ໄທ: ທົນນະໄຊ, ສີທະນົນໄຊ, ພັງພວຍນົກ, ພັງພວຍປ່າ, ລັນໄຊ, ຣວງໄຊ, ຣາງໄຊ ແລະ ລັງໄຊ. ຫວຽດນາມ: Chây xiêm.

Buchanania pallida Pierre

Anacardiaceae

ລຳຕົ້ນຂະໜາດກາງ, ສູງ 5-15 ມ, ກິ່ງອ່ອນ, ໃບອ່ອນ ແລະ ຊໍ່ດອກມີຂົນອ່ອນນຸ້ມປົກຄຸມຢ່າງໜາແໜ້ນ, ຊົງຟຸ່ມກົມ ແລະ ສູງ. ໃບດ່ຽວ, ອອກວຽນສະຫຼັບ, ຮູບໄຂ່ປີ້ນ ຫຼື ຮູບບ່ວງ, ກວ້າງ 2-3.5 ຊມ, ຍາວ 4-8 ຊມ, ໂຄນໃບແຫຼມ ຫຼື ມົນ, ຂອບລຽບ, ປາຍມົນ ຫຼື ວ້ຳຕື້ນ, ຜິວໃບດ້ານເທິງສີຂຽວເຂັ້ມ, ມີຂົນສັ້ນກະຈາຍບໍລິເວນເສັ້ນກາງໃບ. ກ້ານໃບຍາວ 3-5 ມມ. ຊໍ່ດອກແບບກະຈະ, ອອກຕາມງ່າມໃບ, ຍາວ 5-10 ຊມ. ດອກຍ່ອຍມີຈຳນວນຫຼາຍ, ຂະໜາດນ້ອຍ, ສີຂາວອົມຂຽວ. ກາບດອກມີ 5 ກາບ, ຮູບຫຼິ່ມ, ປາຍແຫຼມ, ມີຂົນກະຈາຍຢູ່ທົ່ວ. ກີບດອກມີ 5-6 ກີບ, ຍາວ 2-3 ມມ, ສີຂາວ ຫຼື ສີເຫຼືອງອ່ອນ. ເກສອນເພດຜູ້ມີ 10 ອັນ, ບໍ່ສະເໝີກັນ, ກ້ານຊູຖົງລະອອງຍາວ 1-2 ມມ, ຖົງລະອອງຮູບຮີ, ຍາວ 0.8-1 ມມ. ເຕົ້າໄຂ່ຈັບເທິງ, ຮູບກົມ, ປາຍຮວງຮັບມົນ. ໝາກຂ້ອນຂ້າງກົມ, ຮູບຮີ ຫຼື ຮູບຫົວໃຈບ້ຽວ, ກວ້າງປະມານ 1.5 ຊມ, ຍາວປະມານ 1 ຊມ, ປາຍຕັດ, ເປືອກມີຂົນເລັກນ້ອຍ ຫຼື ກ້ຽງ. ແກ່ນຮູບກົມ, ຂະໜາດ 6-8 ມມ, ສີນ້ຳຕານອ່ອນ.

N/A

N/A

N/A

ມີຄວາມສ່ຽງໜ້ອຍສຸດ

N/A

ອາຫານ
ພືດເປັນຢາ

ອາຫານ:
    ຍອດ, ໃບອ່ອນ ແລະ ດອກ: ຮັບປະທານເປັນຜັກສົດກັບແຈ່ວ, ລາບ ແລະ ຍຳ.
    ໝາກສຸກ: ກິນເປັນໝາກໄມ້ໄດ້.
ສັບພະຄຸນ:
    ຮາກ ແລະ ລຳຕົ້ນ: ຕົ້ມດື່ມ ຫຼື ອົມຮັກສາປາກເປັນແຜ ແລະ ແກ້ພິດສຳແດງ .
    ຢາງຈາກຕົ້ນ: ຝົນທາ ຫຼື ຕຳທາຮັກສາພະຍາດຕານເຕັ້ນ
    ເປືອກ: ຕົ້ມຄ້ຽວທາພະຍາດຕານເຕັ້ນ.
ພືດປະດັບ: ນິຍົມນຳມາປູກເປັນພືດປະດັບເນື່ອງຈາກມີປາຍຍອດທີ່ສວຍງາມ.
ຄຸນປະໂຫຍດ:
    ລຳຕົ້ນ: ໃຊ້ກໍ່ສ້າງເຮັດເສົາ ແລະ ໃຊ້ເຜົ່າຖານ.
    ເປືອກ: ສາມາດນຳມາຕົ້ມຍ້ອມຜ້າໂດຍໃຫ້ສີບົວແດງ.

N/A

N/A

N/A

N/A

Ku-Or, Y., Leksungnoen, N., NGgensaengsaruay, Ch., Aadriyas, T. (2020). Seed longevity of Buchanania siamensis in reclaiming salt-affected areas in Thailand. Biodiversitas, 21(2): 743-747.
Ito, E., Chann, S., Tith, B., Keth, S., Ly, Ch., Op, Ph., Furuya, N., Ohnuki, Y., Iida, Sh., Shimizu, T., Tamai, K., Kabeya, N., Yagi, T., Shimizu, A. (2017). Two phenological variants of Terminalia alata coexist in a dry dipterocarp forest. Plant Species Biology:: 10.1111.
Leksungnoen, N., Uthairatsamee, S., Takuathung, Ch.N. (2016). Germination Test on Native Salt Tolerant Seeds (Buchanania siamensis Miq.) Collected from Natural Saline and Non-Saline Soil. Thai J. For. 35(3): 1-14.
Turreira-Garcia, N., Argyriou, D., Phourin, Ch., Srisanga, P., Theilade, I. (2017). Ethnobotanical knowledge of the Kuy and Khmer people in Prey Lang, Cambodia. Cambodian Journal of Natural History, (1) 76–101.