Phakhaolao Species Database

ເລກລຳດັບທີ: 4228

ລະດັບການຮວບຮວມຂໍ້ມູນ: ຂໍ້ມູນລະອຽດ

ປັບປູງຄັ້ງລ່າສຸດ: 2026-07-15

ປາເສືອ

Siamese Tiger Perch

Datnioides pulcher (Kottelat, 1998)

ສັດ

ປາ

1 / 3

2 / 3

3 / 3

❮ ❯

ການຕັ້ງຊື່, ອະນຸກົມວິຖານ ແລະ ການບັນຍາຍລັກສະນະ

ຊື່ທ້ອງຖີ່ນ

(Balloon Frog, Broad-lipped Frog, Truncate-snouted Burrowing Frog)

ອະນຸກົມວິຖານ

ຊື່ສະກຸນ: Datnioididae

ຊື່ພ້ອງ

Coius pulcher Kottelat, 1998

ຊະນິດໃກ້ຄຽງ

ປາເສືອ / Mekong tiger perch

ບັນຍາຍລັກສະນະທາງພືດສາດ

ປາຊະນິດນີ້ມີລັກສະນະເດັ່ນຄືມີລວດລາຍສີສະໝ່າສະເໝີເປັນແຖບກວ້າງ 4 ຫາ 5 ແຖບ ຕາມລຳຕົວ, ແຖບທີ່ 1 ທອດຍາວຈາກທ້າຍຫົວຜ່ານເຫງືອກໄປຍັງບໍລິເວນເອິກ ແລະ ພາດຜ່ານຜິວທ້ອງ. ແຖບທີ່ 2 ຈະຍາວຈາກໂຄນໜາມຄີຫຼັງທີ່ 2-5 ໄປຍັງບໍລິເວນດ້າໜ້າຂອງຈຸດເລີ່ມຕົ້ນຂອງຄີກົ້ນ. ເລີ່ມຕົ້ນຈາກໂຄນໜາມຄີຫຼັງທີ 9 ຜ່ານຄີຫຼັງທີ່ 2 ແລະ ສິ້ນສຸດບໍລິເວນໂຄນຄີກົ້ນທີ່ ກ້ານ 2-6. ແຖບທີ່ 4 ຢູ່ເທິງເຄິ່ງຫຼັງຂອງກ້ານຄີຫາງ. ເກັດລຳຕົວມີຂະໜາດນ້ອຍ, ມີເກັດ 70 ຫາ 100 ເກັດໃນແຖບເສັ້ນດ້ານຂ້າງ.
ຂະໜາດ: 40 ຊມ. ຂອງຄວາມຍາວມາດຕະຖານ.
ແຫຼ່ງທີ່ມາ: [1] [2]

ນິເວດວິທະຍາ ແລະ ເຂດກະຈາຍພັນ

ເຂດກະຈາຍພັນທົ່ວໂລກ

Native to Cambodia; Lao People's Democratic Republic; Viet Nam and Extinct in Thailand. [3]

Global distribution of Datnioides pulcher between 1998 to 2012. Source: [4]

ເຂດກະຈາຍພັນໃນລາວ

ເຂດລຽບແມ່ນ້ຳຂອງພາກໃຕ້

ຈາກການບັນທຶກຂອງ GBIF ແຫຼ່ງທີ່ຢູ່ອາໄສຂອງສາຍພັນນີ້ໄດ້ຮັບການບັນທຶກໄວ້ໃນ ແຂວງສະຫວັນນະເຂດ ໂດຍສະເພາະຕາມແທ່ນ້ຳຂອງທີ່ແກ່ງກະຮວງ, ເມືອງ ໄກສອນພົມວິຫານ. [4]

ເຂດກະຈາຍພັນຕາມພູມສັນຖານ

ແມ່ນ້ຳ ແລະ ລຳທານ, ທະເລສາບ ແລະ ສະນ້ຳ, ໜອງບຶງ ແລະ ດິນຖານຕົມ

ປາຊະນິດນີ້ມັກອາໃສຢູ່ໃນແມ່ນ້ຳບໍລິເວນພື້ນນ້ຳ ຫຼື ລະດັບກາງນ້ຳ ລວທັງແມ່ນ້ຳສາຍຫຼັກ, ສາຂາຂອງມັນ ແລະ ພື້ນທີ່ຊຸ່ມນ້ຳຂະໜາດໃຫຍ່ [1]. ເປັນປານ້ຳຈືດຂະໜາດໃຫຍ່ ແລະ ເລິດ ໃນພື້ນທີ່ຕ່ຳເທົ່ານັ້ນ ແລະ ບໍ່ຄິດວ່າຈະເຂົ້າໄປໃນສະພາບແວດລ້ອມທີ່ເປັນ້ຳກ່ອຍ, ມີການເກັບຕົວຢ່າງຈາກປ່າທີ່ຖືກນ້ຳທ້ວມໃນຊ່ວງລະດູຝົນປະຈຳປີ [5]. ສາຍພັນນີ້ຍັງອາໄສຢູ່ໃນທະເລສາບຂະໜາດໃຫຍ່ ທີ່ເຊື່ອມຕໍ່ກັບແມ່ນ້ຳ ໂດຍມັກອາໃສ່ຢູ່ໃຕ້ນ້ຳທີ່ມີປ່າ ແລະ ຮອຍແຕກຂອງຫີນ [3].

ສະເພາະຖິ່ນໃນລາວ

ພື້ນເມືອງ

ຮຸກຮານ

ບໍ່ຮຸກຮານ

ການອະນຸຮັກ

ສະຖານະພາບການອະນູຮັກ IUCN

ໃກ້ສູນພັນສູງສຸດ

ຊະນິດພັນ CITES

ບໍ່ຖືກລະບຸໃນບັນຊີປະເພດໃດ

ບັນຊີສັດປ່າຂອງລາວ

ບັນຊີທີ່ I: ຊະນິດພັນປະເພດຫວງຫ້າມ

ບັນຊີ NTFP

N/A

ບັນຊີໄມ້

N/A

ປາຊະນິດນີ້ໄດ້ຮັບການປະເມີນວ່າຕົກຢູ່ໃນສະຖານະພາບໃກ້ສູດພັນສູງສຸດ ເນື່ອງຈາກຄາດການວ່າປະຊາກອນຈະຫຼຸດລົງຫຼາຍກ່ວາ 90% ພາຍໃນສາມຊົ່ວອາຍຸຄົນ ໂດຍພິຈາລະນາຈາກພື້ນທີ່ຄຸ້ມຄອງ (AOO), ຂອບເຂດການກະຈາຍພັນ (EOO), ຄຸນນະພາບຂອງແຫຼ່ງທີ່ຢູ່ອາໃສ ແລະ ລະດັບການໃຊະປະໂຫຍດທີ່ຕໍ່ເນື່ອງ. [3]
ປາຊະນິດຈັດຢູ່ໃນບັນຊີທີ່ I ຂອງບັນຊີສັດນ້ຳ, ເຊິ່ງປະກອບດ້ວຍຊະນິດພັນທີ່ຫາຍາກ, ໃກ້ສູນພັນ ແລະ ສ່ຽງຕໍ່ການສູນພັນ, ເຊິ່ງໄດ້ຮັບການຍອມຮັບວ່າສຳຄັນຕໍ່ລະບົບນິເວດ, ການທ່ອງທ່ຽວ ແລະ ການສຶກສາທາງວິທະຍາສາດ, ສາຍພັນນີ້ຕ້ອງໄດ້ຮັບການຈັດການ, ປົກປ້ອງ ແລະ ພັດທະນາ. [6]

ການນຳໃຊ້ຂອງມະນຸດ

ປະເພດການນຳໃຊ້

ຫ້າມນຳໃຊ້

ຫ້າມນຳໃຊ້: ຫ້າມບໍ່ໃຫ້ມີການ ຫຼື ຊື້ຂາຍສັດນ້ຳໃນບັນຊີທີ່ 1 ຢ່າງເດັດຂາດ ລວມທັງຊາກ, ຊິ້ນສ່ວນ ແລະ ຜະລິດຕະພັນຕ່າງໆ, ຫ້າມບໍ່ໃຫ້ມີການລ້ຽງສັດນ້ຳທີ່ໄດ້ມາຈາກທຳມະຊາດ ຫຼື ແຫຼ່ງອື່ນໆ ທີ່ບໍ່ໄດ້ເພາະພັນຢ່າງເດັດຂາດ ເວັ້ນແຕ່ຈຳເປັນສຳຫຼັບການສຶກສາ ຫຼື ການສືບພັນທີ່ບໍ່ແມ່ນໃຊ້ທາງການຄ້າ. [7]
ໃນນາມໂຄງການພາເຂົ້າລາວພວກເຮົາຂໍປະຕິເສດຢ່າງເດັດຂາດບໍ່ໃຫ້ມີການລ່າ ຫຼື ການໃຊ້ສັດຊະນິດັງກ່າວບໍວ່າໃນກໍລະນີໃດກໍຕາມ.

ການປູກ ການລ້ຽງ

ປູກ ແລະ ທຳມະຊາດ

ລະດູການເກັບກູ້

N/A

ການຕະຫຼາດ ແລະ ຕ່ອງໂສ້ມູນຄ່າ

N/A

ການຄຸ້ມຄອງຈັດການ

ສະພາບໂດຍລວມ:

ພຶດຕິກຳ: ເຖິ່ງວ່າໄວອອ່ນອາດຈະລວມກຸ່ມກັນ ແຕ່ປາໂຕເຕັມໄວຈະບໍ່ມັກຢູ່ຮ່ວມກັນເປັນກຸ່ມ ແລະ ມັກສະແດງພຶດຕິກຳດຸຮ້າຍຕໍ່ປາຊະນິດດຽວກັນ ແລະ ປາທີ່ມີຮູບຮ່າງຄ້າຍກັນ. [5]

ອາຫານ: ສັດຊະນິດນີ້ກິນຊີ້ເປັນອາຫານຫຼັກຢ່າງມີປະສິດທິພາບ, ມີປາກທີ່ຍື່ນອອກມາໄດ້ຫຼາຍ. ປານ້ອຍສາມາດສາມາດກິນຕົວອອ່ນຂອງແມງລິ້ນ (ໄສ້ເດືອນແດງ), ໄສ້ເດືອນຂະໜາດນ້ອຍ, ກຸ້ງສັບ ແລະ ອາຫານທີ່ຄ້າຍກັນໄດ້ ໃນຂະນະທີ່ປາໂຕເຕັມໄວຈະກິນຊີ້ປາທີ່ຕັດເປັນຕ່ອນ, ກຸ້ງ, ຫອຍ, ກຸ້ງແມ່ນ້ຳທີ່ມີຊີວິດຢູ່, ຂີ້ກະເດືອນຂະໜາດໃຫຍ່ ແລະ ເຫຍື່ອອື່ນໆ ທີ່ກ່ຽວຂ້ອງ. [5]

ການອານຸລັກທີ່ຢູ່ອາໄສ:

ໄພຂົ່ມຂູ່: ການຫາປາຫຼາຍເກີນໄປເພື່ອການຄ້າສັດນ້ຳໃນຕູ້ ລະຫວ່າງປະເທດ, ເປັນໄພຂົ່ມຂູ່ສຳຄັນຕໍ່ຊະນິດນີ້ ເຖິ່ງວ່າຈະພົບເຫັນໄດ້ຍາກໃນປັດຈຸບັນ ແຕ່ກໍ່ຍັງຄົງຫາໄດ້ເພື່ອຈຸດປະສົ່ງນີ້ເມື່ອພົບ, ໄພຂົ່ມຂູ່ທີ່ສຳຄັນອື່ນໆ ໄດ້ແກ່ ການປ່ຽນແປງແຫຼ່ງທີ່ຢູ່ອາໄສ ເນື່ອງຈາກເຂື່ອນຂະໜາດໃຫຍ່ ລວມທັງໂຄງສ້າງພື້ນຖານໃນແມ່ນ້ຳສາຂາ ເຊັ່ນ ເຂື່ອນຂະໜາດນ້ອຍ, ຝາຍ ແລະ ປະຕູນ້ຳ ເຊິ່ງຂັດຂວາງການເຄື່ອນທີ່ດ້ານຂ້າງລະຫວ່າງແມ່ນ້ຳສາຍຫຼັກ ແລະ ແມ່ນ້ຳສາຂາ. [3]

ການຕິດຕາມປະຊາກອນ: ປາເສືອສູນພັນໄປຈາກປະເທດໄທໃນຊ່ວງປີ 1990 ແລະ ປັດຈຸບັນຫາຍາກຫຼາຍໃນກຳປູເຈຍ, ຫວຽດນາມ ແລະ ລາວ, ມີການບັນທຶກການສົ່ງອອກສຳຫຼັບການຄ້າສັດ້ຳລະຫວ່າງປະເທດຈາກກຳປູເຈຍ ແລະ ຫວຽດນາມມີຄວາມຜັນຜວນໃນຊ່ວງ 20 ປີທີ່ຜ່ານມາ, ແຕ່ປັດຈຸບັນຫຼຸດລົງຫຼາຍ ຄາດວ່າປະຊາກອນທົ່ວໂລກຂອງສາຍພັນນີ້ຫຼຸດລົງຫຼາຍກ່ວາ 90% ໃນຊ່ວງທົດສັດຕະວັດທີ່ຜ່ານມາ. [3]

ກົດໝາຍ ແລະ ນະໂຍບາຍ: ກົດໝາຍວ່າດ້ວຍສັດນ້ຳ ແລະ ການປະມົງ (ສະບັບປັບປຸ່ງ) ຂອງລາວ ຫ້າມບໍ່ໃຫ້ມີການຂາຍ, ຄອບຄອງ ຫຼື ຂົນສົ່ງສັດນ້ຳດັງກ່າວໂດຍບໍ່ໄດ້ຮັບອານຸຍາດ. ບຸກຄົນ, ນິຕິບຸກຄົນ ຫຼື ອົງກອນດທີ່ຝ່າຝືນກົດໝາຍນີ້ ຈະຕ້ອງຖືກຕັກເຕືອນ, ລົງໂທດທາງວິໄນ, ປັບເງິນ, ຊົດໃຊ້ຄ່າເສຍຫາຍທາງແພ່ງ ຫຼື ດຳເນີນຄະດີທາງກົດໝາຍອາຍາ. [7]

ໂພຊະນາການ

ຄຸນຄ່າທາງໂພຊະນາການ

N/A

ສານອາຫານ	/100g	ໝາຍເຫດ
ໂປຣຕີນ	N/A	N/A
ຄາໂບໄຮເດຣດ	N/A	N/A
ໄຂມັນ	N/A	N/A
ວິຕາມິນ	N/A	N/A
ແຮ່ທາດ	N/A	N/A
ເສັ້ນໄຍ	N/A	N/A

ອ້າງອິງ

ເຄດິດຮູບພາບ

[1] Seriously Fish, “Datnioides pulcher,” Seriously Fish. [Online]. Available: https://www.seriouslyfish.com/species/datnioides-pulcher/. [Accessed: Jul. 14, 2026].

ອ້າງອິງ

[1] FishBase, “Datnioides pulcher (Kottelat, 1998) (Siamese tiger perch),” FishBase. [Online]. Available: https://fishbase.se/summary/Datnioides-pulcher. [Accessed: Jul. 14, 2026].
[2] Pha Khao Lao, “Fishes of the Indochinese Mekong,” Pha Khao Lao Resource Library. [Online]. Available: https://phakhaolao.la/en/resource/https-www-nagaofoundation-or-jp-e-publication-e-book-mekongfishes-book-index-htmltarget-page_no13/. [Accessed: Jul. 14, 2026].
[3] C. Vidthayanon, “Datnioides pulcher,” The IUCN Red List of Threatened Species, 2011. [Online]. Available: https://www.iucnredlist.org/species/180969/7656475#habitat-ecology. [Accessed: Jul. 14, 2026].
[4] Global Biodiversity Information Facility (GBIF), “Datnioides pulcher (Kottelat, 1998),” GBIF Backbone Taxonomy. [Online]. Available: https://www.gbif.org/taxon/6CG3P. [Accessed: Jul. 14, 2026].
[5] Seriously Fish, “Datnioides pulcher,” Seriously Fish. [Online]. Available: https://www.seriouslyfish.com/species/datnioides-pulcher/. [Accessed: Jul. 14, 2026].
[6] Pha Khao Lao, “ຂໍ້ຕົກລົງວ່າດ້ວຍ ການຮັກສາ ແລະ ນຳໃຊ້ສັດນ້ຳ,” Pha Khao Lao Resource Library. [Online]. Available: https://phakhaolao.la/resource/%e0%ba%82%e0%bb%8d%e0%bb%89%e0%ba%95%e0%ba%bb%e0%ba%81%e0%ba%a5%e0%ba%bb%e0%ba%87%e0%ba%a7%e0%bb%88%e0%ba%b2%e0%ba%94%e0%bb%89%e0%ba%a7%e0%ba%8d-%e0%ba%81%e0%ba%b2%e0%ba%99%e0%ba%ae%e0%ba%B1/. [Accessed: Jul. 14, 2026].
[7] Pha Khao Lao, “ກົດໝາຍວ່າດ້ວຍສັດນ້ຳ ແລະ ສັດປ່າ,” Pha Khao Lao Resource Library. [Online]. Available: https://phakhaolao.la/resource/%e0%ba%81%e0%ba%bb%e0%ba%94%e0%bb%9d%e0%ba%b2%e0%ba%8d%e0%ba%a7%e0%bb%88%e0%ba%b2%e0%ba%94%e0%bb%89%e0%ba%a7%e0%ba%8d%e0%ba%aa%e0%ba%b1%e0%ba%94%e0%ba%99%e0%bb%89%e0%ba%b3-%e0%bb%81%e0%ba%a5%e0%ba%b0/. [Accessed: Jul. 14, 2026].

ຜູ້ສ້າງ Factsheet

Duangkhae Keonoy

ຜູ້ກວດສອບ Factsheet