Chinese: 圆瓣姜 yuan ban jiang

Zingiberaceae

ເປັນພືດລົ້ມລຸກຫຼາຍປີ, ເຫງົ້າໃຕ້ດິນຍາວ, ທາງດ້ານໃນສີເຫຼືອງອ່ອນ, ລຳຕົ້ນສູງປະມານ 2-3 ມ, ແຕກປະມານ 3 ຕົ້ນຕໍ່ສຸ່ມ. ມີໃບປະມ 14-20 ໃບ. ຈັບລຽງແບບລະນາບດຽວ, ແຜ່ນໃບຮູບໃບຫອກ ກວ້າງ 7-8 ຊມ, ຍາວ 50-70 ຊມ, ປາຍໃບຮຽວແຫຼມ, ໂຄນຮູບຫຼີ້ມ ຫຼື ຮຽວແຫຼມ, ບາງຄັ້ງສອງຂ້າງບໍ່ເທົ່າກັນ. ຂອບລຽບ, ກ້ຽງທັ້ງສອງດ້ານ. ກ້ານໃບຍາວ 1-2,4 ຊມ. ລີ້ນໃບຮູບແຖບຍາວ 1,2-1,4 ຊມ, ປາຍມົນ ຫຼື ຕັດ, ແນບ ຕິດຢູ່ກັບຕົ້ນ. ຊໍ່ດອກແບບຊໍ່ເຊີງລົດຄ້າຍຊໍ່ກະຈຸກແໜ້ນ, ເກີດຈາກລຳຕົ້ນໃຕ້ດິນ, ກວ້າງ ແລະ ຍາວ 3-7 ຊມ. ກ້ານຊໍ່ດອກເລືອເລື້ອຍ ຍາວ 2-6 ຊມ. ດອກສີຂາວ, ກາບດອກໂຄນເຊື່ອມຕັດກັນເປັນຫຼອດ ຍາວ 2,4-2,7 ຊມ, ປາຍແຍກເປັນແສກເລີກດ້ານດຽວ ຍາວ 1,2-1,7 ຊມ. ກິບດອກໂຄນເຊື່ອມຕິດກັນເປັນຫຼອດ ຍາວ 2,6-3,5 ຊມ, ປາຍແຍກເປັນ ສາມແສກ, ຮູບໃບຫອກ-ຮູບຂອບຂະໜານ ກວ້າງ 4-7 ມມ, ຍາວ 2-3 ຊມ, ປາຍແຫຼມ. ກິບປາກສີຂາວ, ມີປະສີມ່ວງກະຈາຍທົ່ວໄປ, ກິບຮູບໄຂ່ກວ້າງ, ກວ້າງ ແລະ ຍາວ 1,3-1,8 ຊມ, ກິບຄູ່ຂ້າງທີ່ເກີດຈາກເກສອນເພດຜູ້ເປັນໜັນຮູບໄຂ່, ປາຍມົນ. ເກສອນເພດຜູ້ມີຈະງອຍຍາວປະມານ 1,3 ຊມ. ເຕົ້າໄຂ່ຍາວປະມານ 3 ມມ. ໝາກຮູບໄຂ່ເປັນສາມຫຼ່ຽມ, ສີຂຽວອົມຂາວ, ເມື່ອແກ່ເປັນສີເຫຼືອງ, ດ້ານໃນເປັນສີແດງ. ເມັດເປັນສີດຳເມື່ອແກ່ມີເຍື້ອຫຸ້ມສີຂາວ.

N/A

N/A

N/A

ມີຄວາມສ່ຽງໜ້ອຍສຸດ

N/A

ອາຫານ
ພືດເປັນຢາ

ຂີງຊະນິດນີ້ໄດຖືກນຳໃຊ້ເພື່ອເປັນອາຫານເຊັ່ນດອກຊໍ່ອອກໄດ້ເກັບເອົາມາຕົ້ມລວກກັບແຈ່ວ, ດອກຂອງມັນສີຂາວສາມາດກີນໄດ້ເຊັ່ນດຽວກັບຊໍ່ດອກ. ຈະມີກີ່ນຫອມ ແລະ ລົດຊາດເຜັດເລັກນ້ອຍ. ເປັນພືດທີ່ມີການນຳໃຊ້ຊໍ່ດອກ ແລະ ໜໍ່ອ່ອນ, ເພື່ອເປັນອາຫານໃຊ້ຄ້າຍກັບຜັກທົ່ວໄປເຊັ່ນນຳເອົາມາຕົ້ມ, ລວກ, ເຮັດຊຸບ ຫຼື ແກ້ງ ໃສ່ກັບຜັກຊະນິດອື່ນເພື່ອເຮັດໃຫ້ມີກ່ີນຫອມ, ເຮັດໃຫ້ລົດຊາດດີຂື້ນ, ເປັນຜະລິດຕະພັນເຄື່ອງປ່າຂອງດົງຊະນິດໜື່ງທີ່ສາມາດສົ່ງເສີມ ແລະ ພັດທະນາເປັນພືດເສດຖະກິດໄດ້ເພາະວ່າມີການເກັບກູ້ຂາຍຕາມທ້ອງຕະຫຼາດທ້ອງຖີ່ນແຕ່ເນື່ອງຈາກວ່າໃນທຳມະຊາດແມ່ນບໍ່ມີຫຼາຍກໍ່ເລີຍເຫັນຂາຍເປັນບາງເຂດເທົ່ານັ້ນ.

N/A

N/A

N/A

N/A

Mu Mu Aung, Nobuyuki Tanaka and Nao Miyake. 2015. Two Gingers, Zingiber orbiculatum and Z. flavomaculosum (Zingiberaceae), Newly Recorded from Myanmar. Bull. Natl. Mus. Nat. Sci., Ser. B, 41(3), pp. 1–6.
K. Souvannakhoummane and J. Leong-Škorničková. 2018. EIGHT NEW RECORDS OF ZINGIBER MILL. (ZINGIBERACEAE) FOR THE FLORA OF LAO P.D.R. Edinburgh Journal of Botany Volume 75, Issue 1 March 2018 , pp. 3-18
T.L. Wu & K. Larsen. 2000. Zingiberaceae in Flora of China 24: 322-377.