ເປັນພືດລົ້ມລຸກລະດູດຽວ, ລຳຕົ້ນຕັ້ງຊື່, ແຕກກີ່ງກ້ານຫຼາຍ, ມີກິ່ນຫອມສະເພາະຕົວ, ສູງ 0.3–1 ແມັດ. ລຳຕົ້ນ ແລະ ກີ່ງກ້ານເປັນສີ່ຫຼ່ຽມ, ສີຂຽວແກມເຫຼືອງ, ເມື່ອອາຍຸຍັງອ່ອນມີຂົນສີຂາວໜາແໜ້ນ. ໃບດ່ຽວຈັບລຽນກົງກັນຂ້າມກັນ, ຮູບຫອກກວ້າງປະມານ 1–2.5 ຊັງຕີແມັດ, ຍາວ 2.5–5 ຊັງຕີແມັດ. ໂຄນໃບເປັນຮູບລີ່ມ, ປາຍໃບແຫຼມ, ຂອບໃບລຽບ, ຜີວໃບລຽບ, ມັນຕ່ອມມັນທົ່ວໄປ, ກ້ານໃບຍາວປະມານ 2.5 ຊັງຕີແມັດ. ດອກອອກເປັນຊໍ່ຍາວປະມານ 15 ຊັງຕີແມັດ. ປະກອບດ້ວຍຊໍ່ດອກຍ່ອຍອອກເປັນຈຸກໆ ລະ 3 ດອກ, ຂໍ້ລະ 2 ຈຸກ. ໃບປະດັບເປັນຮູບມົນແກມໃບຫອກ ຍາວ 2–3 ມີນລີແມັດ, ມີຂົນຢູ່ກ້ານດອກຍ່ອຍຍາວປະມານ 4 ມີນລີແມັດ. ກາບດອກເຊື່ອມຕິດກັນປາຍແຍກເປັນ 2 ໂນນ. ໝາກເປັນໝາກແຫ້ງປະກອບດ້ວຍໝາກຍ່ອຍ 4 ໝາກ ມີກີບລ້ຽງຫຸ້ມຢູ່. ໝາກຍ່ອຍເປັນຮູບໄຂ່ສີດຳ, ກວ້າງປະມານ 1 ມີນລີແມັດ, ຍາວ 1,25 ມີນລີແມັດ.

ແກ່ນຜັກອີ່ຕູ່ມີສັບພະຄຸນຫຼຸດນ້ຳໜັກສຳລັບຜູ້ທີ່ຕ້ອງການຄວບຄຸມນ້ຳໜັກ ເນື່ອງຈາກແກ່ຜັກອີ່ຕູ່ບໍ່ກໍ່ໃຫ້ເກີດພະລັງງານ ແລະ ມັນ ສາມາດເພີ່ມໄດ້ຫຼາຍເຖີງ 45 ເທົ່າ. ເມື່ອນຳມາຮັບປະທານເປັນອາຫານ (ຄວນຮັບປະທານເປັນບາງມື້ ເພື່ອປ້ອງກັນພະຍາດຂາດສານອາຫານ). ຫຼື ຈະຮັບປະທານກ່ອນອາຫານເພື່ອເຮັດໃຫ້ກະເພາະບໍ່ຫວ່າງ ແລະ ຮູ້ສືກອີ່ມເປັນການຊ່ວຍຄວບຄຸມປະລິມານອາຫານທີ່ຮັບປະທານໄປດ້ວຍເປັນຢ່າງດີ. ສຳລັບວິທີຊົງເມັດຜັກອີ່ຕູ່ກໍ່ຄືໃຊ້ແກ່ນຜັກອີ່ຕູ່ປະມານ 2 ບ່ວງກາເຟນຳມາແຊ່ນ້ຳ 1 ຈອກໃຫຍ່ປະໄວ້ຈົນແກ່ນໂພງເຕັມທີ່ແລ້ວນຳມາປະສົມກັບນ້ຳຮ້ອນ 1 ຈອກນຳມາຮັບປະທານ ຫຼື ຈະປະສົມກັບນ້ຳເຜີ້ງ, ນ້ຳສະໝຸນໄພ ແລະ ນົມກໍ່ໄດ້. ແກ່ນຜັກອີ່ຕູ່ເປັນອາຫານທີ່ເໝາະສຳລັບຜູ້ປ່ວຍພະຍາດເບົາຫວານເພາະຊ່ວຍເຮັດໃຫ້ການດູດຊືມຂອງນ້ຳຕານຫຼຸດລົງເນື່ອງຈາກແກ່ນຜັກອີ່ຕູ່ເຮັດໃຫ້ຮ່າງກາຍດູດເຊືອມອາຫານໄດ້ຊ້າງລົງ. ໃບຊ່ວຍແກ້ອາການວິນຫົວ, ຊ່ວຍແກ້ອາການທ້ອງອືດດ້ວຍການໃຊ້ໃບສົດມາລ້າງໃຫ້ສະອາດແລ້ວຮັບປະທານ. ນອກນັ້ນໃບຜັກອີ່ຕູ່ຍັງຊ່ວຍຮັກສາຂີ້ກາກ, ເຮື້ອນໂດຍການໃຊ້ໃບສົດປະມານ 10 ໃບ ລ້າງນ້ຳໃຫ້ສະອາດແລ້ວນຳມາຕຳປະສົມເກືອເລັກນ້ອຍແລ້ວນຳມາທາບໍລິເວນທີ່ເປັນວັນລະ 1 ຄັ້ງ ປະມານ 1–2 ອາທິດອາການຈະດີຂື້ນ.

N/A

N/A

N/A

,