Thai: Ya Nang Khmer: voar yea Vietnamese: Dây sương sâm

Menispermaceae

ເປັນໄມ້ເຄືອຂະໜາດນ້ອຍ, ມີເນື້ອໄມ້, ເກາະກ້ຽວຕາມຕົ້ນໄມ້ອື່ນ, ເຄືອອ່ອນມີຂົນນຸ້ມປົກຄຸມເມື່ອແກ່ແລ້ວຂ້ອນຂ້າງລຽບ. ໃບດ່ຽວ, ຈັບແບບສະຫຼັບ, ຮູບໄຂ່ປາຍໃບຮຽວແຫຼມ, ກ້ວາງ 5-8 ຊມ, ຍາວ 8-16 ຊມ, ແຜ່ນໃບມີຂົນຂະໜາດນ້ອຍຈັບຢູ່ຕາມເສັ້ນໃບຫ່າງໆ. ດອກອອກເປັນຊໍ່ຕາມຊອກໃບ, ດອກແຍກເພດ, ດອກເພດຜູ້ສີເຫຼືອງ, ກາບດອກມີ 6-12 ກາບ, ຮູບຮີ ກ້ວາງ, ຍາວ 2 ມມ, ຂ້ອນຂ້າງກ້ຽງ, ກີບດອກມີ 3 ຫຼື 6 ກີບ, ຮຽວແຫຼມຄືຫຼີ້ມ, ປາຍວ້ຳເລັກນ້ອຍ, ຍາວ 1 ມມ, ກ້ຽງ, ເກສອນເພດຜູ້ມີ 3 ອັນ, ຮູບຮ່າງຄ້າຍຕະບອງ, ຍາວ 1.5-2 ມມ, ດອກເພດແມ່, ກາບດອກດ້ານໃນກົມມົນ, ຍາວ 2 ມມ, ດ້ານນອກມີຂົນອ່ອນຫ່າງໆ, ກີບດອກມີ 6 ກີບ, ຮູບຮີແກມຮູບຂອບຂະໜານ, ຍາວ 1 ມມ, ໃບໄຂ່ມີ 8-9 ອັນ, ຍາວບໍ່ເຖິງ 1 ມມ, ຕິດຢູ່ເທິງກ້ານຊູສັ້ນໆ, ຮວງຮັບລະອອງເກສອນເພດແມ່ບໍ່ມີກ້ານ. ໝາກ ກົມຮູບໄຂ່ກັບ, ກ້ວາງ 6-7 ມມ, ຍາວ 7-10 ມມ, ຜິວກ້ຽງ, ໝາກອ່ອນສີຂຽວເມື່ອສຸກຈະປ່ຽນເປັນສີສົ້ມ ແລະ ແດງສົດ.

N/A

N/A

N/A

N/A

N/A

ອາຫານ
ພືດເປັນຢາ

ຢານາງເປັນສ່ວນປະກອບຂອງອາຫານປະເພດອ່ອມ ຫຼື ແກ້ງ, ເຊັ່ນ: ອ່ອມໜໍ່ໄມ້ ຫຼື ແກ້ງໜໍ່ໄມ້, ເປັນທີນິຍົມກັນຫຼາຍໃນລາວ ໂດຍສະເພາະແມ່ນແກ້ງໜໍ່ປະເພດຕ່າງໆ, ນອກຈາກໜໍ່່ໄມ້ແລ້ວຍັງເຫັນບາງເຂດຄັ້ນເອົານ້ຳມາແກ້ງໃສ່ຍອດພ້າວ, ຍອດຫວາຍ ແລະ ໜໍ່ສານ, ສະນັ້ນມີການນຳໃຊ້ຫຼາຍແຕ່ໃນປະຈຸບັນສ່ວນຫຼາຍກໍ່ເກັບມາຈາກປ່າເພື່ອມາຂາຍຕາມທ້ອງຕະຫຼາດ, ບາງເຂດກໍ່ໄດ້ມີການປູກເພື່ອເປັນສີນຄ້າ ແລະ ບໍ່ຈຳເປັນຕ້ອງໄປຫາຢູ່ໃນປ່າ. ນອກຈາກຈະເປັນສ່ວນປະກອບໃນການປຸງແຕ່ອາຫານຫຼາຍປະເພດແລ້ວເຄືອຢານາງຍັງໃຊ້ປິ່ນປົວພະຍາດ: ແກ້ໄຂ້, ສ່ວນທີ່ໃຊ້: ໃຊ້ຮາກ, ວິທີການນຳໃຊ້: ໃຊ້ຮາກຢານາງປະມານ 1 ກຳມື ຕົ້ມນ້ຳກິນກ່ອນອາຫານເຊົ້າ, ສວາຍ, ແລງ, ຮາກມີລົດຈືດຂົມ ແລະ ຍັງສາມາດຕ້ານເຊື້ອພະຍາດມະເຮັງໄດ້. ນອກຈາກນີ້ໃບສາມາດນຳມາຄັ້ນເອົານ້ຳດຶ່ມໄດ້ ຫຼື ຄັ້ນເອົານ້ຳມາປຸງແຕ່ງອາຫານໄດ້ຫຼາຍຊະນິດເຊັ່ນ: ແກງໜໍ່ໄມ້, ແກງເຫັດຂອນຂາວ ແລະ ອາຫານອື່ນໆອີກ. ການປູກຂະຫຍາຍພັນ: ເປັນພືດທີ່ເກີດຂື້ນເອງຕາມທຳມະຊາດທົນທານຕໍ່ກັບຄວາມແຫ້ງແລ້ງໄດ້ດີຂະຫຍາຍພັນດ້ວຍການກ້າແກ່ນ ແລະ ປູກດ້ວຍເຫງົ້າ.

N/A

N/A

N/A

N/A

Md. Mahbubur Rahman, Md. Shamsuzzaman, Mahfuza Khatun, Md. Mostafijur Rahman, A. S. M. Sakhawat Hossain, A. H. M. Khurshid Alam, Ashik Mosaddik and Mir Imam Ibne Wahed. 2017. Phytochemical and Antimicrobial Properties of Tiliacora triandra Stem Bark. British Journal of Pharmaceutical Research, ISSN: 2231-2919,Vol.: 17, Issue.: 2
Flora Malesiana Series 1: http://www.archive.org
Seewaboon Sireeratawong, Nirush Lertprasertsuke,Umarat Srisawat, Amornat Thuppia, Anongnad Ngamjariyawat,Nadthaganya Suwanlikhid. 2008. and Kanjana Jaijoy5Acute and subchronic toxicity study of the water extract from Tiliacora triandra (Colebr.) Diels in rats. Songklanakarin J. Sci. Technol. 30 (5), 611-619, Sep. - Oct. 2008
Wachiryah Thong-asa, Panas Tumkiratiwong, Vasakorn Bullangpoti, Kasem Kongnirundonsuk, and Kanokwan Tilokskulchai. 2017. Tiliacora triandra (Colebr.) Diels leaf extract enhances spatial learning and learning flexibility, and prevents dentate gyrus neuronal damage induced by cerebral ischemia/reperfusion injury in mice. Avicenna J Phytomed. 2017 Sep-Oct; 7(5): 389–400.
Nattaporn Phunchago, Jintanaporn Wattanathorn, and Kowit Chaisiwamongkol. 2015. Tiliacora triandra, an Anti-Intoxication Plant, Improves Memory Impairment, Neurodegeneration, Cholinergic Function, and Oxidative Stress in Hippocampus of Ethanol Dependence Rats. Oxidative Medicine and Cellular Longevity Volume 2015, Article ID 918426, 9 pages