ໄທ: ກົດສະໜານ້ອຍ ລາວ: ປໍເຈ້ຍ

Thymelaeaceae

ຈັດເປັນພືດລົມຕົ້ນຂະໜາດນ້ອຍ. ລຳຕົ້ນສູງ 10-15 ມ, ເປືອກລຽບ, ສີດຳ, ເປືອກລຳຕົ້ນຊັ້ນໃນມີເສັ້ນໄຍສີເທົາອົມຂຽວ. ໃບດ່ຽວ, ຮຽງວຽນສະຫຼັບ, ຮູບຂອບຂະໜານ ຫຼື ຮູບຫອກ, ກວ້າງ 1.5-3.5 ຊມ, ຍາວ 4-7.5 ຊມ, ໂຄນໃບຮູບຫຼິ່ມ, ຂອບລຽບ ຫຼື ເປັນຄື້ນ, ປາຍຍາວເປັນຫາງ, ຍາວປະ 1-2 ຊມ, ແຜ່ນໃບບາງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບມັນທັງສອງດ້ານ. ກ້ານໃບຍາວປະມານ 0.5 ຊມ. ຊໍ່ດອກແບບກະຈຸກ, ອອກຕາມງ່າມໃບ ຫຼື ປາຍກິ່ງ, ມີຂົນປົກຄຸມຢູ່ທົ່ວ. ດອກຍ່ອຍມີ 2-6 ດອກ, ຮູບໂຖ, ສີຂາວປົນສີຂຽວ. ກ້ານດອກຍາວ 0.5 ຊມ. ກາບດອກເຊື່ອມຕິດກັນເປັນຫຼອດ, ຍາວປະມານ 1 ຊມ, ປາຍແຍກອອກເປັນ 5 ແສກ, ຍາວ 1.5-2 ມມ, ສີຄີມ, ມີຂົນປົກຄຸມກະຈາຍຫ່າງໆ. ກີບດອກມີລັກສະນະຄ້າຍເກັດ, ຈັບຢູ່ຫຼອດກາບດອກ, ຂະໜາດນ້ອຍປະມານ 0.5 ມມ, ມີຂົນໜານຸ້ມປົກຄຸມຢ່າງໜາແໜ້ນ. ເກສອນເພດຜູ້ມີ 5 ແສກ, ຈັບຢູ່ໃນຫຼອດກາບດອກກົງກັນຂ້າມກັບກີບດອກ, ຖົງລະອອງບໍ່ມີກ້ານຊູ, ຖົງລະອອງຮູບຫອກ, ຍາວປະມານ 1.5 ມມ. ເຕົ້າໄຂ່ຈັບເທິງ, ມີ 2 ຫ້ອງ, ແຕ່ລະຫ້ອງມີ 1 ເມັດໄຂ່, ຮວງຮັບແຍກອອກເປັນ 2 ແສກ, ຮູບກົມ. ໝາກຮູບຮີຄ້າຍໝາກເຜັດ, ຍາວປະມານ 3 ຊມ, ແຫ້ງແລ້ວແຕກເປັນ 2 ພູ. ຂວັນຍາວປະມານ 2 ຊມ,

N/A

N/A

N/A

ມີຄວາມສ່ຽງໜ້ອຍສຸດ

N/A

ພືດເປັນຢາ

ຄຸນປະໂຫຍດ:
    ເນື້ອໄມ້: ບຳລຸງຮ່າງກາຍ, ເປັນຢາອາຍຸວັນນະ, ບຳລຸງທາດ, ຄວບຄຸມການໄຫຼວຽນຂອງທາດໃນຮ່າງກາຍ, ຊ່ວຍບຳລຸງເລືອດ, ເຮັດໃຫ້ຫົວໃຈຊຸ່ມຊື່ນ, ຊ່ວຍແກ້ລົມວິນຫົວ, ປຸງເປັນຢາແກ້ຫອບແກ້ອາການໜ້າມືດ, ແກ້ໄຂ້, ແກ້ອາການຮ້ອນໃນເນື່ອງຈາກຂາດນ້ຳ ແລະ ຊ່ວຍຂັບເສມຫະ. ນຳມາສະກັດນ້ຳມັນ ຫຼື ນ້ຳຫອມໄດ້.
    ໃບ: ນຳມາໃຊ້ເພື່ອຮັກສາພະຍາດເບົາຫວານ ແລະ ຮັກສາພະຍາດພູມແພ້.

N/A

N/A

N/A

N/A

Ding Hou, 1960. Thymelaeaceae. In: Van Steenis, C.G.G.J. (ed.), Flora Malesiana Series I, Volume 6.Wolter-Noordhoff Publishing, Groningen, The Netherlands, pp.1–15.
HÔ, P.H. 1992. Thymelaeceae. Flore du Cambodge du Laos et du Viêtnam 26: 38–81.
Senakun, C., Somboonwattanakul, I., Appamaraka, S., Pasorn, P. (2020). Leaf Anatomy of the Thirteen Rare Plants in the Northeastern, Thailand. SWU Sci. J. 36(1).
Andary, C., Longepierre, D., Cong, K.L., Hul, S., Zaremski, A., Michaloud, G. (2019). Study of a chemotaxonomic marker able to identify the genus Aquilaria (Thymelaeaceae). Bois et Forêts des Tropiques, 341(3): 29-38.