ລາວ: ຜັກແພວ ໄທ: ຜັກແພວ, ພິກມ້າ, ພິກມ່າ

Persicaria odorata (Lour.) Soják.

Polygonaceae

ຜັກແພວຈັດເປັນພືດລົ້ມລຸກມີລຳຕົ້ນສູງປະມານ 30–35 ຊັງຕີແມັດ, ລຳຕົ້ນຕັ້ງຊື່ມີຂໍ້, ຕາມຂໍ້ມັກມີຮາກງອກອອກມາ, ລຳຕົ້ນເລືອໄປຕາມພື້ນດິນ ແລະ ມີຮາກງອກອອກມາ. ໃບ: ເປັນໃບດ່ຽວອອກສະຫຼັບ, ລັກສະນະຂອງໃບເປັນຮູບຫອກ ຫຼື ຮູບຫອກແກມຮູບໄຂ່, ໃບມີຂະໜາດກວ້າງປະມານ 2,5–3 ຊັງຕີແມັດ ແລະ ຍາວປະມານ 5,5–8 ຊັງຕີແມັດ. ປາຍໃບຮຽວແຫຼມຄ້າຍຄືກັບໃບໄຜ່ແຕ່ບາງກວ່າ, ຂອບໃບລຽບ, ກ້ານໃບສັ້ນມີຫູ. ໃບລັກສະນະຄ້າຍປອກຫຸ້ມຮອບລຳຕົ້ນຢູ່ບໍລິເວນເທີງຂໍ້ຂອງລຳຕົ້ນຕົ້ນ. ດອກຜັກແພວອອກເປັນຊໍ່, ຊໍ່ດອກມີດອກຍ່ອຍຂະໜາດນ້ອຍສີຂາວນວນ ຫຼື ສີຊົມພູມ່ວງ. ໝາກຜັກແພວມີຂະໜາດນ້ອຍ. ແກ່ໄວ ແລະ ຫຼົ່ນງ່າຍ.

N/A

N/A

N/A

N/A

N/A

ອາຫານ
ພືດເປັນຢາ

ຜັກແພວອຸດົມສົມບູນໄປດ້ວຍສານຕ້ານອະນຸມູນອິດສະຫຼະຫຼາຍຊະນິດທີ່ຊ່ວຍເສີມສ້າງພູມຕ້ານທານພະຍາດໃຫ້ກັບຮ່າງກາຍ, ໃບໃຊ້ຮັບປະທານຊ່ວຍເຮັດໃຫ້ຈະເລີນອາຫານ, ຊ່ວຍໃນການຂັບຖ່າຍ, ປ້ອງກັນ ແລະ ແກ້ອາການຖອກທ້ອງ ແລະ ຊ່ວຍປ້ອງກັນມະເຮັງລຳໄສ້ໃຫຍ່ເພາະເປັນຜັກທີ່ມີໄຟເບີສູງເຖີງ 9.7 ກຼາມ. ຊື່ງຈັດຢູ່ໃນຜັກທີ່ມີເສັ້ນໄຍອາຫານສູງທີ່ສຸດ 10 ອັນດັບຂອງຜັກພື້ນບ້ານ. ຜັກແພວມີຣົດເຜັດຮ້ອນຈິ່ງຊ່ວຍແກ້ລົມ, ຂັບລົມໃນກະເພາະອາຫານ, ແກ້ທ້ອງອືດ, ຊ່ວຍເຮັດໃຫ້ເອື້ອມລະບາຍລົມອອກ. ນອກນັ້ນໃບຜັກແພວຍັງຊ່ວຍແກ້ຕຸ່ມຄັນຈາກເຊື້ອຣາດ້ວຍການໃຊ້ໃບ ຫຼື ໝົດຕົ້ນນຳມາຄັ້ນ ຫຼື ຕຳປະສົມກັບເຫຼົ້າຂາວແລ້ວໃຊ້ເປັນຢາທາ.

N/A

N/A

N/A

N/A

ສະຣັນຍາ ມະນີທອງ. 2559. ການສະກັດ ແລະ ການທົດສອບລິດຕ້ານອະນຸມູນອິດສະຫຼະໃນພືດສະໝຸນໄພ 4 ຊະນິດ ດ້ວຍວິທີການທຳລາຍອະນຸມູນອິດສະຫຼະດີພີພີເອັບ. ໜ້າ 9 - 10.
ສຳນັກງານຄຸ້ມຄອງພູມປັນຍາແພດແຜນໄທ. 2558. ຜັກພື້ນບ້ານເດັ່ນ. ໜ້າ 48 - 49.
ຊູຊາດ ສຸກມາກ. 2560.ຜັກແພວ ສັບພະຄຸນ ແລະ ປະໂຫຍດຂອງຜັກແພວ 34 ຂໍ້.
Somananda K. Ahongshangbam, G. A. Shantibala Devi, S and Chattopadhyay, International Journal of Basic and Applied Biology (IJBAB) Volume2, Number 1, October, 2014, Bioactive Compounds and Antioxidant Activity of
Polygonum odoratum Lour, pp 94 - 97.
ນັນທິຍາ ສົມຖາວອນ, ຈະຣິນຍາພອນ ເນົາວະບຸດ, ສຸກເກດ ແສນທະວີ ແລະ ອັດສະຣາພອນ ແຖວໝໍ.2557. ການສຶກສາລິດຕ້ານອະນຸມູນອິດສະຫຼະຂອງສານສະກັດຜັກແພວໃນຫຼອດທົດລອງ ແລະ ໃນຮ່າງກາຍຂອງໜູແຣດ. ໜ້າ 60 - 71.