ລາວ: ໝາກເຂືອບ້ານ, ຕົ້ນໝາກກະສັກ. ໄທ: ລຳໂພງກາສະລັກ, ມະເຂືອບ້າ, ລຳໂພງກາລັກ, ກາສະລັກ.

Datura metel var. dentata Schltdl. & Cham.
Datura metel var. fastuosa (L.) Saff.
Datura metel var. flaviflora (O.E.Schulz) Moldenke
Datura metel var. muricata (Link) Danert
Datura metel f. pleniflora O.Deg.
Datura metel var. quinquecuspidata Torr.

Solanaceae

ພືດລຳໄມ້ຂະໜາດນ້ອຍ, ສູງ 1–2 ແມັດ, ເປັນພືດລົ້ມລຸກຂະໜາດໃຫຍ່. ພືດຊະນິດນີ້ມີຫຼາຍພັນ, ຕົ້ນຕໍແມ່ນພັນດອກຂາວ ແລະ ພັນດອກສີມ່ວງ, ລຳຕົ້ນໜຽວ, ກ້ຽງ, ບາງພັນມີລຳຕົ້ນອອກສີຂຽວອ່ອນ, ບາງພັນອອກສີອິດ. ໃບ: ແມ່ນໃບປະເພດດ່ຽວ, ດົກໜາ, ໃບຈັບສະຫຼັບກັນ, ເນື້ອໃບໜາ ແລະ ໃຫຍ່, ກ້ານໃບຍາວ, ພັນດອກຂາວມີແຄມເນື້ອໃບເປັນຫຼາຍວັກຫ່າງຄືແຂ້ວເລື່ອຍ, ປາຍໃບແຫຼມ, ຕີນຂອງເນື້ອໃບໂຄ້ງມົນ ແລະ ຫຼຸດລຶ່ນກັນ 0,5– 3,5 ຊັງຕີແມັດ, ສ່ວນເນື້ອໃບຂອງພັນສີມ່ວງມີແຄມກ້ຽງ. ພັນສອງພັນມີກ່າງໃບຈະແຈ້ງດີ. ກ້ານໃບມີຮູບກົມ, ຍາວ 2–8 ຊັງຕີແມັດ. ອອກດອກສີຂຽວອ່ອນສຳລັບພັນດອກຂາວ ແລະ ອອກດອກສີຂຽວອົມສີມ່ວງ ສຳລັບພັນດອກສີມ່ວງ. ດອກ: ແມ່ນປະເພດດອກດ່ຽວ, ມີຂະໜາດໃຫຍ່ໂດຍສະເພາະພັນດອກສີມ່ວງ, ຍາວ 16–19 ຊັງຕີແມັດ, ແມ່ນດອກປະເພດ 5 ແລະ ມີເພດຮ່ວມ. ກສບດອກຕິດກັນເປັນທໍ່, ອອກສີຂຽວສຳລັບພັນດອກຂາວ ແລະ ອອກສີຂຽວອົມສີອິດສຳລັບພັນດອກສີມ່ວງ, ກີບດອກຕິດກັນເປັນທໍ່, ພັນດອກສີຂາວມີກີບດອກອອກສຮຂາວ ແລະ ສັບຊ້ອນກັນເປັນວົງດຽວ, ສ່ວນພັນດອກສີມ່ວງມີກີບດອກອອກສີຂາວອົມສີມ່ວງ ແລະ ສັບຊ້ອນເປັນ 2–3 ຊັ້ນ. ທໍ່ກີບດອກມີ 3 ກ່າງຈະແຈ້ງໃນແຕ່ລະກີບ, ໃນນັ້ນມີກ່າງໜຶ່ງຍາວກວ່າໝູ່ ແລະ ຍາວລື່ນກີບດອກຄ້າຍເລັບມື. ສະເພາະພັນດອກສີມ່ວງ, ຂ້າງໃນຂອງກີບດອກມີຈຸດເຫຼືອງເປັນຈຸ້ມແຈກຢາຍເປັນໄລຍະໆ, ຂ້າງນອກຂອງກີບດອກມີຈຸດສີມ່ວງແຈກຢາຍຢູ່ທົ່ວໄປ, ເກສອນມີຮວຍໃຫຍ່ ແລະ ມີກ້ານຍາວ, ຮວຍເກສອນຕິດກັນເປັນທໍ່ກົມຈົນຮອດ 2/3. ທໍ່ຂອງຮວຍເກສອນຫຸ້ມເອົາຄໍຂອງເຕົ້າໄຂ່ໄວ້, ເຕົ້າໄຂ່ເຈັບຢູ່ເທີງກາບດອກ, ກີບດອກ ແລະ ເກສອນ. ໝາກ: ແມ່ນໝາກປະເພດແຫ້ງ, ອອກສີຂຽວເວລາດິບ ແລະ ມີໜາມແຂງຢູ່ຕາມເປືອກນອກ, ໝາກມີຮູບກົມຍາວສຳລັບພັນດອກສີມ່ວງ ແລະ ກົມມົນສຳລັບພັນດອກສີຂາວ. ໝາກແກ່ອອກສີນ້ຳຕານຈືດ. ໝາກບັນແກ່ນຈຳນວນຫຼາຍ, ແກ່ນມີຮູບແປຂະໜາດ 0,4–0,6 ຊັງຕີແມັດ, ເວລາແກ່ໝາກຈະແຕກເອງ. ພືດຊະນິດນີ້ມີຖິ່ນກຳເນີດຢູ່ອາຊີເຂດຮ້ອນ ແລະ ຊຸ່ມ. ເກີດທົ່ວໄປ ແລະ ມັກບ່ອນຮົ່ມສົມຄວນ. ດອກບານແຕ່ເດືອນ ກໍລະກົດ ຫາ ເດືອນພະຈິກ.

N/A

ລຽບແມ່ນ້ຳຂອງພາກເໜືອ

N/A

N/A

N/A

N/A

ພືດເປັນຢາ

ຕົ້ນໝາກເຂືອບ້າ ມີອານກາໂລອີດ ຫຼາຍຊະນິດ ເຊັ່ນ: ສະໂກໂປລາມີນ, ອາໂຕຼປີນ....ພືດນີ້ໃຊ້ເປັນຢາລະງັບອາການປວດ, ໃຊ້ມາຍການປັ້ນຂອງລຳໃສ້ ແລະ ກະເພາະ, ປົວຫືດ, ແກ້ໄອ, ແກ້ວິນວຽນ. ດອກນຳມາປາດຕາກແດດປະສົມກັບຢາສູບໃຊ້ສູບແກ້ອາການຫອບຫືດ, ແກ້ການບີບຕົວຂອງຫຼອດລົມ, ເມັດມີຣົດເບື່ອເມົານຳມາຂົ້ວໃຫ້ໝົດນ້ຳມັນໃຊ້ປຸງເປັນຢາແກ້ໄຂ້, ໃຊ້ເປັນຢາເພື່ອບັຍເທົາອາການປວດເມື່ອຍດ້ວຍການໃຊ້ເມັດ 30 ກຼາມ ນຳມາທຸບໃຫ້ພໍແຫຼກແລ້ວນຳມາແຊ່ກັບນ້ຳມັນພືດ ປະມານ 7 ວັນ ໃຊ້ທາບໍລິເວນທີ່ມີອາການປວດເມື່ອຍ ຈະຊ່ວຍບັນເມົາອາການປວດໄດ້ ແລະ ໃຊ້ໃສ່ແຂ້ວທີ່ເປັນຮູເພື່ອຊ່ວຍບັນເທົາອາການປວດໄດ້ອີດດ້ວຍ. ໃບມີລິດກົດສະໝອງມີສັບພະຄຸນຊ່ວຍແກ້ອາການອາຈຽນຈາກການເມົາລົດເມົາເຮືອ ( ແຕ່ມີອາການຂ້າງຄຽງຄືເຮັດໃຫ້ປາກ ແລະ ຄໍແຫ້ງ.

N/A

N/A

N/A

N/A

ດຣ ສີສຸວັນ ກ. ພິນິດ, ອາຈານ ບົວໄຂຄອນ ສະແຫວງສຶກສາ ແລະ ນາງ ສີສຸພັນ ຫຼວງລາດ. ປີ 1995. ປື້ມຕົ້ນໄມ້ເປັນຢາບາງຊະນິດຢູ່ລາວ, ໜ້າ 65 - 66
ພຼະມະຫາ ຈະລຸນ ວະຊິລະລັງສີ ແລະ ຈັນມີ ສິດທິ - ມະໂນທຳ (1985), ຕຳລາແພດສາດພື້ນເມືອງລາວ, ສະພາວິທະຍາສາດ ແລະ ເຕັກນິກ ແຫ່ງລັດ
ຈຳລອງ ເພັງຄລ້າຍ ແລະ ໝູ່ຄະນະ, ກ້າວໄປສູ່ສະໝຸນໄພ.
ກຽດຕິກະເສດ ການຈະນະພິສຸດ ແລະ ຄະນະ ( 1988 )
DELAVEAU, P. et al (1985). Secrets et vertus des planted m’edicinales. S’election du Reader’s Digest, Paris.
Biology teaching Group (1982) Some Common Flora and Fauna in Thailand Institute for promotion of teaching Science and Technology.
DHAVADEE PONGLUX, et al (1987), Medicinal Plants, Victory Power Piont Crop. Thaland.
Des ABBAYES, H. et al (1963). Botaniqe, Anatomie, Cycle e’volutif syste’matique, Masson et Cie, paris.
BAILEY,L.H. (1961) Manual of cultivated plant the Macmillian Company, New – York.