ລຳຕົວທົ່ວໄປມີສີດຳ ຫຼື ສີນ້ຳຕານເຂັ້ມ ໂດຍມີລວດລາຍເປັນຮູບໂຕ U ຫຼື ວົງມົນທີ່ມີສີຂາວ, ສີເຫລືອງ ຫລື ສີສົມທີ່ໂດດເດັ່ນຢູ່ຫນ້າເອິກ. ໂດຍປົກກະຕິແລ້ວ ເພດຜູ້ຈະມີຂະໜາດໃຫຍ່ກ່ວາເພດແມ່, ຕົວເຕັມໄວສາມາດສູງໄດ້ປະມານ 100 ຫາ 150 ຊັງຕີແມັດ ແລະ ມີນ້ຳຫນັກ 30 ຫາ 80 ກິໂລກຼາມ, ຫາງຍາວ 3 ຫາ 7 ຊັງຕີແມັດ.
ລັກສະນະເດັ່ນ: ສັດຊະນິດນີ້ມີອຸ້ງຕີນທີ່ໃຫ່ຍ, ຂາຫນ້າໂຄ້ງ ຫັນເຂົ້າດ້ານໃນ, ມີເລັບຍາວເພື່ອໃຊ້ປີນຕົ້ນໄມ້, ປາກສັ້ນ, ຫູູນ້ອຍ ແລະ ຂົນສັ້ນ ເໝາະສຳລັບການດຳລົງຊີວິດຢູ່ເທິງຕົ້ນໄມ້. ລິ້ນຂອງມັນມີຄວາມຍາວ 20 ຫາ 25 ຊັງຕີແມັດ
ສຳລັບເລຍ ແມງໄມ້ ແລະ ນ້ຳເຜິ້ງ.
ອາຫານ: ສັດເຫລົ່ານີ້ມັກຈະກິນໝາກໄມ້ຈາກຕົ້ນໄມ້ເປັນຫລັກ. ມັນມັກກິນໝາກໄມ້ຫຼາກຫຼາຍຊະນິດ ລວມທັງສັດຂະໜາດນ້ອຍທົ່ວໄປ ເຊັ່ນ: ໂຕນົກ, ສັດເລືອຄານ, ສັດລ້ຽງລູກດ້ວຍນ້ຳນົມ...
ການປະສົມພັນ: ສັດເຫຼົ່ານີບໍ່ມີລະດູການປະສົມພັນທີ່ແນ່ນອນ, ການຖືພາຈະໃຊ້ເວລາປະມານ 3 ຫາ 3.5 ເດືອນ, ຖ້າຫາກເພດແມ່ສູນເສຍລູກຂອງມັນໄປ ໂດຍປົກກະຕີແລ້ວມັນຈະສາມາດຖືພາໄດ້ອີກຄັ້ງ ພາຍໃນ 2 ຫາ 5 ອາທິດ.
ແຫຼ່ງທີ່ມາ: [1], [2],

ພວກເຮົາໃນນາມ PKL ພວກເຮົາບໍ່ສະຫໜັບສະໜູນການລ່າ ສັດຊະນິດນີ້ເນື່ອງຈາກມີຄວາມສ່ຽງສູງທີ່ຈະໃກ້ຈະສູນພັນ, ແລະ ການອານຸລັກຄວາມຫຼາກຫຼາຍທາງຊີວະນາໆພັນຕ່າງໆ ຖືເປັນສິ່ງສຳຄັນຢ່າງຍິ່ງໃນການຮັບຮອງການມີຢູ່ ແລະ ການຢູ່ຮ່ວມກັນກັບພວກເຮົາໃນໄລ່ຍະຍາວ.

N/A

ການອານຸລັກທີ່ຢູ່ອາໄສ: ໝີຖືກຄຸກຄາມໂດຍການຕັດໄມ້ທຳລາຍປ່າ ແລະ ການລ່າເພື່ອການຄ້າເປັນຫຼັກ ເຊິ່ງເກີດຂື້ນໃນລະດັບທີ່ແຕກຕ່າງກັນໄປຕາມແຕ່ລະພື້ນທີ່, ການຂ້າເນື່ອງຈາກຄວາມຂັດແຍ່ງລະຫວ່າງມະນຸດກັບໝີເປັນໄພຄຸກຄາມເພີ່ມເຕີມ, ເຖິ່ງວ່າຜົນກະທົບບໍ່ສາມາດເບິ່ງເຫັນໄດ້ຊັດເຈນກໍ່ຕາມ. ການຄ້າຂາຍໝີ ແລະ ສິ້ນສ່ວນຂອງໝີຖືວ່າເປັນໄພຄຸກຄາມທີ່ຮ້າຍແຮງລະດັບທີ່ສອງຕໍ່ກັບປະຊາກອນໝີ. ຜູ້ຊ່ຽວຊານລະດັບພູມີພາກ ມີການລາຍງານວ່າການລັກລອບລ່າໝີເພື່ອການຄ້າເປັນໄພຄຸກຄາມລະດັບປານກາງ ຫາຮຸນແຮງໃນທຸກປະເທດທີ່ມີແຫຼ່ງທີ່ຢູ່ອາໄສ. [4]
ການຕິດຕາມປະຊາກອນ: ຜູ້ຊ່ຽວຊານໃນພູມີພາກລາຍງານວ່າ ຈຳນວນປະຊາກອນຂອງໝີຫຼຸດລົງໃນ 8 ຫາ 10 ປະເທດທີ່ມີແຫຼ່ງທີ່ຢູ່ອາໄສໃນປັດຈຸບັນ, ມີການປະເມີນຂະໜາດປະຊາກອນຂອງໝີທີ່ເຊື່ອຖືໄດ້ໜ້ອຍຫຼາຍ ແລະ ມີການສຶກສາຈຳນວນໜ້ອຍທີ່ສາມາດວັດແທກແນວໂນ້ມຈຳນວນປະຊາກອນໄດ້ [4]

N/A

,