ໄທ: ບົວບາ, ຕັບເຕົ່າ, ຜັກເຕົ່າ, ອີບາ, ບາ, ບົວບາດອກຂາວ, ຜັກເຕົາໃຫຍ່, ຜັກນອງມ້າ ແລະ ອີແປະພູ. ຊື່ສາມັນ: Water Snowflake, Fringed Waterlily, False Indian Waterlily, Water Gentian ແລະ 金银莲花.

Limnanthemum indicum (L.) Griseb.
Menyanthes indica L.

Menyanthaceae

ເປັນພືດລົ້ມລຸກ, ມີອາຍຸຫຼາຍປີ. ເຫງົ້າລອຍນ້ຳຄ້າຍກ້ານໃບ, ລຳຕົ້ນມີຂໍ້ປ້ອງຊັດເຈນ. ໃບຮູບກົມ, ຮູບໄຂ່ກວ້າງ ຫຼື ຮູບຫົວໃຈ, ຍາວ 3-18 ຊມ, ຂອບໃບລຽບ ຫຼື ເປັນຄື້ນ, ໂຄນໃບຮູບຫົວໃຈ, ມີເສັ້ນກາງໃບດ້ານເທິງບໍ່ຊັດເຈນ, ດ້ານລຸ່ມສາມາດເຫັນຊັດເຈນ, ມີຕ່ອມໜາແໜ້ນ, ແຜ່ນໃບໜາຄ້າຍຄືໜັງ, ສີຂຽວສົດ. ກ້ານໃບຮູບກົມ, ຍາວ 1-2 ຊມ, ຜິວລຽບ, ສີຂຽວເຂັ້ມ. ຊໍ່ດອກແບບກະຈຸກ ຫຼື ດອກຍ່ອຍ, ອອກເປັນຈຸກບໍລິເວນຂໍ້ຂອງລຳຕົ້ນ, ຮູບໂຖ, ສີຂາວ. ກາບດອກມີ 5-8 ກີບ, ຂອບຂະໜານ ຫຼື ຮູບຫອກ, ປາຍມົນ, ມີຂົນປົກຄຸມຢ່າງໜາແໜ້ນ, ສີຂຽວ. ກີບດອກມີ 5-8 ກີບ, ຮູບຫອກ, ກວ້າງ 0.2-0.5 ຊມ, ຍາວ 0.7-1.2 ຊມ, ຂອບແຕກເປັນຝ່ອຍຂຸຍຢ່າງໜາແໜ້ນ, ປາຍແຫຼມ, ພາຍໃນກີບມີຂົນຝ່ອຍສີຂາວກະຈາຍຢ່າງໜາແໜ້ນ. ເກສອນເພດຜູ້ມີ 5 ອັນ, ຈັບບໍລິເວນກີບດອກ ຫຼື ຕິດພາຍໃນຫຼອດກີບດອກ, ກ້ານຊູຖົງລະອອງຮູບແຖບ, ຍາວປະມານ 1.5 ມມ. ເຕົ້າໄຂ່ຈັບຢູ່ໃນຫຼອດ, ບໍລິເວນໂຄນ, ຮວງຮັບແຍກອອກເປັນ 2 ແສກ, ເຕົ້າໄຂ່ມີຕ່ອມນ້ຳ 5 ຕ່ອມ, ກ້ານດອກຮູບກົມ, ຍາວ 3-5 ຊມ, ສີຂຽວ. ໝາກຮູບຮີ, ຍາວ 3-5 ຊມ. ແກ່ນຮູບກົມ, ມີແຜຈຸລັງຫຸ້ມແກ່ນທີ່ລຽບ.

N/A

ທົ່ງພຽງວຽງຈັນ

N/A

N/A

ມີຄວາມສ່ຽງໜ້ອຍສຸດ

N/A

ພືດເປັນຢາ

ພືດເປັນຢາ: 

• ໃບ: ຊ່ວຍຫຼຸດໄຂ້.

ພືດປະດັບ: ນິຍົມປູກເປັນພືດປະດັບຕາມກະຖາງດອກໄມ້ນ້ຳ ຫຼື ຕູ້ລ້ຽງປາ. 

N/A

N/A

N/A

N/A

Koop, A., L. Fowler, L. Newton, and B. Caton. (2012). Development and validation of a weed screening tool for the United States. Biological Invasions 14(2): 273-294.
Mason, D.H. (1996). Coexistence of two floating-leaved species,Nymphoides indica and Nymphoides cristata, andthe role of seed banks in vegetation dynamics at theKeleodeo National Park wetlands, Bharatpur, India. Retrospective Theses and Dissertations.11167.
Yang, J.-S., Qian, Z.-H., Shi, T., Li, Z.-Z., Chen, J.-M. (2022). Chromosome-level genome assembly of the aquatic plant Nymphoides indica reveals transposable element bursts and NBS-LRR gene family expansion shedding light on its invasiveness. DNA Research, dsac022.