່ນແກ້ວ, ສັກສະຫຍາມ ພະນົມສຸກ, ແສງດາລາ ມຸນນະລາດ, ຕຸງລ່ຽນ ວິໄລພອນ. 2018. ການປູກຜັກເປັນສິນຄ້າ, (65-68)ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ
ສະຖບັນຄົ້້ນຄ້ວາກະສິກຳ ແລະ ປ່າໄມ້ແຫ່ງຊາດ. 2007. ຊີວະນາໆພັນ ຜັກ ໃນວຽງຈັນ,(16).
Smith, A. F. 1994. The Tomato in America: Early History, Culture, and Cookery. Columbia SC, US: University of South Carolina Press, p. 152.
Barceloux, D. G. 2009. Potatoes, Tomatoes, and Solanine Toxicity (Solanum tuberosum L., Solanum lycopersicum L.). Disease-a-Month. 55 (6): 391–402. doi:10.1016/j.disamonth.2009.03.009