ຈັດເປັນພືດລົ້ມລຸກ. ລຳຕົ້ນຂະໜາດນ້ອຍ, ສູງ 60-80 ຊມ ຫຼື ອາດຈະສູງໄດ້ຮອດ 1 ມ, ມີລັກສະນະເປັນຫຼ່ຽມ, ແຕກກິ່ງກ້ານບໍລິເວນໂຄນຕົ້ນ, ລຳຕົ້ນອ່ອນສີຂຽວອ່ອນ ແລະ ຫັກງ່າຍ, ເມື່ອແກ່ຈະປ່ຽນເປັນສີນ້ຳຕານ, ເນື້ອແຂງ, ມີເຫງົ້າໃຕ້ດິນ ຫຼື ຮາກ. ໃບດ່ຽວ, ອອກວຽນສະຫຼັບ, ຮູບຮີ ຫຼື ຮູບໄຂ່ປີ້ນ, ກວ້າງ 2.5-3.5 ຊມ, ຍາວ 5-7.5 ຊມ, ໂຄນໃບແຫຼມ, ຂອບລຽບ, ປາຍມົນ ຫຼື ແຫຼມ, ຜິວໃບດ້ານເທິງສີຂຽວເຂັ້ມ, ລຽບມັນ, ຜິວໃບດ້ານລຸ່ມສີຂຽວອ່ອນ, ແຜ່ນໃບໜາ ແລະ ອົມນ້ຳ. ຊໍ່ດອກແບບກະຈະ, ອອກບໍລິເວນປາຍຍອດ ຫຼື ປາຍກິ່ງ. ດອກຍ່ອຍມີຂະໜາດນ້ອຍ, ສີບົວ. ກາບດອກມີ 2 ກາບ, ສີຂາວໃສ, ຫຼົ່ນງ່າຍ. ກີບດອກມີ 5 ກີບ, ຮູບໄຂ່ ຫຼື ຮູບຮີ, ປາຍແຫຼມ, ສີມ່ວງແດງ. ເກສອນເພດຜູ້ມີປະມານ 10 ອັນ, ສີເຫຼືອງ, ຈັບອ້ອມຮອບເຕົ້າໄຂ່. ເຕົ້າໄຂ່ຈັບເທິງ, ປາຍຮວງຮັບມີລັກສະນະເປັນເສັ້ນດ້າຍ, ປາຍແຍກອອກເປັນ 3 ແສກ. ໝາກຮູບກົມ ຫຼື ຮູບຮີ, ຂະໜາດປະມານ 3 ມມ, ຜິວລຽບ, ໝາກອ່ອນສີຂຽວ, ແລ້ວຈະປ່ຽນເປັນສີເຫຼືອງອ່ອນ, ສີແດງ ແລະ ສີເທົາເຂັ້ມ, ໝາກແກ່ແລ້ວແຕກ. ແກ່ນຈຳນວນຫຼາຍ, ຮູບກົມ, ຜິວລຽບ, ສີດຳ.

ອາຫານ: ໃບອ່ອນ ແລະ ຍອດ: ສາມາດນຳມາຮັບປະທານເປັນຜັກໄດ້.
ສັບພະຄນ: ເຫງົ້າ: ຊ່ວຍບຳລຸງທາດ, ບຳລຸງກຳລັງ, ແກ່ອ່ອນເພຍ, ແກ້ອັກເສບ, ຫຼຸດອາການບວມ, ຮັກສາພະຍາດຕັບ ແລະ ໝາກໄຂ່ຫຼັງ. ຮາກ: ບຳລຸງປອດ, ແກ້ໄອ, ແກ້ໄຂ້, ແກ້ອາການອ່ອນເພຍຫຼັງຈາກຫາຍໄຂ່ໃຫມ່ ແລະ ແກ້ອາການຖອກທ້ອງ. ໃບ: ແກ້ບວມ, ອັກເສບມີໜອງ, ຂັບນ້ຳນົມ, ຂັດປັດສະວະຂັດ, ແກ້ອາການເຫືອອອກຫຼາຍຜິດປົກກະຕິ, ໄອເປັນເລືອດ ແລະ ແກ້ປະຈຳເດືອນມາຜິດປົກກະຕິ. ດອກ: ໃຊ້ຮັກສາພະຍາດຫອບຫືດ, ເປັນຢາບຳລຸງກຳລັງ, ບຳລຸງປະຈຳເດືອນ, ແກ້ອາການອ່ອນເພຍ, ບັນເທົາອາການໄອ ແລະ ຖອກທ້ອງ.

N/A

N/A

N/A

,