ລາວ: ຕົ້ນຜັກກະໂດນນໍ້າ ໄທ: ກະໂດນນໍ້າ, ກະໂດນທຸ່ງ, ຈິກນາ, ຈິກນໍ້າ Eng: freshwater mangrove, itchytree, mango-pine

Barringtonia acutangula (L.) Gaertn.
Barringtonia acutangula subsp. acutangula
Barringtonia acutangula subsp. spicata (Blume) Payens

Lecythidaceae

ເປັນໄມ້ຢືນຕົ້ນ ປະເພດປ່ຽນໃບ, ສູງ 5-15 ມ. ເຮືອນຍອດເປັນພຸ່ມ ຫຼື ແຜ່ກ້ວາງ, ມີລໍາຕົ້ນກົມ ເປືອກສີນໍ້າຕານແຕກເປັນຮ່ອງ ແລະ ສັນແຫຼມຕາມຍາວ, ກິ່ງກ້ານມັກຄົດງໍ ປາຍກິ່ງກົ່ງລົງ. ໃບດ່ຽວຈັບແບບລຽງສະຫຼັບຢູ່ປາຍກິ່ງ, ແຜ່ນໃບເປັນຮູບໄຂ່ປິ້ນ ຫຼື ຮູບຫອກປິ້ນ, ຍາວ 6-16 ຊມ, ກ້ວາງ 3-8 ຊມ, ກົກໃບຮູບຫຼີ້ມ, ຂອບໃບລຽບ, ປາຍໃບແຫຼມ, ຜິວໃບເຫຼືອມມັນເປັນສີຂຽວ, ໃບອ່ອນສີແດງ ຫຼື ສີນໍ້າຕານເຂັ້ມ ແລະ ມີຂົນໃບ. ເມື່ອເວລາມີດອກມັນຈະລົ້ມໃບ ຫຼື ພຽງແຕ່ໃບອ່ອນສີແດງ. ດອກອອກເປັັນຊໍ່ຮວງຮ້ອຍລົງອອກຢູ່ປາຍກິ່ງ ຍາວ 30-40 ຊມ. ດອກມີກາບດອກ 4 ກີບ, ກີບດອກສັ້ນ ປາຍແຍກເປັນ 4 ກີບ ມີສີແດງ ຫຼື ສີບົວ, ຈະຫຼົ່ນໄດ້ງ່າຍ ເມື່ອບານເຕັມທີ່ຈະມີເສັ້ນຜ່າສູນກາງປະມານ 2 ຊມ, ມີເກສອນຜູ້ຢູ່ເປັນຝອຍໆ, ສີບົວ ຫຼື ສີແດງຈໍານວນຫຼາຍ. ໝາກກົມ ມີສັນເປັນຫຼ່ຽມ 4 ສັນ, ລຽງຕາມລວງຍາວຂອງໝາກໆມີແກ່ນຢູ່ 1 ແກ່ນ, ຮູບໄຂ່.

N/A

N/A

N/A

N/A

N/A

ອາຫານ
ພືດເປັນຢາ

ດອກ ແລະ ຍອດອ່ອນມີລົດຊາດຝາດ ສາມາດກິນເປັນຜັກສົດ ກິນກັບແຈ່ວ, ກັບລາບ, ກັບປົ່ນ ແລະ ພັນປາ. ໃບແກ້ທ້ອງເສຍ, ເປືອກເປັນຢາລົດໄຂ້ ແລະ ຮັກສາໄຂ້ມາລາເຣຍ, ໝາກແກ້ໄອ, ແກ້ຫວັດ. ແກ່ນແກ້ຈຸກສຽດ. ນໍ້າຄັ້ນຈາກແກ່ນເປັນຢາຍອດຕາ. ຮາກເປັນຢາລະບາຍອ່ອນໆ.

N/A

N/A

N/A

N/A

ສົມສະນິດ ບົວມະນີວົງ, ທັດສະພອນ ພະໄຊສົມບັດ ແລະ ພູທົງ ໂພທິສັດ, 2017. ພືດຜັກປ່າ ທີ່ນໍາໃຊ້ເປັນອາຫານ ໃນ ສປປ ລາວ (ເຫຼັ້ມ 1). (12), ພະນັກງານພະແນກນິເວດວິທະຍາ. ສະຖາບັນນິເວດທະຍາ ແລະ ເຕັກໂນໂລຊີ ຊີວະພາບ.
ກົມວິຊາການກະເສດ. 2548. ຜັກພື້ນເມືອງ. ກົມວິຊາການກະເສດ, ກະຊວງກະເສດແລະສະຫະກອນ, (18-19) ກຸງເທບ. ໄທ
ອຸໄຣ ຈິຣະມົງຄົນການ. 2004. ຜັກພື້ນບ້ານ, (032), ໄທ
Maninderjit Kaur, Gurvinder Singh, Chander Mohan. 2013. Barringtonia acutangula: A Traditional Medicinal Plant. Int. J. Pharm. Sci. Rev. Res., 23(1), Nov–Dec 2013; nᵒ 33, 168-171
Dharamaraj Padmavathi, Lakshmi Susheela, and Rajkishore Vijaya Bharathi. 2011. Pharmacognostical evaluation of Barringtonia acutangula leaf. Int J Ayurveda Res. 2011 Jan-Mar; 2(1): 37–41.