ຈັດເປັນໄມ້ຢືນຕົ້ນຂະໜາດນ້ອຍ ຫຼື ຂະໜາດກາງ, ຂຽວຕະຫຼອດປີ. ລຳຕົ້ນສູງປະມານ 25 ມ, ແຕກກິ່ງກ້ານຕ່ຳ, ກິ່ງອ່ອນມີຂົນສີນ້ຳຕານ ຫຼື ສີເຫຼືອງກະຈາຍຢ່າງໜາແໜ້ນ, ເປືອກນອກລຽບ ຫຼື ແຕກເປັນເກັດ, ສີຂຽວອົມເທົາ ຫຼື ສີນ້ຳຕານອົມເທົາ, ເປືອກໃນສີເຫຼືອງອ່ອນ. ໃບດຽວ, ອອກຮຽງສະຫຼັບ, ຮູບຮີ, ຮູບຂອບຂະໜານ ຫຼື ຮູບໄຂ່, ກວ້າງ 4-9 ຊມ, ຍາວ 10-20 ຊມ, ໂຄນໃບແຫຼມ ຫຼື ບ້ຽວ, ຂອບລຽບ ຫຼື ເປັນແສກບໍລິເວນສ່ວນປາຍ, ປາຍແຫຼມ ຫຼື ຮຽວແຫຼມ, ແຜ່ນໃບໜາຄ້າຍຄືໜັງ, ຜິວລຽບມັນທັງສອງດ້ານ ຫຼື ມີຂົນກະຈາຍບໍລິເວນເສັ້ນກ່າງໃບ. ກ້ານໃບຍາວ 0.5-2 ຊມ. ຕາຍອດຮູບໄຂ່ ຫຼື ຮູບຈວຍ, ຍາວ 1-3 ຊມ, ມີຂົນກະຈາຍຢ່າງໜາແໜ້ນ. ຫູໃບຊ້ອນກັນ 1 ຄູ່, ຫຼົ່ນງ່າຍ. ດອກແຍກເພດຕ່າງຊໍ່ໃນຕົ້ນດຽວກັນ. ຊໍ່ດອກເພດຜູ້ເປັນຊໍ່ແບບແຕກແໜງ, ຫ້ອຍລົງ, ຍາວປະມານ 8 ຊມ. ດອກຍ່ອຍມີຈຳນວນຫຼາຍມີປະມານ 100 ດອກ. ຊໍ່ດອກເພດແມ່ຊໍ່ດອກແບບແຕກແໜງກວ້າງ, ຍາວປະມານ 2.5 ຊມ. ດອກຍ່ອຍມີ 2-10 ດອກ. ໝາກເປັນຊໍ່ຍາວປະມານ 5 ຊມ, ໝາກມີ 5-8 ໜ່ວຍ, ຮູບໂຖ, ກວ້າງ 0.5-0.8 ຊມ, ຍາວ 0.7-1.2 ຊມ, ປາຍມີກ້ານຮວງຮັບລະອອງເກສອນຕິດຈົນເປັນໝາກ, ມີລັກສະນະຄືເສັ້ນດ້າຍ, ຜິວມີຂົນລະອຽດເມື່ອອ່ອນ, ໝາກແກ່ມີສີສົ້ມຂຸ້ນ ແລະ ຜິວຂ້ອນຂ້າງລຽບ.

ສັບພະຄຸນ:
ເປືອກຕົ້ນ: ຮັກສາມະເຮັງ ແລະ ຄຸມທາດ.
ເນືອໄມ້: ຊ່ວຍຂັບລົມ, ແກ້ໄຂ້, ຂັບປັດສະວະເປັນພິດ, ຂັບພະຍາດພິດ ແລະ ຮັກສາກາກເກື້ອນ.
ແກນໄມ້: ບຳລຸງເລືອດ, ບຳລຸງກະດູກ, ຂັບປັດສະວະ ແລະ ຂັບລົມ.
ໃບ: ແກ້ພິດເສມຫະ, ແກ້ເລືອດເປັນພິດ, ແກ້ອາການເຈັບຄໍ, ໝາກໄຂ່ຫຼັງອັກເສບ ແລະ ຮັກສາອາການທາງເດີນປັດສະວະອັກເສບ.
ດອກ: ຊ່ວຍຂັບປັດສະວະ.
ພືດເສັ້ນໄຍ:
ເສັ້ນໄຍຈາກເປືອກ: ໃຊ້ເຮັດເສັ້ນເຊືອກຍິບກະດາດ.
ຄຸນປະໂຫຍດ:
ເນື້ອໄມ້: ໃຊ້ສຳລັບການກໍ່ສ້າງເບົາ ແລະ ໃຊ້ເຮັດເຟີນິເຈີ່.

N/A

N/A

N/A

,