ປາຊະນິດນີ້ມີຮູບຮ່າງຍາວ, ແປເລັກນ້ອຍ ແລະ ມີຮິມຝີປາກໜາ, ມີໜວດສອງຄູ່ຢູ່ທີ່ມຸມປາກ ໂດຍໜວດບໍລິເວນຮິມຝີປາກດ້ານເທິງຈະສັນກວ່າ, ຄີຫລັງ (ຄີດ້ານເທິງ) ມີຖານຍາວໂດຍມີກ້ານຄີປະມານ 17-22 ກ້ານ ແລະ ກະດູກສັ້ນຫຼັງມີຄວາມແຂງແຮງຄື ກັບແຂ້ວທີ່ຢູ່ດ້ານໜ້າ, ໂຄງສ້າງຂອງຄີດ້ານໜ້າຈະໂຄ້ງເຂົ້າໃນ, ຄີທະວານ (ຄີລຸ້ມ) ມີກ້ານຄີອ່ອນ 6-7 ກ້ານ ແລະ ກ້ານຄີອັນທີ່ສາມຂອງຄີຫຼັງ ແລະ ຄີກົ້ນມີປຸ່ມແຫຼມນ້ອຍໆບໍລິເວນຫຼັງກ້ານຄີ. ມີເກັດຂ້າງລຳຕົວ 32 ຫາ 38 ອັນ, ມີແຂ້ວ 10 ເຫລັມຢູ່ໃນຄໍ. ສີຂອງປາຈະມີຄວາມແຕກຕ່າງກັນໂດຍປົກກະຕິເເລ້ວຄີຫຼັງ ແລະ ລຳຕົວສົນເທິງຈະເປັນສີນ້ຳຕານ ຫຼື ສີຂຽວ, ບໍລິເວນລຳຕົວສ່ວນລຸ່ມຈະເປັນສີເຫຼືອງທອງ, ຄີດ້ານລຸ່ມຈະເປັນສີຄ້ຳ ຫຼື ສີແດງ [4].

ປາໄນມັກຈະວາງໄຂ່ຢູ່ຕາມແຄມຝັ່ງ ຫຼື ແຫຼ່ງນ້ຳຕື້ນ, ຕົວອ່ອນຂອງປາຊະນິດນີ້ຕ້ອງການນ້ຳອຸ່ນ ແລະ ພືດທີ່ຢູ່ໃນນ້ຳເພື່ອຄວາມຢູ່ລອດ. ໂດຍປົກກະຕິແລ້ວ ປາເພດຜູ້ຈະເລີ່ມປະສົມພັນຕອນອາຍຸ 3 ຫາ 5 ປີ ໃນຂະນະທີ່ເພດແມ່ຈະເລີ່ມປະສົມພັນເມື່ອອາຍຸ 4 ຫາ 6 ປີ. ປາຊະນິດນີ້ສາມາດມີອາຍຸຢູ່ໄດ້ຮອດ 50 ປີ ແລະ ມັກຈະວາງໄຂໃນທຸກໆປີ ໄລຍະຂອງການວາງໄຂ່ຈະໄດ້ຮັບອິດທິຜົນຈາກເສັ້ນຂະຫນານ ແລະ ຄວາມສູງ, ໂດຍຈະເກີດຂື້ນໃນພືດສະພາ ຫາ ເດືອນມີຖຸນາ ເມື່ອອຸ່ນຫະພູມນ້ຳສູງກ່ວາ 18 ອົງສາ. ຝູງປາໄນທີ່ໃຫ່ຍເຕັມໄຫວມັກຈະອົບພະຍົບເປັນໄລຍະທາງທີ່ໄກເພື່ອໄປຫາແຫຼ່ງນ້ຳນິ້ງ ຫຼື ເຂດທົ່ງຫຍ້າທີ່ມີນ້ຳຖ້ວມຂັງທີເໝາະສົມເພື່ອວາງໄຂ່, ປາເພດແມ່ຈະວາງໄຂ່ໜຽວໃນພືດນ້ຳທີ່ມີຄວາມໜາແໜ້ນ ຊຶ່ງໄຂ່ຈະໄດ້ຮັບການປະສົມພັນຈາກປາຕົວຜູ້. ໂຕອ່ອນຂອງປາໄນມັກອາໄສຢູ່ບ່ອນທີ່ມີອຸ່ນຫະພູມອົບອຸ່ນ, ນ້ຳຕື່ນ ແລະ ເຂດນ້ຳຖ້ວມຂັງ, ໂດຍກິນສັດນ້ອຍໆເປັນອາຫານໂດຍສະເພາະແມ່ນແພຼງຕ່ອນສັດເປັນຫຼັກ ເຊັ່ນ: rotifers. ການປະສົມພັນຈະປະສົບຜົນສຳເລັດ ແມ່ນຂື້ນຢູ່ກັບລະດັບນ້ຳທີ່ສູງຂື້ນ, ອຸ່ນຫະພູມທີ່ສູງ ແລະ ຫຍ້າທີ່ຖືກນ້ຳຖວ້ມເວລາດົນໃນຊ່ວງເດືອນ ພຶດສະພາ ຫາ ເດືອນມີຖຸນາ. ໃນປະເທດລາວ ລະດູປະສົມພັນຂອງພວກມັນຈະຕົງກັບຊ່ວງລະດູຝົນໂດຍເລີ່ມແຕ່ ເດືອນພຶດສະພາ ຈົນຮອດ ເດືອນຕຸລາ ເຊິ່ງເປັນຊ່ວງທີ່ອຸ່ນຫະພູມຂອງນ້ຳ ແລະ ກະແສນ້ຳທີ່ເພີ່ມຂື້ນ, ເຮັດໃຫ້ປາໄນສາມາດອົບພະຍົບໄປຕົ້ນນ້ຳເພື່ອຊອກຫາບ່ອນວາງໄຂ່ທີ່ເໝາະສົມ. ຕົວອ່ອນ ແລະ ຕົວເຕັມໄວມັກຈະກິນສິ່ງທີ່ມີຊີວິດຢູ່ພື້ນດິນ ແລະ ພືດທີ່ຫຼາກຫຼາຍຊະນິດ ແລະ ພວກມັນຈະເຄື່ອນໄຫວຫຼາຍທີ່ສຸດໃນຊວ່ງເວລາກາງຄືນ ແລະ ຊ່ວງທີ່ໃກ້ຈະເຊົ້າ. [5]

ການຟັກໄຂ່: ໄຂ່ປາໄນທົ່ວໄປຈະໜຽວ ແລະ ເກາະຕິດກັບວັດຖຸຕ່າງໃນສະພາບແວດລ້ອມຂອງມັນ, ໄຂ່ເຫຼົ່ານີ້ມັກຈະຟັກໃນອ່າງຊີມັງ ຫຼື ໃນຫນອງນ້ຳ ໂດຍຊີດນ້ຳເພື່ອປ້ອງກັນບໍ່ໃຫ້ໄຂ່ມັນແຫ້ງ. ແຕ່ເຖິງແນວໃດກໍຕາມການຟັງໄຂ່ຍັງສາມາດເກີດຂື້ນໄດ້ຢູ່ໃນຈວຍແຫຼມ ທີ່ອອກແບບມາໂດຍສະເພາະ, ເຊິ່ງໃຊ້ລະບົບໄຫຼວຽນຂອງນ້ຳສາມາດກຳຈັດສານທີ່ໜຽວອອກຈາກໄຂ່. ເພື່ອຮັບປະກັນວ່າການຟັກຕົວຈະໄດ້ຮັບຜົນສຳເລັດ ຕ້ອງຮັກສາອຸ່ນຫະພູມຂອງນ້ຳໃຫ້ຢູ່ລະຫວ່າງ 18 ຫາ 30 ອົງສາ. [9]

ໃນປະເທດລາວ ປາໄນ ໄດ້ຖືກພົບເຫັນມາແຕ່ປີ 1954, ໂດຍເລີ່ມແຕ່ແຖວແມ່ນ້ຳລຳເຊ ເປັນຕັ້ນເເມ່ນບັນດາແຂວງທີ່ຕິດກັບປະເທດຈີນ ແລະ ຫວຽດນາມ. [9]

ສາຍພັນນີ້ຖືກຈັດເປັນຊະນິດທີ່ຖືກຂົ່ມຂູ່ ຫຼື ມີຄວາມສ່ຽງ. ສະນັ້ນ, ໃນນາມທີມງານພາເຂົ້າລາວ ຂໍແນະນຳໃຫ້ຫລີກລ່ຽງການເກັບກູ້ສາຍພັນນີ້ຈາກທຳມະຊາດ ເຊັ່ນດຽວກັນກັບການຊື້ປາສາຍພັນນີ້ຕາມທອງຕະຫລາດ ຍົກເວັ້ນໃນກໍລະນີທີ່ມີການເພາະລ້ຽງ ແລະ ຊື້ມາຈາກບ່ອນທີ່ມີການລ້ຽງ.

ປາໄນ ເປັນປານ້ຳຈືດທີ່ພົບໄດ້ຕາມທຳມະຊາດ ແລະ ມີການເພາະລ້ຽງຢູ່ໃນທົ່ວໂລກ. ໃນປະເທດລາວ ການລ້ຽງປາຊະນິດມັກນິຍົມລ້ຽງເປັນສິນຄ້າເພື່ອສ້າງລາຍຮັບສູ່ຄອບຄົວ. [5]

ບໍ່ແນະນຳໃຫ້ໃຊ້ຊະນິດພັນຈາກທຳມະຊາດ

ສະພາບໂດຍລວມ:
ອຸນຫະພູມ: ອຸນຫະພູມທີ່ເໝາະສົມການຈະເລີນເຕີບໂຕ ແລະ ການປະສົມພັນແມ່ນຢູ່ລະຫວ່າງ 20 ຫາ 30 ອົງສາ. ເຖິງຢ່າງໃດກໍຕາມ ປາຊະນິດນີ້ສາມາດປັບຕົວເຂົ້າກັບສະພາບແວດລ້ອມທີ່ມີການປ່ຽນແປງໄດ້ຢ່າງງ່າຍ. [9]

ການຄັດເລືອກສາຍພັນ:
ມີປາໄນ ສາຍພັນ (Cyprinus carpio) ຫລາຍສາຍພັນທີ່ນິຍົມລ້ຽງເຊັ່ນ: Cyprinus carpio var. carpio, Cyprinus carpio var. latus Fitzinger, 1832, Cyprinus carpio var. monstrosus Walecki, 1863, Cyprinus carpio var. muergo Dybowski, 1869, Cyprinus carpio var. multitaeniata Pellegrin & Chevey, 1936, Cyprinus carpio var. triangularis Wu, 1939. [
ປາທີ່ຈະເອົາມາປັບປຸງພັນຕ້ອງມີອາຍຸ 1 ຫາ 2 ປີ ແລະ ຕ້ອງມີນ້ຳໜັກແຕ່ 0.4 ກິໂລກຣາມ ຂື້ນໄປ. [9]

ການກຽມພື້ນທີ່:
ສຳລັບປາທີ່ລ້ຽງເພື່ອຄ້າຂາຍ, 2 ຫາ 3 ໂຕຕໍ່ຕາແມັດແມ່ນມີຄວາມເໝາະສົມ, ໂດຍໄລຍະເວລາການຂະຫຍາຍຕົວແມ່ນ 6-8 ເດືອນ. ຖ້າຫາກລ້ຽງຢູ່ໃນກະຊັງຄວນລ້ຽງ 150 ຫາ 200 ໂຕຕໍ່ຕາແມັດ, ໃຊ້ເວລາໃນການເຕີບໂຕ 4 ຫາ 6 ເດືອນ. 0.8 ຫາ 1 ໂຕຕໍ່ຕາແມັດແມ່ນເໝາະສົມຖ້າລ້ຽງໃນນາເຂົ້າ ເຊິ່ງມັນຈະໃຊ້ເວລາໃນການຈະເລີນເຕີບໂຕ 3 ຫາ 4 ເດືອນ. [9]

ເທັກນິກການປູກ:
ການລ້ຽງລູກປາທີ່ມີອາຍຸແຕ່ 2-3 ມື້ຈົນມັນມີອາຍຸຮອດ 30-40 ມື້: ການໃຫ້ອາຫານອາທິດທີ 1: 80% / ນ້ຳໜັກປາທັງໝົດ, ອາທິດທີ 2: 50% / ນ້ຳໜັກປາທັງໝົດ, ອາທິດທີ 3: 30% / ນ້ຳໜັກປາທັງໝົດ ແລະ ອາທິດທີ 4: 15% / ນ້ຳໜັກປາທັງໝົດ. [9]
ອາຫານຂອງປາໄນ: ໃນໄລຍະທີ່ຍັງເປັນຕົວອ່ອນ (10 ມມ) ມັນຈະກິນສັດນ້ອຍໆທີ່ພົບເຫັນຢູ່ໃນນ້ຳເປັນອາຫານ. ໃນໄລຍະ 10-20 ມມ, ມັນກິນໄດ້ທັງແມງໄມ້, ສັດ ແລະ ພືດ. ໃນໄລຍະ 20-100 ມມ, ມັນຍັງກິນອຫານຄືກັນກັບຊ່ວງໄລຍະທີ່ຜ່ານມາ ພຽງແຕ່ມັນຈະກິນຕົວອ່ອນຂອງແມງໄມ້ນຳ. ຄວາມຫນາ 10 ຊມ, ມັນສາມາດກິນສັດນ້ຳໄດ້ເຊັ່ນ ກຸ້ງ, ຫອຍທາກ, ປູ, ດ້ວງ, ແມງເຕົ່າທອງ, ປວກ, ມົດ, ໜອນນ້ພ ແລະ ອື່ນໆ.[9]
ວິທີການໃຫ້ອາຫານ: ສາມາດປະສົມອາຫານກັບນ້ຳແລ້ວຫວ່ານໃຫ້ທົ່ວໜອງ. [9]

ການເບິ່ງແຍງ ແລະ ບຳລຸງຮັກສາ:
ການປັບປຸງພັນປາມີ 3 ວິທີຄື:
ການເພາະພັນຕາມທຳມະຊາດ: ຫຼັງຈາກປະສົມພັນຕາມທໍາມະຊາດແລ້ວ ຄວນຍ້າຍປາໂຕຜູ້ ແລະ ປາໂຕແມ່ອອກຈາກໜອງ. ເມື່ອແຍກພໍ່ແມ່ປາແລ້ວກໍລ້ຽງລູກປາຢູ່ໃນໜອງ. [9]
ການປັບປຸງພັນແບບປະສົມ: ປາຕົວຜູ້ ແລະ ແມ່ທີ່ລ້ຽງໃນໜອງ ຫຼື ອ່າງ ຈະຖືກລ້ຽງໃນສະພາບແວດລ້ອມທີ່ມີການຄວບຄຸມເພື່ອສົງເສີມການຂະຫຍາຍພັນ. ຂະບວນການນີ້ກ່ຽວຂ້ອງກັບການເລືອກປາເພດແມ່ທີ່ພ້ອມຫາຄູ່ປະສົມພັນ ແລະ ກະຕຸ້ນພວກມັນໂດຍການປ່ຽນນ້ຳ ແລະ ໃຊ້ຝົນທຽມ ນອກຈາກນັ້ນ, ການປັບອຸນຫະພູມຂອງນ້ຳໃນບໍລິເວນປະສົມພັນ ຫຼື ການຊີດຮໍໂມນ ສາມາດຊ່ວຍໃນການກະຕຸ້ນການປະສົມພັນໄດ້. [9]
ການປັບປຸງພັນທຽມ: ຂະບວນການປະສົມພັນທີ່ໃຊ້ເຕັກນິກການປະສົມພັນແບບແຫ້ງ. ຫຼັງຈາກການແຍກພໍ່ແມ່ປາແລ້ວ, ພວກມັນຈະຖືກນຳໄປໃຊ້ໃນອ່າງປັບປຸງພັນ 4 ຫາ 6 ຊົ່ວໂມງ ຫຼັງຈາກນັ້ນຈະຊີດຮໍໂມນ ເພຶ່ອກະຕຸ້ນໄຂ່ ແລະ ອະສຸຈິ, ອຸນຫະພູມທີ່ເໝາະສົມ ສຳລັບການປະສົມພັນຢູ່ລະຫວ່າງ 20 ຫາ 30 ອົງສາ ຕ່ຳສຸດ 18 ອົງສາ. [9]

ການອານຸລັກທີ່ຢູ່ອາໄສ:
ການປ່ຽນແປງຕາມຮູບແບບນ້ຳຖ້ວມທໍາມະຊາດທີ່ຈໍາເປັນສໍາລັບການວາງໄຂ່, ແລະ ການປະສົມຂ້າມສາຍພັນ (ເປັນການປະສົມພັນກັບປາຊະນິດທີ່ນຳເຂົ້າ) ກໍໃຫ້ເກີດໄພຂົ່ມຂູ່ທີ່ສໍາຄັນ. ຊະນິດທີ່ຮຸກຮານ ແລະ ບັນຫາອື່ນໆ, ພັນທຸກຳ ແລະ ພະຍາດ. ເສັ້ນທາງການຂົນສົ່ງ, ເຂືອນໄຟຟ້າ, ການຄຸ້ມຄອງນໍ້າ ແລະ ການນໍາໃຊ້ຜົນປະໂຫຍດ.

N/A

,