ເປັນພືດນ້ຳລົ້ມລຸກມີອາຍຸຫຼາຍ, ລຳຕົ້ນອວບນ້ຳ, ຜີວລຳຕົ້ນລຽບເປັນສີຂຽວອ່ອນ ແລະ ເຂັ້ມ. ໃບດ່ຽວ ແຕກຈາກລຳຕົ້ນເປັນກໍ່, ໂຄນກ້ານແຜ່ເປັນກາບຫຸ້ມກັນໄວ້, ໃບຈະປຸ້ງອອກເພື່ອຊ່ວຍໃຫ້ລອຍຕົວຢູ່ໃນນ້ຳໄດ້, ໃບເປັນຮູບໄຂ່ ຫຼື ເກືອບກົມ, ກ້ານໃບອວບນ້ຳທາງກາງໂພງອອກພາຍໃນເປັນຊ່ອງອາກາດຄ້າຍກັບຟອງນ້ຳຈີ່ງຊ່ວຍເຮັດໃຫ້ລຳຕົ້ນລອຍນ້ຳໄດ້ ລັກສະນະຂອງໃບຈະຄ້າຍກັບໃບໂພ. ດອກເປັນຊໍ່ຢູ່ກາງກໍ່, ກ້ານດອກສັ້ນໆ, ໃນຊໍ່ໜື່ງຈະປະກອບໄປດ້ວຍດອກຂະໜາດນ້ອຍຫຼາຍດອກ ມີດອກ 3–25 ດອກ, ດອກຍ່ອຍເປັນສີບົວອົມສີຟ້າ ຫຼື ສີມ່ວງ, ມີກີບດອກ 6 ກີບ, ກີບເທີງສຸດຈະມີຂະໜາດໃຫຍ່ກວ່າກີບອື່ນໆ ແລະ ຈະມີຈຸດ ຫຼື ແຕ້ມສີເຫຼືອງຢູ່ກາງກີບ, ກີບດອກຈະມີລັກສະນະບາງ . ດອກຈະບານແຕ່ພຽງ 1 ວັນ, ມີຄວາມສວຍງາມສະດຸດຕາ ແລະ ດືງດູດສາຍຕາໄດ້ດີ. ໝາກເປັນແບບແຄັບຊູນແຫ້ງ ແລະ ແຕກໄດ້ ລັກສະນະເປັນຮູບຊົງກະບອກ ແບ່ງເປັນ 3 ຫຼ່ຽມ ເມື່ອຈະແຕກກາງຫຼ່ຽມ.

ຍອດອ່ອນ, ໃບອ່ອນ ແລະ ດອກອ່ອນ ສາມານຳລວກກິນກັບແຈ່ວກັບປົ່ນໄດ້ ຫຼື ນຳມາແກງ, ຊຸບກັບຜັກຊະນິດອື່ນ ( ສະເພາະຜັກຕົບທີ່ຢູ່ໃນສະພາບແວດລ້ອມທີ່ຂ້ອນຂ້າງບໍລິສຸດ ). ຊື່ງຄຸນຄ່າທາງໂພສະນາການຂອງສ່ວນທີ່ຮັບປະທານໄດ້ຂອງຜັກຕົບ 100 ກຼາມຈະປະກອບໄປດ້ວຍພະລັງງານ 30 ແຄລໍລີ, ນ້ຳ 89.8 %, ໂປຼຕີນ 0.5 ກຼາມ, ໄຂມັນ 0.1 ກຼາມ, ຄາໂບໄຮເດຣດ 7.5 ກຼາມ, ໄຍອາຫານ 2.4 ກຼາມ. ນອກນັ້ນຕົ້ນຜັກຕົບຍັງມີສັບພະຄຸນເປັນຢາແກ້ພິດໃນຮ່າງກາຍຊ່ວຍຂັບລົມ ແລະ ໃຊ້ຕຳໂພະໃສ່ແຜແກ້ບາດແຜອັກເສບໄດ້ອີກດ້ວຍ.

N/A

N/A

N/A

,