ເປັນໄມ້ຢືນຕົ້ນສູງປະມານ 10-25 ແມັດ. ເປືອກນອກສີນໍ້າຕານເຂັ້ມ, ແຕກເປັນຮ່ອງເລີກຕາມລວງຍາວຂອງລຳຕົ້ນ ແລະ ແຕກເປັນຮ່ອງຕື້ນຕາມທາງຂວາງ. ເປືອກເປັນສີນໍ້າຕານແດງ, ມີຢາງສີຂາວເຫຼືອງ. ໃບດ່ຽວ ຮຽງສະຫລັບ,ຮູບຂອບຂະໜານ ຍາວປະມານ 7-12 ຊມ, ກວ້າງປະມານ 4-6 ຊມ, ຫຼັງໃບກ້ຽງ, ທ້ອງໃບມີຂົນ, ກ້ານໃບຍາວປະມານ 3-4 ຊມ. ຫູໃບລົ່ນໄວ້, ໃບອ່ອນສີແດງ. ຊໍ່ດອກ ອອກຢູ່ປາຍຍອດ ແລະ ງ່າມໃບ ເປັນຊໍ່ແຕກຂະແໜງ, ດອກສີເຫຼືອງ ແລະ ມີກິ່ນຫອມ, ອອກດອກຫຼັງການປົ່ງໃບໃໝ່ ຫຼື ພ້ອມໆກັບການປົ່ງໃບອ່ອນ, ອອກດອກລະຫວ່າງເດືອນ 2-3. ໝາກມີປີກ 5 ອັນ ແລະ ເສັ້ນ 2 ອັນສອງອັນເສັ້ນນີ້ມີຄວາມຍາວບໍ່ເທົ່າກັນ, ປີກອ່ອນສີເຫຼືອງອ່ອນ, ປີກແກ່ສີນໍ້າຕານແດງເປັນໝາກລະຫວ່າງເດືອນ 4-5.

ພື້ນບ້ານຂອງລາວມັກນໍ້າເອົາຂີ້ຊີມາຢາຄຸທີ່ສານດ້ວຍໄມ້ປ່ອງ, ຢາປ່ອມຕັກນໍ້າສ້າງ ແລະ ຢາເຮືອ, ໃນທາງອຸດສະຫະກຳ ໄດ້ນຳໃຊ້ຂີ້ຊີເຂົ້າໃນອຸດສະຫະກຳນໍ້າມັນທາໄມ້ເພື່ອປ້ອງກັນແມງໄມ້, ໃນອຸດສະຫະກຳເຄືອບເງົາ ແລະ ຢາເຮືອ. ນອກຈາກນັ້ນ ເນື້ອໄມ້ຈິກເປັນເນື້ອໄມ້ທີ່ແຂງ, ເບົາ ແລະ ທົນທານຕໍ່ແມງໄມ້ ດັ່ງນັ້ນຈື່ງເປັນໄມ້ທີ່ເໝາະສົມຕໍ່ການປຸກສ້າງເຮືອນພັກທີ່ຢູ່ອາໄສ ຫຼື ເປັນໄມ້ຮອງລາງລົດໄຟ. ເປືອກຕົ້ນໃຊ້ເປັນຢາສະມານແຜ ຫ້າມເລືອດ, ຮັກສາແຜເລື້ອລັງ (ເອົາເນື້ອໄມ້ ຫຼື ເປືອກໄມ້ມາຝົນກັບນໍ້າປູກໃສແລ້ວໃຊ້ສຳລີຈຸ່ມທາບໍລິເວນແຜ)

N/A

N/A

N/A

,