Phakhaolao Species Database

ເລກລຳດັບທີ: 4935

ລະດັບການຮວບຮວມຂໍ້ມູນ: ເກີອບສົມບູນ

ປັບປູງຄັ້ງລ່າສຸດ: 2026-10-21

ປາເກາະ

Chinese False Gudgeon

Abbottina rivularis (Basilewsky, 1855)

ສັດ

ປາ

1 / 6

2 / 6

3 / 6

4 / 6

5 / 6

6 / 6

❮ ❯

ການຕັ້ງຊື່, ອະນຸກົມວິຖານ ແລະ ການບັນຍາຍລັກສະນະ

ຊື່ທ້ອງຖີ່ນ

(Amur False Gudgeon)

ອະນຸກົມວິຖານ

ອານາຈັກ: Animalia
ເຫຼົາ: Chordata
ຊັ້ນ: Teleostei
ອັນດັບ: Cypriniformes
ຊື່ສະກຸນ: Gobionidae
ສະກຸນ: Abbottina
ຊະນິດ: Abbottina rivularis

ຊື່ພ້ອງ

Gobio rivularis Basilewsky, 1855
Pseudogobio rivularis (Basilewsky, 1855)
Abbotina sigma Jordan & Fowler，1903
Abbottina psegma Jordan & Fowler, 1903
Pseudogobio rivularis Bleeker，1871
Tylognathus sinensis Kner, 1867

ບັນຍາຍລັກສະນະທາງພືດສາດ

ລຳຕົວມີລັກສະນະຍາວ ແລະ ຮູບຂອບຂະໜານ, ສວນທ້ອງມີລັກສະນະໂຄ້ງມົນ ໃນຂະນະທີ່ໂຄນຫາງສັ້ນ ແລະ ແປດ້ນຂ້າງ. ປາກແມ່ນຕັ້ງຢູ່ດ້ານລຸ່ມຂອງຫົວ, ມີຮີມປາກໜາ, ຂ້ອນຂ້າງລຽບ, ມີຕຸ່ມ (papillae) ນ້ອຍໆ, ພັດທະນາບໍ່ເຕັມທີ ຫຼື ມີຮ່ອງຕື້ນ. ຮ່າງກາຍແມ່ນປົກຄຸມດ້ວຍເກັດ cycloid ຂະຫນາດນ້ອຍປານກາງ (ເກັດກ້ຽງ). ເສັ້ນຂ້າງແມ່ນສົມບູນ ແລະ ເກືອບເປັນເສັ້ນຊື່. ບໍລິເວນເອິກບໍ່ມີເກັດຂະໜາດ, ໃນຂະນະທີ່ບໍລິເວນທ້ອງມີເກັດປົກຄຸມ. ຮູທະວານຕັ້ງຂ້ອນໄປທາງດ້ານໜ້າເລັກນ້ອຍຂອງຈຸດເຄິ່ງກາງລຳຕົວ.

ມີເກັດເສັ້ນຂ້າງລຳໂຕຈຳນວນ 36–39 ເກັດ, ມີເກັດຢູ່ເໜືອເສັ້ນຂ້າງໂຕ 5.5–6.5 ແຖວ ແລະ 3–4.5 ແຖວຢູ່ໃຕ້ເສັ້ນລຳຕົວ. ສ່ວນເກັດບໍລິເວນໜ້າຄີຫຼັງມີຈຳນວນ 11–14 ເກັດ; ເຊິ່ງເປັນເກັດຂະໜາດນ້ອຍ ແລະ ຮຽງໂຕກັນແບບບໍ່ເປັນລະບຽບ. ນອກຈາກນີ້, ຍັງມີເກັດຈຳນວນ 12–16 ເກັດ ອ້ອມຮອບໂຄນຫາງ.

ຄີຫຼັງມີກ້ານຄີທີ່ແຕກແໜງ 7 ກ້ານ, ຄີເອິກມີກ້ານຄີທີ່ແຕກຂະແໜງ 10–12 ກ້ານ, ຄີທ້ອງມີກ້ານຄີທີ່ແຕກຂະແໜງ 6 ຫຼື 7 ກ້ານ, ແລະ ຄີກົ້ນມີກ້ານຄີທີ່ແຕກຂະແໜງ 5 ກ້ານ. ກ້ານຄີສຸດທ້າຍຂອງຄີຫຼັງທີ່ບໍ່ແຕກແຂນງນັ້ນ ມີລັກສະນະບາງ ແລະ ອ່ອນ.

ຂະໜາດ: 18.9 ຊມ. (ຄວາມຍາວທັງໝົດ)

ແຫຼ່ງທີ່ມາ: [1], [2]

ພຶດຕິກຳ: ປາເກາະເປັນປານ້ຳຈືດຊະນິດທີ່ບໍ່ມີການອົບພະຍົບ ແລະ ມີພຶດຕິກຳການກິນອາຫານແບບຊອກຫາຕາມພື້ນນ້ຳ ໂດຍຈະຊອກຫາກິນສິ່ງມີຊີວິດທີ່ອາໄສຢູ່ຕາມພື້ນທີ່ຮອງຮັບຢູ່ກົ້ນນ້ຳເປັນຫຼັກ. [4]

ອາຫານ: ສັດຊະນິດນີ້ກິນອາຫານໄດ້ທັງພືດ ແລະ ສັດ ໂດຍສ່ວນຫຼາຍຈະກິນສັດບໍ່ມີກະດູກສັນຫຼັງໃນນ້ຳ ເຊັ່ນ: ຕົວອ່ອນຂອງແມງວັນນ້ຳ (chironomid larvae) ເປັນຕົ້ນ, ແຕ່ກໍກິນພືດນຳເຊັ່ນກັນ. ໃນບໍລິເວນປາກແມ່ນ້ຳ, ອາຫານຂອງມັນຍັງລວມເຖິງໜອນທະເລ (polychaete worms) ແລະ ສັດຈຳພວກກຸ້ງປູ (crustaceans). [3], [4], [5]

ການສືບພັນ: ໂຕຜູ້ຈະສ້າງຮັງຕື້ນໆໄວ້ຢູ່ພື້ນແມ່ນ້ຳ, ໂດຍປົກກະຕິແລ້ວຈະຢູ່ໃນລະດັບນ້ຳເລິກປະມານ 8 ຫາ 34 ຊມ, ແລະ ຈະຄອຍເຝົ້າໄຂ່ຫຼັງຈາກການວາງໄຂ່. ຮັງມີລັກສະນະເປັນແຜ່ນກົມ, ມີເສັ້ນຜ່າສູນກາງປະມານ 12 ຫາ 43 ຊມ, ເຊິ່ງບາງຮັງອາດມີໄຂ່ຫຼາຍກວ່າ 1,700 ໜ່ວຍ. ໂຕແມ່ຈະເຂົ້າສູ່ໄວຈະເລີນພັນເມື່ອມີອາຍຸປະມານໜຶ່ງປີ ແລະ ມີຄວາມຍາວປະມານ 4 ຫາ 5 ຊມ. ການວາງໄຂ່ຈະເກີດຂຶ້ນໃນບໍລິເວນນ້ຳຕື້ນແຄມຝັ່ງ ເຊິ່ງອຸນຫະພູມນ້ຳອາດສູງເຖິງ 30 ອົງສາ. [2], [5]

ນິເວດວິທະຍາ ແລະ ເຂດກະຈາຍພັນ

ເຂດກະຈາຍພັນທົ່ວໂລກ (ຈາກເອກະສານ)

Native to China; Japan; North Korea; South Korea; Russia; Vietnam. [5]

Global distribution of Abbottina rivularis between 1899 to 2025. Source: [6]

ເຂດກະຈາຍພັນໃນລາວ (ຈາກເອກະສານ)

1. ລຽບແມ່ນ້ຳຂອງພາກເໜືອ
2. ທົ່ງພຽງວຽງຈັນ
3. ເຂດລຽບແມ່ນ້ຳຂອງພາກໃຕ້
4. ເຂດພູສູງພາກເໜືອຂອງລາວ
5. ເຂດພູສູງສາຍພູຫຼວງ ແລະ ເຂດພູພຽງແຂວງຊຽງຂວາງ
6. ເຂດສາຍພູຫຼວງພາກເໜືອ
7. ເຂດສາຍພູຫຼວງຕອນລຸ່ມ
8. ເຂດສາຍພູຫຼວງພາກກາງ
9. ພູພຽງບໍລິເວນ

ຂໍ້ມູນການພົບເຫັນຈາກ GBIF

ການພົບເຫັນຊະນິດພັນຈາກປະຊາຊົນ (ການເຊື່ອມຕໍ່ API ແບບທັນທີ)

ເຂດກະຈາຍພັນຕາມພູມສັນຖານ

ແມ່ນ້ຳ ແລະ ລຳທານ, ທະເລສາບ ແລະ ສະນ້ຳ, ໜອງບຶງ ແລະ ດິນຖານຕົມ, ທົ່ງນາ

ປາຊະນິດນີ້ອາໄສຢູ່ໃນບໍລິເວນນ້ຳຕື້ນຂອງແມ່ນ້ຳ, ທະເລສາບ, ໜອງ, ອ່າງເກັບນ້ຳ, ຄອງ, ພື້ນທີ່ຊຸ່ມນ້ຳ ແລະ ບໍລິເວນນ້ຳນິ້ງທີ່ແຍກອອກມາຈາກທາງນ້ຳຫຼັກ (backwaters) ເຊິ່ງມີພື້ນທ້ອງນ້ຳເປັນດິນຊາຍ ຫຼື ດິນຕົມ. ເຖິງແມ່ນວ່າໂດຍທົ່ວໄປແລ້ວມັນຈະເປັນສັດທີ່ອາໄສຢູ່ຕາມພື້ນທ້ອງແມ່ນ້ຳ, ແຕ່ມັນກໍມີຄວາມສາມາດໃນການປັບຕົວເຂົ້າກັບສະພາບແວດລ້ອມໄດ້ຢ່າງກວ້າງຂວາງ ຈຶ່ງສາມາດຂະຫຍາຍພັນ ແລະ ດຳລົງຊີວິດຢູ່ໄດ້ໃນແຫຼ່ງນ້ຳຫຼາກຫຼາຍຮູບແບບ ທັງແຫຼ່ງນ້ຳນິ້ງ ແລະ ແຫຼ່ງນ້ຳທີ່ມີກະແສໄຫຼຊ້າ. ໂດຍປົກກະຕິແລ້ວ ມັນມັກອາໄສຢູ່ໃນນ້ຳຕື້ນທີ່ມີຄວາມຂຸ່ນ, ມີກະແສນ້ຳໄຫຼຊ້າເຖິງປານກາງ ແລະ ມັກພົບເຫັນໄດ້ທົ່ວໄປຕາມລຳທານທີ່ງຽບສະຫງົບ ຫຼື ບໍລິເວນນ້ຳນິ້ງຕາມແຄມແມ່ນ້ຳ. [2], [3], [4], [5]

ສະເພາະຖິ່ນໃນລາວ

ຕ່າງຖິ່ນ

ສາຍພັນນີ້ຖືກນຳເຂົ້າໄປປ່ອຍໄວ້ນອກເຂດຖິ່ນກຳເນີດເດີມຂອງມັນ ແລະ ປັດຈຸບັນໄດ້ແຜ່ຂະຫຍາຍຢູ່ໃນປະເທດຄາຊັກສະຖານ (ທະເລສາບບັລຄາຊ - Lake Balkhash), ພາກຕາເວັນອອກຂອງປະເທດເຕີກເມນິສະຖານ (ລຸ່ມແມ່ນ້ຳເຕດເຈນ - Tedzhen River, ລວມທັງຄອງກາຣາຄູມ ແລະ ແມ່ນ້ຳເຕດເຈນ), ປະເທດອຸສເບກິສະຖານ, ລຸ່ມແມ່ນ້ຳຂອງ (ສປປ ລາວ, ໄທ ແລະ ແຂວງຢຸນນານ ປະເທດຈີນ) ແລະ ເກາະຮອນຊູ ປະເທດຍີ່ປຸ່ນ. [5]

ຮຸກຮານ

ບໍ່ຮຸກຮານ

ການອະນຸຮັກ

ສະຖານະພາບການອະນູຮັກ IUCN

ມີຄວາມສ່ຽງໜ້ອຍສຸດ

ຊະນິດພັນ CITES

ບໍ່ຖືກລະບຸໃນບັນຊີປະເພດໃດ

ບັນຊີສັດປ່າຂອງລາວ

ບໍ່ຖືກລະບຸໃນບັນຊີປະເພດໃດ

ບັນຊີ NTFP

N/A

ບັນຊີໄມ້

N/A

ບັນຊີແດງຂອງ IUCN: ປາເກາະເປັນຊະນິດພັນທີ່ພົບເຫັນໄດ້ທົ່ວໄປ ແລະ ແຜ່ກະຈາຍເປັນວົງກວ້າງ ໂດຍມີຈຳນວນປະຊາກອນທີ່ໝັ້ນຄົງ. ພື້ນທີ່ການແຜ່ກະຈາຍຂອງມັນກວມເອົາເຂດສະຫງວນຫຼາຍແຫ່ງ ແລະ ບໍ່ພົບໄພຂົ່ມຂູ່ທີ່ຮ້າຍແຮງໃດໆໃນຕະຫຼອດຂອບເຂດທີ່ມັນອາໄສຢູ່. ດ້ວຍເຫດນີ້, ມັນຈຶ່ງຖືກຈັດຢູ່ໃນສະຖານະ "ມີຄວາມສ່ຽງໜ້ອຍທີ່ສຸດ" (Least Concern) ໃນບັນຊີແດງຂອງ IUCN. [5]

ການນຳໃຊ້

ປະເພດການນຳໃຊ້

ພືດປະດັບ, ກິດຈະກຳການກະເສດ, ອາຫານ

ອາຫານ: ປາເກາະບໍ່ແມ່ນຊະນິດພັນທີ່ມີຄວາມສໍາຄັນທາງການຄ້າ ແລະ ໂດຍທົ່ວໄປແລ້ວບໍ່ແມ່ນເປົ້າໝາຍໃນການປະມົງ. ເຖິງຢ່າງໃດກໍຕາມ, ໃນບາງພື້ນທີ່ທີ່ມັນອາໄສຢູ່, ປາຊະນິດນີ້ອາດຈະຖືກນຳມາບໍລິໂພກເປັນອາຫານໃນທ້ອງຖິ່ນ. [5]

ເພື່ອຄວາມສວຍງາມ: ສາຍພັນນີ້ມັກພົບເຫັນຢູ່ໃນຕະຫຼາດປາຕູ້ ແລະ ບາງຄັ້ງກໍຖືກລ້ຽງໄວ້ເປັນປາປະດັບ. [3]

ການເພາະລ້ຽງ: ປາຊະນິດນີ້ມີຄວາມສຳຄັນພຽງເລັກນ້ອຍຕໍ່ການປະມົງເພື່ອການພັກຜ່ອນໃນທ້ອງຖິ່ນ ແລະ ອາດຖືກນຳໃຊ້ເປັນບາງຄັ້ງຄາວເພື່ອເປັນເຫຍື່ອສຳລັບການຈັບປາປະເພດປານັກລ່າ. [5]

ການປູກ ການລ້ຽງ

ຊະນິດທຳມະຊາດ

ລະດູການເກັບກູ້

N/A

ການຕະຫຼາດ ແລະ ຕ່ອງໂສ້ມູນຄ່າ

N/A

ການຄຸ້ມຄອງຈັດການ

ຊະນິດພັນໃນປ່າ:

ໄພຂົ່ມຂູ່: ບໍ່ພົບໄພຂົ່ມຂູ່ທີ່ສຳຄັນຕໍ່ປາຊະນຮິດນີ້ຈໍານວນປະຊາກອນເບິ່ງຄືວ່າໄດ້ຮັບອິດທິພົນຕົ້ນຕໍຈາກປັດໄຈທາງທຳມະຊາດ ຫຼາຍກວ່າຜົນກະທົບທີ່ເກີດຈາກກິດຈະກຳຂອງມະນຸດ. [5], [4]

ການຕິດຕາມປະຊາກອນ: ປາຊະນິດນີ້ພົບເຫັນໄດ້ທົ່ວໄປຕະຫຼອດເຂດການແຜ່ກະຈາຍຂອງມັນ. [5]

ການເກັບກູ້ແບບຍືນຍົງ: ປະຈຸບັນ ຍັງບໍ່ມີຂໍ້ມູນກ່ຽວກັບມາດຕະການອະນຸລັກສະເພາະສຳລັບປາຊະນິດນີ້. ເຖິງຢ່າງໃດກໍຕາມ, ເນື່ອງຈາກປາຊະນິດນີ້ມີການແຜ່ກະຈາຍໃນວົງກວ້າງ, ຈຶ່ງມີຄວາມເປັນໄປໄດ້ສູງທີ່ພວກມັນຈະອາໄສຢູ່ໃນເຂດສະຫງວນຫຼາຍແຫ່ງຕະຫຼອດຂອບເຂດການແຜ່ກະຈາຍຂອງພວກມັນ. [5]

ໂພຊະນາການ

ຄຸນຄ່າທາງໂພຊະນາການ

N/A

ສານອາຫານ	/100g	ໝາຍເຫດ
ໂປຣຕີນ	N/A	N/A
ຄາໂບໄຮເດຣດ	N/A	N/A
ໄຂມັນ	N/A	N/A
ວິຕາມິນ	N/A	N/A
ແຮ່ທາດ	N/A	N/A
ເສັ້ນໄຍ	N/A	N/A

ອ້າງອິງ

ເຄດິດຮູບພາບ

[1] iNaturalist [Online]. Uploaded on 13 March 2019 by Zinogre. Available: https://www.inaturalist.org/observations/21189495. [Accessed 20 October 2026].
[2] iNaturalist [Online]. Uploaded on 04 September 2026 by Danila Melentev. Available: https://www.inaturalist.org/observations/397005108. [Accessed 20 October 2026].
[3] iNaturalist [Online]. Uploaded in June 2025 by shota_kunimatsu. Available: https://www.inaturalist.org/observations/288357783. [Accessed 20 October 2026].
[4] iNaturalist [Online]. Uploaded on 13 January 2024 by zq_fan. Available: https://www.inaturalist.org/observations/196500321. [Accessed 20 October 2026].
[5] iNaturalist [Online]. Uploaded in December 2025 by r-fujii. Available: https://www.inaturalist.org/observations/329393726. [Accessed 20 October 2026].
[6] iNaturalist [Online]. Uploaded on 15 April 2026 by Hanyong Cai. Available: https://www.inaturalist.org/observations/349997426. [Accessed 20 October 2026].

ອ້າງອິງ

[1] Z. Sun, D. Sheng, S. Sun, W. Tang, and Y. Zhao, “Taxonomic revision on the genus Abbottina Jordan & Fowler, 1903 (Cypriniformes, Gobionidae),” ZooKeys, vol. 1279, pp. 187–200, May 2026, doi: 10.3897/zookeys.1279.185128. [Online]. Available: https://doi.org/10.3897/zookeys.1279.185128. [Accessed: Oct. 20, 2026].
[2] R. Froese and D. Pauly, Eds., “Abbottina rivularis,” FishBase. [Online]. Available: https://www.fishbase.se/summary/Abbottina-rivularis. [Accessed: Oct. 20, 2026].
[3] Seriously Fish, “Abbottina rivularis,” Seriously Fish. [Online]. Available: https://www.seriouslyfish.com/species/abbottina-rivularis. [Accessed: Oct. 20, 2026].
[4] U.S. Fish and Wildlife Service, “Ecological risk screening summary: Chinese false gudgeon (Abbottina rivularis),” U.S. Fish and Wildlife Service. [Online]. Available: https://www.fws.gov/sites/default/files/documents/Ecological-Risk-Screening-Summary-Chinese-False-Gudgeon.pdf. [Accessed: Oct. 20, 2026].
[5] International Union for Conservation of Nature (IUCN), “Species assessment,” The IUCN Red List of Threatened Species. [Online]. Available: https://www.iucnredlist.org/species/166007/1105303. [Accessed: Oct. 20, 2026].
[6] Global Biodiversity Information Facility (GBIF), “Taxon record,” GBIF. [Online]. Available: https://www.gbif.org/taxon/63YRW. [Accessed: Oct. 20, 2026].

ລິ້ງອື່ນໆ

https://www.gbif.org/taxon/63YRW
https://www.iucnredlist.org/species/166007/1105303#habitat-ecology
https://doi.org/10.3897/zookeys.1279.185128.
https://www.fishbase.se/summary/Abbottina-rivularis
https://www.seriouslyfish.com/species/abbottina-rivularis
https://www.fws.gov/sites/default/files/documents/Ecological-Risk-Screening-Summary-Chinese-False-Gudgeon.pdf
https://animalia.bio/abbottina-rivularis
https://www.mrcmekong.org/?download_document=1&document_id=01BMXYOAC3MO6MEMDHFFBI6BLIKXQQTRII&name=Fishes-Photo%20Book%20for%20Fish%20Abundance%20and%20Diversity%20Monitoring%20in%20Lower%20Mekong%20Basin&fbclid=IwY2xjawUoRU1leHRuA2FlbQIxMABwZG9mAWJyaWQRMVo3OTU1NmxGQU9jOFFpYlNzcnRjBmFwcF9pZBAyMjIwMzkxNzg4MjAwODkyAAEeVQVK77ssjbXKz7uuVaJfWtaXOobIyLZ1U2RLKExzBZCYo3xyLigZ9ZO7Xog_aem_MBUSzNF-OzJpCXdtTD84vw

ຜູ້ສ້າງ Factsheet

Duangkhae Keonoy

ຜູ້ກວດສອບ Factsheet