ໄທ: ໜູຫຼິ່ງບ້ານ. ອັງກິດ: House Mouse.

Muridae

       ໜູຊະນິດພົບຕາມບ້ານເຮືອນຄົນເປັນຈຳນວນຫຼາຍ, ເປັນສັດລ້ຽງລູກດ້ວຍນ້ຳນົມ, ມີຂະໜາດນ້ອຍທີ່ສຸດ, ມີນ້ຳໜັກຕົວພຽງ 10-15 ກຼາມ, ຂະໜາດລຳໂຕ ແລະ ຫົວຍາວປະມານ 74 ມມ, ດັງແຫຼມ, ຂົນດ້ານຫຼັງສີເທົາບາງປົນສີນ້ຳຕານ, ມີລັກສະນະອ່ອນນຸ້ມ.  ຫາງຍາວປະມານ 79 ມມ, ມີ 2 ສີຄື ຂົນບໍລິເວນດ້ານເທິງມີສີດຳ ສ່ວນດ້ານລຸ່ມມີສີຈາງກວ່າ. ຕີນຫຼັງຍາວປະມານ 16 ມມ, ໃບຫູຍາວປະມານ 12 ມມ. ເຕົ້ານົມລວມທັງໝົດມີ 5 ຄູ່ ຢູ່ບໍລິເວນເອິກ 3 ຄູ່ ແລະ ຢູ່ບໍລິເວນທ້ອງ 2 ຄູ່, ຂົນດ້ານທ້ອງມີສີຂາວ.

       ຖິ່ນອາໄສ: ອາໄສຢູ່ຕາມບ້ານເຮືອນຄົນ ມັກລົບລີ້ຢູ່ຕາມຕູ້, ໂຕະ, ຫ້ອງເກັບເຄື່ອງ, ປ່ອງຮູຕາມຝາເຮືອນ ແລະ ເຮືອນຄົວ.

      ອາຫານ: ສາມາດກິນອາຫານໄດ້ທຸກຊະນິດ ແຕ່ມັກກິນແກ່ນພືດ, ໄລຍະການອອກຊອກຫາກິນປະມານ 10-30 ຟຸດ.

      ພຶດຕິກຳ: ສາມາດຮຽນຮູ້ ແລະ ປັບຕົວເຂົ້າກັບສະພາບແວດລ້ອມໄດ້ເປັນຢ່າງດີ, ຢູ່ພາຍໃນຮັງຈາມີຫົວໜ້າເຮັດໜ້າທີ່ສຳຫຼວດອາຫານ, ສຳລັບໂຕແມ່ເມື່ອລູກໃຫຍ່ສົມຄວນແລ້ວມັນຈະພາລູກອອກຫາກິນ ແລະ ສອນໃຫ້ລູກຮູ້ຈັກອາຫານ, ເມື່ອລູກໄດ້ 3 ເດືອນຈະແຍກຕົວອອກເປັນອິດສະຫຼະ. 

ທັກສະ

ການລອຍນ້ຳ: ໜູສາມາດລອຍນ້ຳໄດ້ ແລະ ດຳນ້ຳໄດ້ດົນຮອດ 2 ນາທີ ເຮັດໃຫ້ມັນຄ່ອງໂຕໃນການອອກຫາກິນ ແລະ ໜີສັດຕູ.
ການກະໂດດ: ສາມາດກະໂດດໄດ້ດີຫຼາຍບໍ່ວ່າຈະເປັນແນວນອນ, ຂຶ້ນສູງ ຫຼື ໂດດລົງລຸ່ມ, ໜູຊິງສາມາດໂດດລະດັບພື້ນສູງໄດ້ຮອດ 18-24 ນິ້ວ ແລະ ຖ້າມີທາງແລ່ນມັນສາມາດກະໂດດສູງໄດ້ຮອດ 3 ຟຸດ, ຖ້າກະໂດດແນວນອນສາມາດໄດ້ຮອດ 3 ຟຸດ ແລະ ຖ້າໂດດລົງແນວດິ່ງສາມາດໄປໄດ້ໄກຮອດ 15 ຟຸດ.
ການປີນ: ສາມາດປີນຂື້ນທໍ່ນ້ຳ, ຝາເຮືອນ ແລະ ອື່ນໆ ພວກມັນສາມາດປີນໄຕ່ໄດ້ດີ ແລະ ວ່ອງໄວ.
ການຂຸດຮູ: ໜູທຸກຊະນິດສາມາດຂູຸດຮູໄດ້, ແຕ່ສ່ວນຫຼາຍແລ້ວໜູຊິງຈະສ້າງຮັງຢູ່ບໍລິແວນຊາຍຄາເຮືອນ, ຕູ້ ແລະ ອື່ນໆ ແຕ່ຖ້າຫາກບໍ່ມີທີ່ເໝາະສົມພວກມັນຈະຂຸດຮູບໍລິເວນໃຕ້ຖຸານບ້ານ ຫຼື ບໍລິເວນໃກ້ບ້ານ.
 ປະສາດສຳພັດ: 

ການສຳພັດ: ໜູມີໜວດ ແລະ ຂົນທີ່ຍາວທີ່ຍາວກວ່າຂົນທຳມະດາ ແລະ ຂຶ້ນກະຈາຍຢູ່ທົ່ວໄປເປັນປະສາດສຳພັດທີ່ດີ.
ການເຫັນ: ມີລະບົບປະສາດທີ່ເບິ່ງເຫັນໄດ້ບໍ່ດີ, ສາມາດເບິ່ງເຫັນໄດ້ໃນໄລຍະໃກ້ ແລະ ຕາບອດສີ ເຫັນສະເພາະສີຂາວ ແລະ ສີດຳ ສະນັ້ນຈຶ່ງສາມາດເບິ່ງເຫັນເວລາກາງຄືນໄດ້ດີກວ່າ.
ການຮັບຮູ້ຣົດຊາດ: ບໍ່ມີປະສາດຮັບຮູ້ຣົດຊາດ ແຕ່ພວກມັນມີຄວາມສະຫຼາດຫຼາຍພວກມັນຈະບໍ່ຄ່ອຍກິນອາຫານທີ່ມີຣົດຊາດແປກໆ
ການໄດ້ຍິນ: ໜູໄດ້ຍິນສຽງພຽງໄລຍະປະມານ 6 ນິ້ວເທົ່ານັ້ນ
ການຊົງຕົວ: ມີການຊົງຕົວດີຫຼາຍມາແຕ່ກຳເນີດ.   

N/A

ທົ່ງພຽງວຽງຈັນ

N/A

N/A

ມີຄວາມສ່ຽງໜ້ອຍສຸດ

N/A

ອາຫານ

ໂທດ: ເປັນສັດຕູທີ່ສຳຄັນຂອງມະນຸດ ເພາະພວກມັນເຂົ້າໄປທຳລາຍພືດຜົນຜະລິດ, ເຂົ້າຂອງເຄື່ອງໃຊ້ ແລະ ເຂົ້າໄປລົບກວນຖິ່ນທີ່ຢູ່ອາໄສຂອງຄົນ ເຊິ່ງສ້າງຄວາມເສຍໃຫ້ກັບເສດຖະກິດຢ່າງມະຫານສານໂດຍທາງກົງ ແລະ ທາງອ້ອມ

• ທາງກົງ: ທ່ີ່ສາມາດເຫັນໄດ້ຊັນເຈນຄືກັດກິນພືດ, ໝາກໄມ້ ແລະ ຜົນພະລິດຂອງມະນຸດຕັ້ງແຕ່ໄຮ່ນາ ຕະຫຼອດຈົນການເກັບຮັກສາ, ຂົນສູງ ແລະ ແປຮູບຜົນຜະລິດ. ນອກຈາກພືດພັນການກະເສດແລ້ວເຄື່ອງອຸປະໂພກ ແລະ ບໍລິພວກຂອງມະນຸດຍັງຖືກກັດແຫງ້ນ.


• ທາງອ້ອມ: ໜູເປັນພາຫະນຳເຊື່ອພະຍາດຫຼາຍຊະນິດສູ່ຄົນ ແລະ ສັດລ້ຽງ, ນອກຈາກນີ້ມັນຍັງກັດແຫງ້ນອາຄານບ້ານເຮືອນ, ເຄື່ອງໃຊ້, ເຄື່ອງອຸປະກອນໄຟ້າ ແລະ ສາຍໄຟອາດເປັນສາເຫດເຮັດໃຫ້ເກີດໄຟຟ້າລັດວົງຈອນໄດ້.

N/A

N/A

N/A

N/A

Dyban, A.P., Puchkov, V.F., Samoshkina, N.A., Khozhai, L.I., Chebotar, N.A., Baranov, V.S. (1991). Laboratory Mammals: Mouse (Mus musculus), Rat (Rattus norvegicus), Rabbit (Oryctolagus cuniculus), and Golden Hamster (Cricetus auratus). Animal Species for Developmental Studies: 351–443
Anderson, P.K., Hill, J.L. (1965). Mus musculus: Experimental Induction of Territory Formation. Science 148:1753-1755.
Berry, R.J., Jakobson, M.E. (1975). Ecological genetics of an island population of the House mouse (Mus musculus ). Journal of Zoology, 175(4):523-540.
Phifer-Rixey, M., Harr, B., Hey, J. (2020). Further resolution of the house mouse (Mus musculus) phylogeny by integration over isolation-with-migration histories. Phifer-Rixey et al. BMC Evolutionary Biology, 20 (120): 1-9