Thai: งูปล้องทอง English: Mangrove Snake and gold-ringed cat snake.

Colubridae

      ເປັນງູທີ່ມີຄວາມຍາວຫຼາຍ, ລຳໂຕເປັນຮູບ 3 ຫຼ່ຽມເລັກນ້ອຍ, ຂະໜາດໃຫຍ່, ຄາງໃຫຍ່ ຄາງກະໄຕແຂງແຮງຫຼາຍເວລາກັດຫຍັງແລ້ວບໍ່ຍອມປ່ອຍ, ບາງໂຕຮ້າຍ ແລະ ມີພິດ, ໂຍນໂຕເພື່ອກັດໄດ້ຢ່າງວ່ອງໄວ, ແຕ່ມີພິດອ່ອນເວລາກັດຈະເຮັດໃຫ້ເຈັບ ແລະ ພວມ ແຕ່ບໍ່ເຮັດໃຫ້ເສຍຊີວິດໄດ້. ລຳໂຕມີສິດຳເຂັ້ມສະຫຼັບກັບສີເຫຼືອງເຂັ້ມເປັນໄລຍະ, ຮິມຝີປາກຮອດໃຕ້ຄາງມີສີເຫຼືອງສົດ, ລຳໂຕດ້ານເທິງມີສີດຳ ແລະ ມີແຖບສີເຫຼືອງເປັນວົງແຫວນຄາດເທິງລຳໂຕ ແລະ ຫາງ ໂດຍບໍລິເວນລຳໂຕຫາຮິມຝີປາກມີ 8 ແຖບ, ແລະ ຫາງມີ 35-45 ແຖບ. ລຳຄໍມີສີເຫຼືອງ, ທ້ອງມີສີເທົາ, ລຳໂຕມີຂະໜາດໃຫຍ່ ແລະ ໜາ, ຫຼັງລຽບ, ຫົວແຍກຈາກລຳຄໍຊັດເຈນ, ດັງສັ້ນ ແລະ ຂ້ອນຂ້າງກົມ, ຕາມີຂະໜາດໃຫຍ່, ມີແກ່ນຕາສີດຳທີ່ມີລັກສະນະດິ່ງລົງ.
      ຖິ່ນອາໄສ: ມັກຫົດໂຕຢູ່ຕາມລືບໄມ້, ໂພງໄມ້ທີ່ມີຄວາມຊຸ່ມ.
       ອາຫານ: ອາຫານຂອງພວກມັນໄດ້ແກ່ ໜູ, ປາ, ກະປອມ, ລູກນົກ ແລະ ໄຂ່. ມັກອອກຫາກິນໃນຍາມກາງຄືນ ໂດຍສະເພາະແມ່ນເຂດທີ່ມີຄວມຊຸ່ມ ແລະ ບາງຄັ້ງກໍ່ຫາກິນເທິງຕົ້ນໄມ້. ກາງເວັນຈະເຫງົາເບິ່ງຄືບໍຮ້າຍ ແຕ່ກາງຄືນເປັນງູທີ່ຄ່ອງແຄ້ວວອງໄວ.
       ພຶດຕິກຳ: ເປັນງູທີ່ມີພິດອ່ອນ ມີແຂ້ວພິດຢູ່ບໍລິເວນໃຕ້ຕາ, ນິໄສດຸຮ້າຍເມື່ອຖືກລົບກວນ, ປົກກະຕິບໍ່ອັນຕະລາຍເມື່ອຖືກກັດ ແຕ່ຈະສະແດງອາກາດເປັນພິດອອກມາໂດຍມີລັກສະນະບວມ ແລະ ເຈັບເລັກນ້ອຍ.

N/A

N/A

N/A

ມີຄວາມສ່ຽງໜ້ອຍສຸດ

N/A

ອາຫານ

N/A

N/A

N/A

N/A

Dolorosa, R.G.(2013). Notes on Mangrove Snake Boiga dendrophila multicincta (Boulenger, 1896) in Iwahig River, Puerto Princesa City. The Palawan Scientist, 6: 39-41.
Ryabov, S.A., Orlov, N.L. (2002). Breeding of Black Mangrove Snake Boiga dendrophila gemmicincta (Duméril, Bibron et Duméril, 1854) [Serpentes: Colubridae: Colubrinae] from Sulawesi Island (Indonesia). Journal Help, 9(1).
Wishaupt, R. (1991). The Mangrove Snake, Boiga Dendrophila. Litteratura Serpentium, 11(2).