ໝາກນັດເປັນພືດທີ່ມີຄວາມສຳຄັນຕໍ່ຂະແໜງອຸດສະຫະກຳ, ນອກຈາກຈະນຳເອົາໝາກນັດມາບໍລິໂພກສົດແລ້ວຍັງສາມາດປຸງແຕ່ງເປັນຜະລິດຕະພັນຕ່າງໆໄດ້ຫຼາຍຊະນິດນອກຈາກນີ້ໝາກນັດຍັງມີສ່ວນຕ່າງໆທີ່ສາມາດນຳມາໃຊ້ປະໂຫຍດໄດ້ຢ່າງກວ້າງຂວາງ. ຈຸກໜໍ່ ຫຼື ແໜງ ສາມາດນຳມາໃຊ້ເປັນສ່ວນຂະຫຍາຍພັນເພື່ອປູກໄດ້. ລຳຕົ້ນ ຫຼື ເຫງົ້າຈະມີສານຊະນິດໜຶ່ງຄື: ສານໂບຣມີເລນ ເຊິ່ງແມ່ນສານທີ່ໃຊ້ປະໂຫຍດໃນທາງການແພດ. ໃບນຳມາໃຊ້ຄຸ່ມດິນເພື່ອຮັກສາຄວາມຊຸມຂອງດິນ. ເປືອກ ແລະ ແກນຈະມີນໍ້າປະມານ 90% ຈະມີໂປຣຕີນຄ້າງຢູ່ປະມານ 0.7-7% ຖ້າຕາກແຫ້ງຈະມີໂປຣຕີນສູງເຖີງ 7-70%. ເສດເຫຼືອຈາກຕົ້ນໝາກນັດທຸກພາກສ່ວນທີ່ເຫຼືອຖີ່ມໄວ້ໃນສວນເຮົາສາມາດປົ່ນ ແລະ ໄຖກົບໝັກເປັນຝຸ່ນເພື່ອເປັນການເພີ່ມອິນຊີວັດຖຸໃຫ້ແກ່ດິນ.