ລາວ: ພວງພີ່ຂາວ, ພວງພີ່ດ່ອນ ໄທ: ນົມສະຫວັນຂາວ, ພວງພີ່ຂາວ, ຈາດຟ້າຂາວ, ສາວສະຫວັນຂາວ, ດອກປິ້ງຂາວ ຈີນ: 腺茉莉

Clerodendrum colebrookianum Walp.
Clerodendrum colebrookianum var. denticulatum C.B.Clarke
Clerodendrum colebrookianum var. henryanum Moldenke
Clerodendrum ixoriflorum Hassk.

Verbenaceae

ພວງພີ່ຂາວ ເປັນພືດປະເພດຕົ້ນໄມ້ເປັນຟຸ່ມນ້ອຍ ຫຼື ເກີດເອງຢ່າງໂດດດ່ຽວ, ສູງໄດ້ປະມານ 1.5 ແມັດ, ແຜ່ນເປັນຮູບໄຂ່ ຍາວ 10-20 ຊມ, ກວ້າງ 6-16 ຊມ, ປາຍໃບແຫຼມ, ສ່ວນກົກເປັນຮູບຫົວໃຈ, ຂອບໃບສ້ອຍ, ແຂ້ວເລື່ອຍຫ່າງ ແລະ ບໍ່ຄົມ, ເບື້ອງເທິງຂອງປ່ຽງໃບເປັນສີຂຽວຊໍ້າ, ດ້ານລຸ່ມເປັນສີຈາງກວ່າ, ກ້ຽງ, ຢູ່ຕາມເສັ້ນໃບຈະມີຂົນອ່ອນ, ເມື່ອຍ່ອງໃບ ຫຼື ຕົ້ນມາດົມກໍ່ຈະມີກິ່ນສະເພາະຂອງພວງພີ່, ຂວັ້ນໃບພວງພີ່ຍາວ, ອາດຈະເຖິງ 10 ຊມ. ດອກເປັນສີມ່ວງຈາງໆ ຫຼື ຂາວ, ມີກິ່ນຫອມ, ດອກເກີດເປັນຊໍ່ແບບແຕກແໜງ, ຊຶງມີຫຼາຍດອກ, ມີເສັ້ນຜ່ານກາງປະມານ 10 ຊມ. ກາບດອກເປັນຮູບສ້ວຍ, ດ້ານເທິງແບ່ງເປັນ 5 ແຜ່ນເປັນຮູບ 3 ແຈ. ເກສອນຜູ້ ມີ 4 ອັນ, ກ້ານເກສອນຕິດກັບສ່ວນເທິງຂອງກີບດອກ, ເກສອນແມ່ພົ້ນອອກຈາກກິບດອກ, ທໍ່ເກສອນແມ່ສັ້ນກວ່າເກສອນຜູ້, ໝາກແຂງ, ເປັນໜ່ວຍກົມ, ຍົງຄົງຮັກສາກາບດອກໄວ້ນຳໝາກຕະຫຼອດໄປ.

N/A

N/A

N/A

N/A

N/A

ພືດເປັນຢາ

ສ່ວນທີ່ໃຊ້ເປັນຢາ: ຮາກ ແລະ ໃບ. ໃບ ແລະ ຮາກພວງພີ່ຂາວເປັນຢາປົວລົງຂາວ, ມື້ໜຶ່ງກິນ 15-20 ກຼາມ. ໃບແຫ້ງປະສົມກັບໜາດສ້ວຍ, ຫຍ່າຂີວ, ຫົວຫຍ້າແຫ້ວໝູ, ຮາກພວງພີ່ຂາວ, ແດງ ເປັນຢາປົວໜັງເຫຼືອງ, ຕາເຫຼືອງ ມື້ໜຶ່ງກິນ 20 ກຼາມ ຕົ້ມກັບນໍ້າ 400 ມລ, ຈະເຮັດເປັນຢາລູກກອນເອົາ 600 ກຼາມ. ຮາກແຫ້ງຕົ້ມກັບນໍ້າ 5 ລິດ, ຕອງແລ້ວຂ້ຽວນໍ້າ ຕອງໃຫ້ຍັງເຫຼືອ 90 ກຼາມ. ຕື່ມທາດປະສົມສຳຮອງ ເຮັດເປັນຢາລູກກອນ. 4 ເມັດ, ມື້ໜຶ່ງ 2 ຄັ້ງ.

N/A

N/A

N/A

N/A

ບຸນໂຮງ ສຸດທະວົງ. 1999. ບາງຊະນິດພັນເຄື່ອງປ່າຂອງດົງ. ໂຄງການຂໍ້ມູນຂ່າວສານເຄື່ອງປ່າຂອງດົງ. ກົມປ່າໄມ້. (52-53).
A.A. Mao . A. Wetten . M. Fay and P. D. S. Caligari. 1995. In vitro propagation of Clerodendrum colebrookianum Walp., a potential natural anti-hypertension medicinal plant. Department of Agricultural Botany. School of Plant Sciences. The University of Reading. Whiteknights.
Lalrinpuia, Manajit Bora, SN Upadhyay, Arunabh Tripathi, Jayram Hazra. 2018. PHYTOCHEMICAL AND PHARMACOLOGICAL PROPERTIES OF CLERODENDRUM COLEBROOKIANUM WALP: A REVIEW. Research Officer (Pharmacology). Central Ayurveda Research Institute for Drug Development. Kolkata. India.

Wu Zheng-Yi & P. H. Raven et al., eds. (1994–). "Clerodendrum". In: Flora of China. Science Press (Beijing) and Missouri Botanical Garden Press, Vol. 17, Page 34.