ເປັນໄມ້ຢືນຕົ້ນຂະໜາດໃຫຍ່, ສູງປະມານ 30 ແມັດ, ເປືອກແຕກເປັນຮ່ອງຕາມລວງຍາວ. ໃບປະສົມຂັ້ນສອງແບບຂົນນົກປາຍຄູ່, ອອກຮຽງສະຫຼັບ, ໃບລວມຮູບໄຂ່, ກ້ວາງ 18-15 ຊມ, ຍາວ 25-35 ຊມ. ໃບປະສົມຂັ້ນໜຶ່ງຮູບຂອບຂະໜານ, ອອກຮຽງກົງກັນຂ້າມແຜ່ນພຽງດຽວກັນ, ມີ 8-15 ຄູ່, ກ້ວາງ 1-3 ຊມ, ຍາວ 5-8 ຊມ. ໃບຍ່ອຍຮູບໄຂ່ ຫຼື ຮູບຂອບຂະໜານ, ອອກຮຽງກົງກັນຂ້າມກັນ, ກ້ວາງ 2,5-7 ມມ, ຍາວ 0.7-2.3 ຊມ, ໂຄນໃບບ້ຽວ, ຂອບລຽບ, ປາຍເປັນຕິ່ງແຫຼມ. ຊໍ່ດອກແບບກະຈຸກ, ອອກບໍລິເວນງາມໃບ ຫຼື ປາຍຍອດ, ສີເຫຼືອງປົນຂາວ. ກາບດອກມີ 5 ກີບ, ໂຄນເຊື່ອມຕິດກັນເປັນຫຼອດ, ປາຍແຍກເປັນແສກ, ສີຂຽວອອ່ນ. ກີບດອກໂຄນເຊື່ອມຕິດກັນເປັນຫຼອດ, ປາຍແຍກເປັນ 5 ແສກ, ສີເຫຼືອງ. ເກສອນເພດຜູ້ມີຈຳນວນຫຼາຍ, ເຕົ້າໄຂ່ຈັບເທິງ, ມີຂົນປົກຄຸມຢ່າງໜາແໜ້ນ. ໝາກເປັນຝັກແປ, ຮູບຮີ ຫຼື ຮູບຂອບຂະໜານ, ກ້ວາງ 1-2 ຊມ, ຍາວ 5-10 ຊມ, ແກ່ແລ້ວບໍ່ແຕກ.

ວິເວດວິທະຍາ: ເກີດຕາມພູເຂົາ, ປ່າໂຄກໃນພື້ນທີ່ແຫ້ງແລ້ງ, ປາດິບຊື້ນ ແລະ ປ່າປຽນໃບຕັ້ງແຕ່ຄວາມສູງ 1.000 ແມັດ, ມັກເກີດຕາມແຄມນ້ຳລຳທານ, ຮິມປ່າ ແລະ ແຄມທະໜົນຫົນທາງ.

ສັບພະຄຸນ:

• ເປືອກ: ມີສານແທນນີນທີ່ໃຊ້ເປັນຢາຮັກສາແຜ, ໃນເປືອກມີສານແທກນິນທີ່ມີປະລິມານສູງຊ່ວຍຮັກສາອາການຕຸກສຽດ ແລະ ອາການຖອກທ້ອງ.

ສິ່ງປຸກສ້າງ:

• ເນື້ອໄມ້: ໄມ້ທີ່ໃຫຍ່ສາມາດນຳມາເຮັດເປັນສິ່ງປຸກສ້າງໄດ້

ປະໂຫຍດ:

• ເປືອກ: ທີ່ອຸດົມໄປດ້ວຍແທນນິນ ໃຊ້ໃນການຜະລິດເຄື່ອງດື່ມໝັກທີ່ເຮັດມາຈາກນ້ຳອ້ອຍ ແລະ ໃຊ້ເປັນສີຍ້ອມຜ້າ.
• ສາວກະສິກຳມັກປູກໄວ້ເພື່ອໃຫ້ຮົ່ມເງົາ
• ສານແທກນິນໃນເປືອກສາມາດໃຊ້ແຊ່ນ້ເພື່ອຈັບປາ
• ເນື່ອໄມ້ໃຊ້ເປັນຟືນດັງໄຟ.

N/A

N/A

N/A

,