ໄທ: ໝາກແຕກຕົ້ນ, ໝາກຜ່າສາມ ແລະ ຜ່າສາມນ້ອຍ. ຈີນ: 云南脚骨脆. ຫວຽດນາມ: Nuốt dịu.

Salicaceae

ຈັດເປັນໄມ້ຟຸ່ມ ຫຼື ໄມ້ຢືນຕົ້ນຂະໜາດນ້ອຍ. ລຳຕົ້ນສູງປະມານ 4 ມ, ບໍລິເວນກິ່ງອອ່ນ ແລະ ຕາຍອດມີຂົນປົກຄຸມ. ໃບດ່ຽວ, ອອກຮຽງສະຫຼັບ, ຮູບຮີ, ຮູບຮີແກມຮູບຂອບຂະໜານ ຫຼື ຮູບໄຂ່, ກວ້າງ 1-5 ຊມ, ຍາວ 3-15 ຊມ, ໂຄນໃບຮູບຫຼິ່ມ, ຂອບເປັນແສກແຂ້ວເລື່ອຍ, ປາຍແຫຼມ, ແຜ່ນໃບບາງຄ້າຍເຈ້ຍ, ມີຂົນສີເຫຼືອງທັງສອງດ້ານ. ຫູໃບຮູບຫອກແກມຮູບແຖບ, ຂະໜາດ 1.5-3 ມມ, ລັກສະນະບາງຄ້າຍກະດາດ, ມີຂົນອ່ອນນຸ້ມກະຈາຍຫ່າງໆ. ກ້ານໃບຍາວ 3-10 ມມ, ມີຂົນອ່ອນນຸ້ມປົກຄຸມ. ຊໍ່ດອກແບບກະຈະ, ອອກຕາມງ່າມໃບ. ດອກຍ່ອຍມີ 2-3 ດອກ, ສີຂາວແກມຂຽວ. ກ້ານດອກຍາວປະມານ 1 ມມ. ປະດັບຮູບໄຂ່, ຂະໜາດປະມານ 2 ມມ. ກາບດອກມີ 4-5 ກີບ, ຮູບຂອບຂະໜານແກມຮູບໄຂ່ປີ້ນ, ຂະໜາດ 3-4 ມມ, ມີຂົນຂຸຍ. ເກສອນເພດຜູ້ມີ 8 ອັນ, ກ້ານຊູຍາວ 1 ມມ, ຖົງລະອອງຮູບໄຂ່ ຫຼື ຮູບຂອບຂະໜານ, ຂະໜາດ 0.5-0.7 ມມ. ເຕົ້າໄຂ່ຮູບໄຂ່, ຂະໜາດປະມານ 1 ມມ, ປາຍຮວງຮັບຍາວ 0.5-1 ມມ, ປາຍແຍກອອກເປັນ 3 ແສກ. ໝາກຮູບຮີ, ຂະໜາດກວ້າງປະມານ 1 ຊມ, ຍາວປະມານ 1.5 ຊມ, ມີ 3-4 ພູ, ໝາກແກ່ແລ້ວແຕກເປັນ 3 ແສກ, ໝາກອ່ອນສີຂຽວ, ໝາກແກ່ເປັນສີເຫຼືອງ. ກ້ານໝາກຍາວປະມານ 5 ມມ. ແກ່ນມີ 3-8 ແກ່ນ, ຮູບໄຂ່, ສີຂາວ, ມີເນື້ອຫຸ້ມແກ່ນສີແດງ.

N/A

N/A

N/A

N/A

N/A

ພືດເປັນຢາ

ສັບພະຄຸນ: 

• ຮາກ: ຕົ້ມດື່ມຂັບປັດສະວະ ແລະ ອົມແກ້ລີ້ນເປັນຝ້າຂາວ.
• ທັ້ງຕົ້ນ: ຕົ້ມດື່ມບຳລຸງເລືອດຫຼັງເກີດລູກໃຫມ່.
• ບໍ່ບອກສ່ວນນຳໃຊ້: ຕົ້ມດື່ມເປັນຢາບຳລູງກຳລັງ.

N/A

N/A

N/A

N/A

Sleumer, H. (1985). The Flacourtiaceae of Thailand. BLUMEA 30: 217-250.
Abdullah , M.R., Golam Sarwar, A.K.M., Ashrafuzzaman, Md., Mustafizur Rahman, Md. (2020). Floristic Study of Karnaphuli Range in Kaptai Reserve Forest, Rangamati, Bangladesh. Not Peer-Reviewed, 18.
Ho, B.C., Lua, H.K., Ibrahim, B., Yeo, R.S.W., Athen, P., Leong, P.K.F., Ibrahim, A., Koh, S.L., Ibrahim, H., Lindsay, S., Chin, L.L., Seah, W.W., Middleton, D.J. (2019). The plant diversity in Bukit Timah Nature Reserve, Singapore. Gardens’ Bulletin Singapore 71(1): 41-134.