ລາວ: ຕົ້ນດອກຮັກ. ໄທ: ຣັກ, ຣັກຂາວ, ຣັກເຂົາ, ຣັກຊ້ອນ, ປໍເຖື່ອນ, ປ່ານເຖື່ອນ, ຣັກດອກ, ຣັກດອກຂາວ, ຣັກດອກມ່ວງ, ຣັກສ້ອຍມາໄລ, ຣັກແດງ. ອິນເດຍ: ອະຣັກ.

Asclepias gigantea L.
Calotropis gigantea (L.) R. Br. ex Schult.
Madorius giganteus (L.) Kuntze
Periploca cochinchinensis Lour.
Streptocaulon cochinchinense (Lour.) G. Don

Apocynaceae

ພືດລຳໄມ້ຍາວ, ຂະໜາດກາງ, ສູງ 2–4 ແມັດ, ລຳຕົ້ນເມື່ອແກ່ຈະມີສີເຂື້ອງ, ເມື່ອເວລາຍັງອ່ອນຈະມີສີຂຽວ, ມີເຝື້ອຂົນບົ່ວສີຂາວໂອບ. ໃບ: ແມ່ນໃບປະເພດດ່ຽວຈັບພາບກັນເປັນຄູ່, ຍາວ 10–20 ຊັງຕີແມັດ, ກວ້າງ 5–10 ຊັງຕີແມັດ, ເນື້ອໃບໜາ, ມີຮູບສ້ວຍ, ປາຍໃບແຫຼມ, ຕີນຂອງເນື້ອໃບເປັນຮູບຕິ່ງຫູ. ກ່າງຂັ້ນສອງຂອງໃບມີ 8–10 ຄູ່, ແບ່ງອອກແຕ່ກ່າງໃຫຍ່, ຢູ່ຕີນກ່າງມີຈຸ້ມຂົນຈຳນວນໜຶ່ງ. ກ້ານໃບກົມ, ໜາ, ສັ້ນປະມານ 1 ຊັງຕີແມັດ, ເບື້ອງລຸ່ມຂອງເນື້ອໃບມີເຝື້ອຂົນຂາວຫຸ້ມ. ດອກ: ອອກເປັນພວງ, ແຕ່ລະພວງມີ 10–20 ດອກ, ເປັນພວງດອກແບບສຸດເປັນ, ຈັບຢູ່ຍອດ ແລະ ຢູ່ຂ້າງຍອດ, ແມ່ນດອກປກະເພດ 5 ແລະ ມີເພດຮ່ວມ. ກ້ານຂອຢອງຢູ່ງຮວຍເກສອນຕິດຈອດກັນເປັນທໍ່ຊື່ງຫຸ້ມຫໍ່ເອົາເຕົ້າໄຂ່ ແລະ ຄໍຂອງເຕົ້າໄຂ່ໄວ້, ຢູ່ປາຍຄໍຂອງເຕົ້າໄຂ່ມີແຜ່ນ 5 ຫຼ່ຽມຢອງຢູ່, ຢູ່ແຕ່ລະມູມຂອງແຜ່ນນີ້ມີຕ່ອມທາດໜຽວໜຶ່ງຄູ່ທີ່ຕິດກັບກ້ອນຮວຍເກສອນ (Pollinie) ຊື່ງວິວັດມາຈາກຮວຍເກສອນທີ່ຢູ່ໃກ້ນັ້ນ. ຖັດກັບຮວຍເກສອນມີເສົາເກສອນ 5 ອັນ. ຕົ້ນດອກຮັກມີ 2 ສາຍພັນຄື: ພັນດອກສີຂາວ ແລະ ພັນດອກສີມ່ວງ. ໝາກ: ເປັນຝັກກົມມີຮູບກົ່ງໜ້ອຍໜຶ່ງ, ມີປາຍແຫຼມຍາວ, 10–15 ຊັງຕີແມັດ, ອອກສີຂຽວ, ມີເຝື້ອຂົນບົ່ວສີຂາວຫຸ້ມ, ທາງໃນບັນຈຸແກ່ນຈຳນວນຫຼາຍ. ເວລາແກ່ຈະແຕກຕາມລວງຍາວປິ່ນອອກເບື້ອງນອກປ່ອຍໃຫ້ແກ່ນສີເຂື້ອງປີວອອກ. ເປືອກເວລາຍັງອ່ອນເປັນຍຸ້ງສີຂຽວອ່ອນ, ສ່ວນຊັ້ນໃນສຸດຂອງເປືອກກ້ຽງດີ. ແຕ່ເວລາແກ່ຈະບໍ່ກ້ຽງອີກ. ແກ່ນມີຮູບສ້ວຍມີຂົນຂາວໆຈັບຢູ່ຕີນແກ່ນຊື່ງເປັນສິ່ງຊຸກຍູ້ໃຫ້ແກ່ນສາມາດປີວໄປຕາມລົມ. ແຕ່ລະພາກສ່ວນນັບທັງລຳ, ງ່າ, ໃບ, ດອກ, ໝາກ...ລ້ວນແລ້ວແຕ່ບັນຈຸທທາດຢາງສີຂາວຂຸ້ນຢ່າງຫຼວງຫຼາຍ.

N/A

ທົ່ງພຽງວຽງຈັນ
ເຂດພູສູງພາກເໜືອຂອງລາວ
ລຽບແມ່ນ້ຳຂອງພາກເໜືອ
ເຂດລຽບແມ່ນ້ຳຂອງພາກໃຕ້

N/A

N/A

N/A

N/A

ພືດເປັນຢາ
ພືດປະດັບ

ໃບ: ໃຊ້ຕົ້ມກິນໃຊ້ແກ້ບວມ ຫຼື ເປັນຟົກ, ແກ້ໄຂ້ມາເຣເລຍ, ດອກແກ້ອັກເສບ, ບຳລຸງຫົວໃຈ, ໃຊ້ເປັນຢາຂ້າເຊື້ອໂຣກກາຝາກເຊັ່ນ: ຂີ້ຫິດ ແລະ ໃຊ້ຂ້າໜູ.

N/A

N/A

N/A

N/A

ສີສຸວັນ ກ. ພິນິດ, ບົວໄຂຄອນ ສະແຫວງສຶກສາ ແລະ ສີສຸພັນ ຫຼວງລາດ. ປີ 1995. ປື້ມຕົ້ນໄມ້ເປັນຢາບາງຊະນິດຢູ່ລາວ. ໜ້າ 23-24.
ພຼະມະຫາ ຈະລຸນ ວະຊິລະລັງສີ ແລະ ຈັນມີ ສິດທິມະໂນທຳ. 1985. ຕຳລາແພດສາດພື້ນເມືອງລາວ, ສະພາວິທະຍາສາດ ແລະ ເຕັກນິກ ແຫ່ງລັດ.
ຈຳລອງ ເພັງຄລ້າຍ ແລະ ໝູ່ຄະນະ, ກ້າວໄປສູ່ສະໝຸນໄພ.
ກຽດຕິກະເສດ ການຈະນະພິສຸດ ແລະ ຄະນະ ( 1988 )
BAILEY,L.H. 1961. Manual of cultivated plant the Macmillian Company, New – York
Biology teaching Group. 1982. Some Common Flora and Fauna in Thailand Institute for promotion of teaching Science and Technology.
DELAVEAU, P. et al. 1985. Secrets et vertus des planted m’edicinales. S’election du Reader’s Digest, Paris.
DHAVADEE PONGLUX, et al. 1987. Medicinal Plants, Victory Power Piont Crop. Thaland.
Des ABBAYES, H. et al. 1963. Botaniqe, Anatomie, Cycle e’volutif syste’matique, Masson et Cie, paris.