ເປັນແມວປ່າຂະໜາດໃຫຍ່ ມີລາຍຈຸດ ລຳຕົວຍາວ, ຂາສັ້ນ ແລະ ຫາງຍາວຜິດປົກກະຕິ.

ຫົວ: ຍາວ ແລະ ແຄບ, ມີປາກກວ້າງ ແລະ ແຂ້ວເທິງຍາວຫຼາຍ (ຍາວທີ່ສຸດເມື່ອທຽບກັບຂະໜາດຕົວຂອງເສືອລາຍເມກເມື່ອຍັງມີຊີວິດ). ດັງສີບົວຊົມພູ, ບາງຄັ້ງມີປະກາຍສີດຳ, ດວງຕາມີມ່ານຕາສີນ້ຳຕານເຫຼືອງ ຫຼື ສີຂຽວອົມເທົາ, ຮູມ່ານຕາແຄບລົງເປັນຮູບເພັດແນວຕັ້ງ ແທນທີ່ຈະເປັນຮອຍແຍກຕາມປົກກະຕິ. ຫູສັ້ນ ແລະ ກົມ, ດ້ານຫຼັງສີດຳ ມີຈຸດສີຂາວອົມສີເທົາບໍລິເວນກາງ ເຊິ່ງເຊຶ່ອກັນວ່າລວດລາຍນີ້ ຊ່ວຍໃຫ້ລູກແມວຍາງຕາມແມ່ໄດ້ ແລະ ອາດໃຊ້ສົ່ງສັນຍານໄປຍັງເສືອຕົວອື່ນໄດ້.

ຂາ ແລະ ຕີນ: ຂາໜ້າສັ້ນກ່ວາຂາຫຼັງ ແລະ ອຸ້ງຕີນກວ້າງ ມີແຜນຮອງຂະໜາດໃຫຍ່ ເພື່ອເປັນການປັບຕົວເພື່ອປີນໄຕ່ ແລະ ຍຶດເກາະກິ່ງໄມ້.

ຫາງ: ຍາວຫຼາຍ, ມີຂົນໜາ ແລະ ມີລາຍເປັນວົງແຫວນສີເຂັ້ມ ເຊິ່ງມັກຈະຂາດຕອນ ຫຼື ບໍ່ສະໝໍ່າສະເໝີຕາມດ້ານຂ້າງ, ປາຍຫາງສີດຳ ຫຼື ສີເທົາ, ຫາງຊ່ວຍໃນການຊົງຕົວ ໃນຂະນະທີ່ເຄື່ອນທີ່ໄປຕາມຕົ້ນໄມ້.

ຂົນ: ຂົນສັ້ນ, ສີນ້ຳຕານອົມສີເທົາ ຫາສີນ້ຳຕານປົນສີເຫຼືອງ, ມີລາຍເສັ້ນສີດຳພາດຕາມແກ້ມ ແລະ ຄໍ, ມີຈຸດດ່າງລາຍເມກຂະໜາດໃຫຍ່ (ເປັນທີ່ມາຂອງຊື່ສັດ) ປົກຄຸມທັງຕົວ ໂດຍແຕ່ລະຈຸດມີຂອບສີເຂັ້ມກວ່າ ຂະນະທີ່ຈຸດທຶບຂະໜາດນ້ອຍປະກົດເທິງຫົວ ແລະ ຂາ. ທ້ອງ ແລະ ຂາດ້ານໃນມີສີຂາວ ຫຼື ສີນ້ຳຕານອອ່ນ.

ຂະໜາດ: ຄວາມຍາວລຳຕົວ (ຈາກຫົວຫາໂຄນຫາງ) 75-105 ຊມ. ຄວາມສູງຮອດບ່າໄຫຼປະມານ 50-60 ຊມ. ນ້ຳໜັກຕົວປະມານ 18-22 ກກ.

ຄວາມແຕກຕ່າງເພດຜູ້ ແລະ ເພດແມ່: ບໍ່ມີຄວາມແຕກຕ່າງທີ່ຊັດເຈນໃນຮູບລັກສະນທາງເພດ ແຕ່ໂດຍທົ່ວໄປເພດແມ່ຈະມີນ້ຳໜັກນ້ອຍກ່ວາເພດຜູ້ເລັກນ້ອຍ.

ລູກເສືອດາວລາຍເມກ: ເສືອດາວລາຍເມກເມື່ອຍັງນ້ອຍ ຈະມີຈຸໜາແຕ່ລະຈຸດ ແທນທີ່ຈະເປັນລາຍຈຸດຮູບເມກ ຄ້າຍໂຕເຕັມໄວ, ລວດລາຍຈະກາຍເປັນ “ລາຍເມກ” ກໍ່ຕໍ່ເມື່ອພວກມັນໂຕເຕັມໄວແລ້ວ.

ແຫຼ່ງທີ່ມາ: [1].

ພຶດຕິກຳ: ເສືອດາວລາຍເມກ ເປັນແມວປ່າຫາຍາກທີ່ອາໃສ່ຢູ່ໂດດດ່ຽວໃນປ່າຕຶບ, ມີຊື່ສຽງໃນດ້ານການເກັບຕົວ, ອອກຫາກິນໃນເວລາກາງຄືນ ແລະ ມັກອາໃສຢູ່ເທິງຕົ້ນໄມ້. ພວກມັນເປັໜຶ່ງໃນສັດທີ່ປີນໄຕ່ເກັ່ງີ່ສຸດ ສາມາດລົງຈາກຕົ້ນໄມ້ໂດຍເອົາຫົວລົງກ່ອນ, ສາມາດຫ້ວຍຕົວຈາກກິ່ງໄມ້ ໂດຍໃຊ້ຂາຫຼັງ ແລະ ຫາງ. ກະໂດດໄດ້ສູງຮອດ 1,2 ມ. ໃນເວລາກາງເວັນມັກຈະພັກຜ່ອນເທິງຕົ້ນໄມ້ ແຕ່ຈະອອກລ່າຕາພື້ນດິນໃນເວລາກາງຄື. ສຳຫຼັບຕົວທີ່ຖືກນຳມາລ້ຽງຈະເຮັດເຄື່ອງໝາຍດ້ວຍກິ່ນໂດຍການຢ່ຽວ ແລະ ຖູຫົວ. ສຽງຮ້ອງຈະມີສຽງ ແມວແຫຼມສູງ ແລະ ສິ່ງຮ້ອງດັງເພື່ອສື່ສານ, ສຽງຮ້ອງທີ່ເປັນມິດພ້ອມກັບຍົກດັງຂື້ນ ແລະ ສຽງຮ້ອງດັງ ແລະ ຂູ່ຢ່າງດຸຮ້າຍພ້ອມກັບຍິງແຂ້ວ. [2], [3]

ອາຫານ: ເສືອດາວລາຍເມກລ່າເຫຍື່ອໂດຍການສະກົດຮອຍ ຫຼື ສຸ້ມໂຈມຕີ ຈາກນັ້ນກໍ່ກັບຂື້ນໄປເທິງຕົ້ນໄມ້ເພື່ອກິນ ແລະ ພັກຜ່ອນ. ໂຄງສ້າງຮ່າງກາຍທີ່ແຂງແຮງ ແລະ ແຂ້ວທີ່ຍາວ ເຮັດໃຫ້ພວກມັນຈັດການກັບສັດກິນພືດຂະໜາດໃຫຍ່ ລວມທັງສັດຂະໜາດນ້ອຍທີ່ອາໃສ່ຢູ່ເທິງຕົ້ນໄມ້ ແລະ ເທິງພື້ນດິນໄດ້, ເຫຍື່ອທີ່ບັນທຶກໄວ້ ໄດ້ແກ່ ລິງເສນ, ກວາງໝູ, ລິງລົມ, ເໝັ້ນ, ຕົວນິ່ມ, ກະຮອກ, ກວາງ, ນົກກະທາ ແລະ ແມ່ນແຕ່ໝີຂໍ. [2], [4]

ການສືບພັນ: ເສືດາວລາຍເມກເລີ່ມສືບພັນຄັ້ງທຳອິດເມື່ອອາຍຸ 26 ເດືອນ. ການປະສົມພັນຂ້ອນຂ້າງດຸຮ້າຍ ໂດຍຕົວຜູ້ຈະກັດຄໍຕົວແມ່, ຄວາມເຂົ້າກັນໄດ້ຈຶ່ງມີຄວາມສຳຄັນຢ່າງຍິ່ງໃນພື້ນທີ່ຈຳກັດ. ຄູ່ຮັກຈະປະສົມພັນກັນຊ້ຳໆ ເປັນເວລາຫຼາຍວັນ, ຫຼັງຈາກນັ້ນຕົວຜູ້ຈະຈາກໄປ ແລະ ບໍ່ມີບົດບາດໃນການເບິ່ງແຍງລູກ. ມີໄລຍະເວລາເປັນສັດ (ໄລຍະພ້ອມປະສົມພັນ) ປະມານ 6 ວັນ, ຮອບວຽນການເປັນສັດໂດຍສະເລ່ຍ 30 ວັນ ແລະ ໄລ່ຍະເວລາຖືພາ 93 ± 6 ( ± 6 ອາດຈະຄາດເຄືອນບໍ່ຕໍ່າ ແລະ ບໍ່ເກີນ 6 ມື້). ຕົວແມ່ອອກລູກປີລະຄັ້ງ ໂດຍປົກກະຕິຈະມີລູກ 3 ຕົວ (1-3 ຕົວ), ລູກເກີດໃຫມ່ຍັງບໍ່ທັນມືນຕາ. ນ້ຳໜັກ 140-280 ກຼາມ, ມີຈຸດໜາ ແລະ ສາມາດມືນຕາໄດ້ເມື່ອອາຍຸ 10 ວັນ, ເລີ່ມຍາງໄດ້ເມື່ອອາຍຸ 5 ອາທິດ, ຍ່ານົມເມື່ອອາຍຸ 3 ເດືອນ, ຂົນຈະຂື້ນເຕັມໂຕເມື່ອອາຍຸ 6 ເດືອນ ແລະ ເພີງພາຕົວເອງໄດ້ເມື່ອອາຍຸ 10 ເດືອນ. [2]

ຫ້າມນຳໃຊ້:

ບັນຊີຂອງ CITES: ການໃຊ້ປະໂຫຍດເພື່ອການບໍລິໂພກທັງໝົດ (ໜັງ, ກະດູກ, ການລ່າສັດ) ຖືກຄວບຄຸມຢ່າງເຂັ້ມງວດ ຫຼື ຖືກຫ້າມໄວ້ພາຍໃຕ້ບັນຊີທີ່ I ຂອງ CITES. ການໃຊ້ປະໂຫຍດທີ່ບໍ່ແມ່ນການບໍລິໂພກ (ການທ່ອງທ່ຽວທາງນິເວດ, ລັກສະນະທາງວັດທະນະທຳ, ບົດບາດທາງນິເວດວິທະຍາ) ໄດ້ຮັບການສົ່ງເສີມໃຫ້ເປັນທາງເລືອກທີ່ຍັ້ງຍືນ. [1]

ກົດໝາຍລາວ: ໃນກົດໝາຍລາວເສືອລາຍເມກ ຖືກຈັດຢູ່ໃນລາວຊື່ສັດປ່າຄຸ້ມຄອງ ບັນຊີທີ່ I ເຊິ່ງເປັນລດັບການຄຸ້ມຄອງສູງສຸດ. ການລ່າ, ການຈັບ, ການຄອບຄອງ ແລະ ການຄ້າຂາຍເປັນສິ່ງຕ້ອງຫ້າມຢ່າງເດັດຂາດ. ບັນຊີປະເພດນີ້ໃຊ້ກັບສາຍພັນທີ່ຖືວ່າຫາຍາກ ໃກ້ສູນພັນ ຫຼື ມີຄວາມສຳຄັນຕໍ່ການອານຸລັກສູງ. ໂດຍການລະເມີດຈະມີໂທດ ແລະ ຈຳຄຸກ. [8]

ທີມງານພາເຂົ້າລາວບໍ່ສະໜັບສະໜູນການລ່າ ຫຼື ການໃຊ້ສັດປ່າ ຫຼື ສັດສາຍພັນທີ່ໃກ້ສູນພັນຢ່າງເດັດຂາດ ເຊິ່ງຖືກລະບຸວ່າ ເປັນສັດຕ້ອງຫ້າມໃນລາຍຊື່ລະຫວ່າງປະເທດ ຫຼື ໃນກົດໝາຍຂອ

ການອານຸລັກທີ່ຢູ່ອາໄສ:

ໄພຂົ່ມຂູ່: ເສືອດາວລາຍເມກຕ້ອງອາໃສປ່າໜາ ແຕ່ຖິ່ນທີ່ຢູ່ຂອງພວກມັນກຳລັງປະເຊີນກັບການຕັດໄມ້ ທຳລາຍປ່າທີ່ໄວທີ່ສຸດແຫ່ງໜຶ່ງຂອງໂລກ, ເພີ່ມເຕີມຄື ການລ່າສັດຜິດກົດໝາຍ ທັງທີ່ມຸ້ງເນັ້ນໄປທີ່ ການຄ້າ ແລະ ການດັກຈັບ ຖດຍບັງເອີນ, ແຮງກົດດັນເພີ່ມເຕີມ ອາດລວມເຖິ່ງການຫຼຸດລົງຂອງເຫຍື່ອໃນອິນດູຈີນ ແລະ ຈີນ ແລະ ຜົນກະທົບຈາກການປ່ຽນແປງສະພາບພູມີອາກາດຕໍ່ປະຊາກອນ ທີ່ອາໃສຢູ່ໃນພື້ນທີ່ສູງ ເຊັ່ນ ໃນເນປານຕອນກາງ. [5], [9]

ການຕິດຕາມປະຊາກອນ: ການຄາດການຈາກແຫຼ່ງທີ່ຢູ່ອາໃສທີ່ເໝາະສົມປະມານ 558,000 ຕາລາງກິໂລແມັດ ຊີ້ໃຫ້ເຫັນວ່າປະຊາກອນທົ່ວໂລກມີຈຳນວນລະຫວ່າງ 1,600 ຫາ 29,000 ຕົວເຕັມໄວ ເຖິ່ງວ່າຕົວເລັກທີ່ແທ້ຈິງນ່າຈະຕ່ຳກ່ວາຫຼາຍ. ຄວາມໜາແໜ້ນສະເລ່ຍປະມານ 1 ຕົວຕໍ່ 100 ຕາລາງກິໂລແມັດ, ໝາຍຄວາມວ່າມີຈຳນວນປະຊາກອນທີ່ໂຕເຕັມໄວ 3,700-5,580 ຕົວ. [5]

ກົດໝາຍ ແລະ ນະໂຍບາຍ:

1. ຂໍບັງຄັບພາຍໃຕ້ກົດໝາຍໃນບັນຊີທີ່ I ຂອງ CITES:

- ຂໍ້ຫ້າມໃນການຄ້າຂາຍເຂົາແຮດທົ່ວໂລກ: ບໍ່ມີຕະຫຼາດລະຫວ່າງປະເທດທີ່ຖືກົດໝາຍສຳຫຼັບເຂົາແຮດນໍດຽວ ຫຼື ອານຸພາກຕ່າງໆຂອງແຮນໍດຽວ.

- ຂໍ້ຈຳກັດໃນການເພາະລ້ຽງໃນກົງ: ການເຄື່ອນຫຍ້າຍສັດແຕ່ລະຕົວເພື່ອວັດຖຸປະສົງໃນການອານຸລັກ ຈະຕ້ອງໄດ້ຮັບການຄວບຄຸມ ແລະ ອານຸຍາດຢ່າງເຂັ້ມງວດພາຍໃຕ້ CITES.

- ລຳດບຄວາມສຳຄັນໃນການບັງຄັບໃຊ້ກົດໝາຍ: ປະເທດຕ່າງໆ (ເຊັ່ນ: ອິນໂດເນເຊຍ) ຈຳເປັນຕ້ອງຖືວ່າການລ່າສັດ ແລະ ການຄ້າສັດປ່າຜິດກົດໝາຍເປັນອາດສະຍາກຳທີ່ຮ້າຍແຮງກ່ຽວກັບສັດປ່າ.

ແຫຼ່ງຂໍ້ມູນ: [1]

2. ກົດໝາຍລາວ:

ບຸກຄົນ, ນິຕິບຸກຄົນ ແລະ ອົງກອນຕ່າງໆ ຖືກຫ້າມບໍ່ໃຫ້ມີການກະທຳໃດໆຕໍ່ໄປນີ້:

• ການສະເໜີສິນບົນ ຫຼື ເປັນຕົວກາງໃນການສະເໜີ ຫຼື ຮັບສິນບົນ.
• ການປອມແປງເອກະສານ ຫຼື ການໃຊ້ເອກະສານປອມ
• ການຄອບຄອງ, ຊື້-ຂາຍ, ລ່າ, ນຳເຂົ້າ-ສົ່ງອອກ ຫຼື ການເຄື່ອນຫຍ້າຍສັດປ່າຢ່າງຜິດກົດໝາຍ ລວມທັງຊາກ, ສິ້ນສ່ວນ ແລະ ຜະລິດຕະພັນຈາກສັດປ່າ.
• ການທາລຸນນະກຳສັດທຸກຮູບແບບ
• ການມີສ່ວນຮ່ວມໃນການຜະລິດ ນຳເຂົ້າ, ຈຳນ່າຍ ແລະ ໃຊ້ອາວຸດລ່າສັດ ຫຼື ເຄື່ອງມືທີ່ມີລັກສະນະທຳລາຍລ້າງ ເຊັ່ນ ອຸປະກອນລະເບີດ, ສານເຄມີ, ສານພິດ, ໄຟຟ້າ, ແສງ, ສຽງ, ຄື້ນ ແລະ ອື່ນໆ.
• ການບຸກລຸກ ແລະ ການທຳລາຍເຂດອານຸລັກສັດປ່າ, ຖິ່ນທີ່ຢູ່ອາໄສຂອງສັດປ່າ ແລະ ແຫຼ່ງອາຫານສັດປ່າທາງຕົງ ຫຼື ທາງອອ້ມ.
• ການປ່ອຍສັດປ່າຕ່າງຖິ່ນທີ່ມີຄວາມສ່ຽງທີ່ຈະກໍໃຫ້ເກີດອັນຕະລາຍຕໍ່ສັດປ່າພື້ນເມືອງ ແລະ ລະບົບນິເວດ.
• ການເຄື່ອນຫຍາຍ, ຫານປ່ຽນແປງ ຫຼື ການທຳລາຍເຄື່ອງໝາຍເຂດແດນຂອງຂອບເຂດອານຸລັກສັດປ່າ.
• ພຶດຕິກຳອື່ນໆທີ່ຝ່າຝືນກົດໝາຍ.

ແຫຼ່ງຂໍ້ມູນ: [8]