ຫຍ້າຂຸນລູ, ຫຍ້ານາງອົ້ວ. Thai: Ueang din pak som ( Local names: nha khoun lou, nha nang oua Eng: Jewel orchid" Thai: Ueang din pak som)

Orchidaceae

ຫຍ້າໃບລາຍ ເປັນພືດເລືອຕາມໜ້າດິນ, ແລ້ວມີຍອດຕັ້ງຂຶ້ນສູງເຖິງ 5-10 ຊມ. ລຳຂອງມັນເປັນສີຂຽວແກມເຫຼືອງ ຫາແດງຊໍ້າ ແລະ ເປັນຂໍ້ທຸກໆປ້ອງ, ຍາວ 1-2 ຊມ. ໃບດ່ຽວ, ຈັບລຽນເປັນວົງກຽວ, ມີຮູບໄຂ່, ສີຂຽວແກມເຫຼືອງ ຫຼື ແກມແດງ ແລະ ມີເສັ້ນກ່າງໃບ ສີເຫຼືອງ-ແດງຊ້ຳ. ຊໍ່ດອກຕັ້ງຂຶ້ນ, ຍາວ 20-25 ຊມ, ປະກອບດ້ວຍ 3-6 ດອກ, ທີ່ເປັນສີຊົມພູແກມຂາວ. ຫຍ້າໃບລາຍນີ້ໃຊ້ເປັນພືດປະດັບ ແລະ ມີຄຸນຄ່າທາງການຢາອີກນຳ ຊຶ່ງເຊື່ອກັນວ່າເປັນຢາອາຍຸວັດທະນະ. ມັນເປັນພືດມັກແສງໜ້ອຍ, ເກີດປະປົນກັບໃບໄມ້ ແລະ ໄຄຫີນຕາມບ່ອນຊຸ່ມໃກ້ສາຍນ້ຳ.

N/A

N/A

N/A

N/A

N/A

ພືດເປັນຢາ

ຫຍ້າໃບລາຍ ມັກຖືກຂາຍສົດໆ ຫຼື ບາງຄັ້ງກໍຖືກຮັກສາໄວ້ໃນເຫຼົ້າ. ຢູ່ພາກເໜືອ ຂອງປະເທດລາວ ມີພໍ່ຄ້າບາງຄົນ ໄດ້ລິເລີ້ມອົບແຫ້ງ ຫຍ້າໃບລາຍນີ້ແລ້ວ. ຈີນ ແລະ ໃຕ້ຫວັນ ມີຄວາມຕ້ອງການ ຫຍ້າໃບລາຍນີ້ຢູ່ຕະຫຼອດ ແລະ ກໍ່ສູງຂຶ້ນເລື້ອຍໆ. ຢູ່ພາກເໜືອຫຍ້າໃບລາຍ 1 ກິໂລ, ຂາຍກັນໃນລາຄາ 20-50 ດອນລາ (ຢູ່ພາກໃຕ້ ລາຄາ 15-45 ດອນລາ/ກລ) ແລະ ຖ້າເປັນຕົ້ນແຫ້ງແລ້ວ ຈະໄດ້ລາຄາປະມານ 500 ດອນລາ/ກລ. ການຂະຫຍາຍພັນ ສາມາດເຮັດໄດ້ທັງດ້ວຍແກ່ນ ແລະ ດ້ວຍຮາກຂໍ້ໃຕ້ດິນ ແຕ່ວ່າ ຂະຫຍາຍດ້ວຍຮາກ ຈະງ່າຍກວ່າ. ຫຍ້າໃບລາຍຈະປົ່ງໜໍ່ໃໝ່ອອກຕາມຂໍ້ຮາກຂອງມັນ, ໃນທີ່ຜ່ານມາ ກໍມີຄົນພະຍາຍາມຂະຫຍາຍພັນ ດ້ວຍການຕັດ ແລະ ຊຳຮາກຂໍ້ຂອງມັນແຕ່ວ່າບໍ່ໄດ້ຮັບຜົນ. ຢູ່ປະເທດໄທເພິ່ນໄດ້ຂະຫຍາຍດ້ວຍການລ້ຽງເນື້ອເຍື່ອຊຶ່ງເຫັນວ່າ ໄດ້ຜົນດີ. ພືດຊະນິດນີ້ສາມາດຮັກສາພິດຈາກງູກັດ ແລະ ແກງກັບຊີ້ນໝູຊ່ວຍບໍຳລຸງກຳລັງ ຫຼື ຊ່ວຍເພີ່ມພະລັງງານຮ່າງກາຍ.

N/A

N/A

N/A

N/A

ບົວໄຂຄອນ ສະແຫວງສຶກສາ ແລະ ວິຈີດ ລຳໄຊ. 2005. ຕົ້ນດອກເຜິ້ງທຳມະຊາດໃນ ສປປ ລາວ. ໂຮງພີມມັນທາຕຸລາດ
Greijmans, M., Ketphanh, S., Lamxay, V., & Sengdala, K. 2007. Non-Timber Forest Products in the Lao PDR. A Manual of 100 Commercial and Traditional Products. The National Agriculture and Forestry Research Institute. Vientiane, Lao PDR.
Pedersen, H.Æ., Kurzwell, H., Suddee, S. & Cribb, P.J. 2011. Orchidaceae, in: Flora of Thailand 12(1): 1-302. The Forest Herbarium, National Park, Wildlife and Plant Conservation Department, Bangkok.