ໄທ: ຫວ້ານນາງດາມ

Geodorum dilatatum R.Br.
Limodorum recurvum Roxb.

Orchidaceae

ພືດລົ້ມລຸກອາຍຸຫຼາຍປີ, ຂະຫຍາຍຕົວທາງດ້ານຂ້າງ. ຫົວແບບຫົວເຜືອກ, ຢູ່ໃຕ້ດິນ, ຮູບມົນກົມ, ດ້ານນອກສີຂຽວປົນສີເທົາ, ດ້ານໃນສີເຫຼືອງອ່ອນປົນສີຂາວ. ໃບຈັບແບບສະຫຼັບ, ຮູບຂອບຂະໜານ ຫຼື ຮູບຮີ, ແຜ່ນໃບໜາຄ້າຍໜັງ, ພັບເປັນຮ່ອງ, ສີຂຽວທັງສອງດ້ານ, ກ້ຽງທັງ ສອງດ້ານ, ຊໍ່ດອກແບບກະຈະ, ຕັ້ງຊື່, ກ້ຽງ, ສີຂຽວອ່ອນ, ດອກອອກຫຼັງເກີດໃບ, ກ້ຽງ, ສີຂາວ ປົນສີເຫຼືອງ ແລະ ມີຈຸດສີນໍ້າຕານບໍລິເວນດ້ານໃນກີບປາກ. ກາບເທິງຮູບຂອບຂະໜານ ຫຼື ຮູບຫອກ, ກ້ຽງ, ສີຂາວ ຫຼື ສີມ່ວງ. ກາບຂ້າງຮູບຂອບຂະໜານ ຫຼື ຮູບຫອກ, ກ້ຽງ, ສີຂາວ ຫຼື ສີມ່ວງ. ກີບດອກຮູບຂອບຂະໜານ, ກ້ຽງ, ສີຂຽວ ຫຼື ສີມ່ວງ. ກີບປາກແຍກເປັນສາມແສກ, ບໍລິເວນໂຄນເປັນໂຜ້ງ, ດ້ານນອກສີຂາວ, ດ້ານໃນສີເຫຼືອງ, ປົນສີນໍ້າຕານ. ຄາງດອກ ກ້ຽງ, ສີຂາວ. ເສົາເກສອນກົ່ງໂຄ້ງເລັກນ້ອຍ, ກ້ຽງ, ເປັນຮ່ອງຢູ່ເຄິ່ງກາງ, ສີຂາວ, ມີຈຸດລາຍແຊກສີນໍ້າຕານ. ຮວງຮັບເມັດລະອອງເປັນແອ່ງ, ຮູບສາມຫ່ຽມ. ໝາກຮູບຮີ, ກ້ຽງ, ສີຂຽວ.

N/A

N/A

N/A

ມີຄວາມສ່ຽງໜ້ອຍສຸດ

N/A

ພືດເປັນຢາ

ຫົວໃຊ້ເປັນຢາພື້ນເມືອງເພື່ອຮັກສາ ແລະ ລະຫງັບການເລີນເຕີບໂຕຂອງຊີ້ນງອກ (Ramesh et al., 2012.). ຫົວຕາກແຫ້ງແລ້ວບົດໃຫ້ລະອຽດແລ້ວປະສົມກັບນໍ້າເຜິ້ງເພື່ອຮັກສາບັນຫາຮອບເດືອນມາບໍ່ປົກກະຕິຂອງແມ່ຍິງ.

N/A

N/A

N/A

N/A

ບົວໄຂຄອນ ສະແຫວງສຶກສາ ແລະ ວີຈິດ ລໍາໄຊ. (2005). ຕົ້ນດອກເຜິ້ງທຳມະຊາດໃນສປປລາວ. ນະຄອນຫຼວງວຽງຈັນ: ມະຫາວິທະໄລແຫ່ງຊາດລາວ. 223 ໜ້າ.
ລໍາໄຊ, ວ., & ສະແຫວງສຶກສາ, ບ. ( 2005). ຄູ່ມືພາກສະໜາມພືດເສດຖະກິດບາງຊະນິດທີ່ຫາຍາກ ແລະ ມີແນວໂນ້ມໃກ້ຈະສູນພັນໃນ ສປປ ລາວ. ວຽງຈັນ, ສປປ ລາວ: ໂຮງພິມມັນທາຕຸລາດ.