ລາວ: ຜັກກຸ່ມ ໄທ: ກຸ່ມນໍ້າ, ຜັກກຸ່ມ

Crateva hygrophila Kurz, C. nurvala Buch.-Ham

Capparidaceae

ຜັກກຸ່ມເປັນໄມ້ຢືນຕົ້ນມີຄວາມສູງ 7-15 ມ. ລໍາຕົ້ນລຽບເປືອກສີເທົາ. ໃບປະກອບແບບນິ້ວມືແຜ່ນໃບຄ່ອນຂ້າງຫນາສີຂຽວເປັນມັນ ດ້ານລຸ້ມໃບມີສີອ່ອນກ່ວາດ້ານເທີງມີໃບຍ່ອຍ 3 ໃບ ກ້ານໃບປະກອບມີຄວາມຍາວປະມານ 4-14 ຊມ. ຫູໃບນ້ອຍລ່ວງໄດ້ງ່າຍລັກສະນະຂອງໃບຍ່ອຍ ເປັນຮູບໃບຫອກ ຫຼື ຂອບຂະຫນານມີຄວາມກ້ວາງປະມານ 15-6 ຊມ. ຍາວປະມານ 45-18 ຊມ. ປາຍຄ່ອຍໆລຽວແຫຼມມີຄວາມຍາວປະມານ 25 ຊມ. ໂຄນສອບໃບຍ່ອຍທີ່ຢູ່ດ້ານຂ້າງໂຄນໃບຈະບ້ຽວເລັກໝ້ອຍ ໃບຍ່ອຍບໍ່ມີກ້ານ ຫຼື ຖ້າມີກໍ່ບໍ່ຍາວ. ດອກອອກເປັນຊໍ່ແບບກະຈະຈ່າງອອກຕາມຍອດ ມີຈໍານວນຫຼາຍດອກ ກ້ານດອກຍາວປະມານ 4-7 ຊມ. ກາບດອກເປັນລັກສະນະຮູບໄຂ່ປາຍແຫຼມກ້ວາງປະມານ 2 ມມ. ແລະ ຍາວປະມານ 2-4 ມມ. ກີບດອກກ້ອນນໍ້າມີສີຂາວແລ້ວຄ່ອຍໆປ່ຽນເປັນສີເຫຼືອງໃບມີລັກສະນະຄ່ອມຂ້າງກົມ. ໝາກກົມເປືອກຫນາສີເຫຼືອງອົມເທົາເມື່ອສຸກຈະເປັນສີເທົາໝາກແກ່ຜິວຈະລຽບ ໝາກກ້ວາງປະມານ 15-45 ຊມ. ຍາວປະມານ 5-8 ຊມ. ກ້ານໝາກຍາວປະມານ 8-13 ຊມ. ກ້ານຫນາປະມານ 3-5 ມມ.

N/A

N/A

N/A

N/A

N/A

ອາຫານ
ພືດເປັນຢາ

ຍອດອ່ອນໃຊ້ປຸງເປັນອາຫານ ຍອດອ່ອນມີລົດຊາດສົ້ມເຝືອນ ນໍາມາເຮັດອ່ອມໃສ່ຊີ້ນ ແລະ ໝັກເຮັດສົ້ມຜັກກຸ່ມ ທີ່ມີຂາຍໃນທ້ອງຕະຫຼາດ ແລະ ໃຊ້ເປັນຢາສະໝຸນໄພ ຍາລະບາຍ, ຍາບໍາລຸງ, ແກ້ໄຂ້, ແກ້ປວດເສັ້ນເປັນອໍາມະພາດ, ໂລກໄຂຂໍອັບເສດ.

N/A

N/A

N/A

N/A

ສົມສະນິດ ບົວມະນີວົງ, ທັດສະພອນ ພະໄຊສົມບັດ ແລະ ພູທົງ ໂພທິສັດ. 2017. ພືດຜັກປ່າ ທີ່ນໍາໃຊ້ເປັນອາຫານ ໃນ ສປປ ລາວ (ເຫຼັ້ມ 1). ພະນັກງານພະແນກນິເວດວິທະຍາ. ສະຖາບັນນິເວດທະຍາ ແລະ ເຕັກໂນໂລຊີ ຊີວະພາບ.
ກົມວິຊາການກະເສດ. 2548. ຜັກພື້ນເມືອງ. ກະຊວງກະເສດແລະສະຫະກອນ, ກຸງເທບ. ໄທ
ຣັກ ພຣຶຶກຊາດ. 2551. ຄູ່ມືການປູກຜັກພື້ນບ້ານ ຄົບເຄື່ອງເລື້ອງຜັກພື້ນບ້ານທັງການປູກແລະການຕະຫຼາດ.