ລາວ: ຕົ້ນກະຖິນ ໄທ: ກຣະຖິນ, ກະເສັດ, ກະເສັດບົກ

Leucaena leucocephala subsp. glabrata (Rose) Zarate
Leucaena leucocephala subsp. glabrata (Rose) Zárate
Leucaena leucocephala subsp. leucocephala

Fabaceae

ເປັນໄມ້ຟຸ່ມ ຫຼື ໄມ້ຢືນຕົ້ນຂະໜາດນ້ອຍມີຄວາມສູງປະມານ 3–10 ແມັດ, ລັກສະນະເຮືອນຍອດເປັນຮູບໄຂ່ ຫຼື ກົມ, ເປືອກຕົ້ນມີສີເທົາ ແລະ ມີປຸ່ມເປັນໂນນຂອງຮອຍກີ່ງກ້ານທີ່ຫຼົ່ນໄປ. ໃບ: ເປັນໃບປະສົມແບບຂົນນົກສອງຊັ້ນຮຽງສະຫຼັບກັນ, ຍາວປະມານ 12.5–25 ຊັງຕີແມັດ. ແກນກາງໃບປະສົມມີຂົນ ໃບແຍກຂະແໜງປະມານ 3–19 ຄູ່ ຮຽງກົງກັນຂ້າມກັນ, ຍາວປະມານ 5–10 ຊັງຕີແມັດ. ສ່ວນໃບຍ່ອຍມີປະມານ 5–20 ຄູ່ ຮຽງຢູ່ກົງກັນຂ້າມກັນ, ໂຄນໃບບ້ຽວ, ປາຍໃບແຫຼມ, ຂອບໃບມີຂົນ. ແຕ່ລະໃບມີເສັ້ນຂະແໜງຢູ່ປະມານຂ້າງລະ 5–6 ເສັ້ນ, ສ່ວນກ້ານໃບຍ່ອຍມີຄວາມຍາວປະມານ 1 ມີນລີແມັດ. ດອກ: ມີສີຂາວອອກດອກເປັນຊໍ່ແບບກະຈຸກແນ່ນຕາມງ່າມໃບ ແລະ ປາຍກີ່ງປະມານ 1–3 ຊໍ່. ກາບລ້ຽງໂຄນຕິດກັນ. ສ່ວນປາຍແຍກເປັນສາມຫຼ່ຽມນ້ອຍ 5 ແສກ ມີຂົນ ສ່ວນກີບດອກມີ 5 ກີບ. ມີເກສອນຜູ້ 10 ອັນ ເມື່ອດອກບານເຕັມທີ່ຈະກວ້າງປະມານ 2–5 ຊັງຕີແມັດ. ໝາກ: ເປັນຝັກມີລັກສະນະແປ, ປາຍຝັກແຫຼມ, ໂຄນສອບ, ຝັກເມື່ອແກ່ຈະແຕກຕາມທາງຍາວ, ຝັກຍາວປະມານ 10–20 ຊັງຕີແມັດ ແລະ ກວ້າງປະມານ 1.5–2 ຊັງຕີແມັດ.

N/A

ລຽບແມ່ນ້ຳຂອງພາກເໜືອ
ທົ່ງພຽງວຽງຈັນ

N/A

N/A

N/A

N/A

ອາຫານ
ພືດເປັນຢາ

ເມັດກະຖິນໃຊ້ເປັນຢາຖ່າຍພະຍາດໂຕກົມ (Ascariasis) ສຳລັບຜູ້ໃຫຍ່ໃຫ້ໃຊ້ຄັ້ງລະ 25–50 ກຼາມ. ສ່ວນເດັກໃຫ້ໃຊ້ 5–20 ກຼາມຕໍ່ວັນ. ໂດຍໃຊ້ຮັບປະທານຕອນທ້ອງຫວ່າງໃນຕອນເຊົ້າປະມານ 3–5 ວັນ. ຮາກ ແລະ ເມັດໃຊ້ເປັນຢາອາຍຸວັດທະນະ, ຍອດອ່ອນ, ຝັກອ່ອນ ແລະ ເມັດ ຊ່ວຍເສີມສ້າງ ແລະ ບຳລຸງກະດູກເພາະມີຟົດສະຟໍຣັດສູງ, ຍອດອ່ອນ ຊ່ວຍຫຼຸດລະດັບນ້ຳຕານໃນເລືອດ ແລະ ຮັກສາຄວາມດັນໂລຫິດສູງ. ດອກກະຖິນໃຊ້ຮັບປະທານເປັນຢາຊ່ວຍບຳລຸງຕັບອີກດ້ວຍ.

N/A

N/A

N/A

N/A

ກີຣະຕິ ສຸທິບປຣະພາ, ອະນຸສອນ ເຊີດທອງ, ກຳປະນາດ ເພສັຊຊາ, ສາຍັນ ຈັນທະຣີມ ແລະ ເມທາ ວັດທະນາ. 2012. ແກ່ນກະເສດ 40 ສະບັບພິເສດ 2 ປີ 2 ຜົນຂອງການເສີມໃບກະຖິນສົດຕໍ່ການກິນໄດ້ການປ່ຽນແປງນ້ຳໜັກຕົວ ແລະ ປະຊາກອນໂປໂຕຊົວໃນຄວາຍທີ່ໄດ້ຮັບເຟືອງເຂົ້າເປັນແຫຼ່ງອາຫານຫຍາບ, ໜ້າ 580–583.
ສາຍັນ ທັດສີ. 2553. ການຜະລິດກະຖິນແບບຍືນຍົງເພື່ອໃຊ້ເປັນພະລັງງານ.
ບຸນລ້ອມ ຊີວິອິດສະຣະກູນ, ວໍລະຍາ ອ່າງທອງ, ສົມຄິດ ພອນຫົມມາ ແລະ ບຸນເສີມ ຊີວະອິດສະຣະກູນ. 2003. ການໃຊ້ກະຖິນໝັກທົດແທນບາງສ່ວນຂອງອາຫານເຂັ້ມຂຸ້ນເພື່ອລ້ຽງງົວນົມ.
ບຸນລ້ອມ ຊີວິອິດສະຣະກູນ, ວໍລະຍາ ອ່າງທອງ, ສົມຄິດ ພອນຫົມມາ ແລະ ບຸນເສີມ ຊີວະອິດສະຣະກູນ. 2002. ປະລິມານເບຕ້າ ແຄໂຣທີນມິໂມຊີນ ແລະ ຄຸນນະພາບຂອງໃບກະຖິນໝັກທີ່ເກັບໄວ້ເປັນເວລາຕ່າງກັນ.
Dargo Kebede. 2016. Role of Leucaena leucocephala (Lam.) de Wit in Soil Management: A review. Agricultural Science Research Journal Vol. 6(3): March 2016, p. 71-78.