ໄທ: ສົ້ມກຸ້ງ, ສົ້ມກົບ, ຕະຄົບຫຼອກຕາຍ ແລະ ຟ້າແລັບ. ອັງກິດ: Raspberry, kohkihlkohkihl, Molucca bramble, Molucca raspberry, soni, wa ngandrongandro, wild raspberry, wild blackberry ແລະ eelkek. ຫວຽດນາມ: Ngấy đảo molucca.

Rubus angulosus Focke

Rosaceae

ໄມ້ຟຸ່ມເລືອຍ. ລຳຕົ້ນບໍ່ມີເນື້ອໄມ້, ກິ່ງກ້ານອ່ອນມີຂົນສີນ້ຳຕານ ຫຼື ສີຂາວປົກຄຸມຢ່າງໜາແໜ້ນ, ລຳຕົ້ນ ແລະ ກິ່ງກ້ານມີໜາມແຫຼມກະຈາຍຫ່າງໆ. ໃບດ່ຽວ, ອອກວຽນສະຫຼັບ, ຮູບໄຂ່, ຮູບເກືອບກົມ ຫຼື ຮູບຝາມື, ກວ້າງ 10-14 ຊມ, ໂຄນໃບຮູບຫົວໃຈ ຫຼື ວ້ຳເລິກ, ຂອບແສກແຂ້ວ, ປາຍແສກມົນ, ແຜ່ນໃບໜາຄ້າຍຄືໜັງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ມີຂົນອ່ອນນຸ້ມສີຄີມປົກຄຸມຢ່າງໜາແໜ້ນ, ມັກມີລວດລາຍແປກຕາ. ຊໍ່ດອກແບບແຕກແໜ່ງ, ອອກບໍລິເວນງ່າມໃບໃກ້ປາຍກິ່ງ. ດອກຍ່ອຍມີຈຳນວນຫຼາຍ, ດອກບານເຕັມທີ່ມີຂະໜາດປະມານ 1.5 ຊມ, ສີຂາວມີຂົນປົກຄຸມຢ່າງໜາແໜ່້ນ. ກີບດອກມີ 5 ກີບ, ແຍກອິດສະຫຼະ. ໝາກກຸ່ມ, ຮູບກົມ, ມີເສັ້ນຜ່າສູນກາງ 1.5-2 ຊມ, ມີໝາກຍ່ອຍຈຳນວນຫຼາຍ, ຈັບຢ່າງໜາແໜ້ນ, ໝາກສຸກເນື້ອອົມນ້ຳ, ສີສົ້ມຫວານ.

N/A

N/A

N/A

N/A

N/A

ອາຫານ
ພືດເປັນຢາ

ອາຫານ:
    ໝາກສຸກ: ມີລົດຊາດສົ້ມຫວານຮັບປະທານໄດ້ ແລະ ໃຊ້ເຮັດແຍມໄດ້.
    ໃບ: ປີ້ງໃຫ້ກອບແລ້ວນຳໄປຊົງເປັນຊາດື່ມ.
    ຍອດອ່ອນ: ເຮັດໃຫ້ສຸກສາມາດມາປະກອບອາຫານໄດ້.
ສັບພະຄຸນ:
    ຮາກ:ຕົ້ມດື່ມຮັກສາພະຍາດບິດ, ເປັນຢາຮັກສາເລືອດເສຍ, ບຳລຸງເລືອດ, ຮັກສາອາການພາຍໃນຮ່າງກາຍອື່ນ ແລະ ປ້ອງກັນການແທ້ງລູກ.
    ເປືອກ: ມີສານ tannins ປະມານ 10% ຊ່ວຍຮັກສາແຜສົດໄດ້ດີ.
    ໃບ: ຄ້ຽວກັບເກືອທາຮັກແຜ, ຕົ້ມດື່ມຮັກສາພະຍາດບິດ ແລະ ຮັກສາອາການເຈັບທ້ອງ.
    ຢາງຈາກຍອດ: ຊ່ວຍກະຕຸ້ນອາລົມທາງເພດ, ຮັກສາອາການເຈັບຕາ, ຮັກສາພະຍາດຫຼອດເລືອດຫົວໃຈຕີບ, ຮັກສາຝີ, ໃຊ້ເປັນຢາຄຸມກຳເນີດ, ກະຕຸ້ນການມີປະຈຳເດືອນ.
    ໝາກ: ແກ້ອາການຍ່ຽວໃສ່ບ່ອນຂອງເດັກນ້ອຍ.
ຄຸນປະໂຫຍດ:
    ໝາກ: ໃຫ້ສີອາຫານ ຫຼື ສີຍ້ອມຜ້າ ໂດຍໃຫ້ສີ ສີມ່ວງ ຫຼື ສີນ້ຳເງິນອອກມົນ.

N/A

N/A

N/A

N/A

Ang, W.F., Lok, A.F.S.L., Chong, K.Y., Ng, B.Y.Q., Suen, S.M., Tan, H.T.W. (2010). The distribution and status in singapore of rubus moluccanus L. var. Angulosus kalkman (Rosaceae). Nature in singapore 3: 91–97.
Bakar, M.F.A., Ismail, N.A., Isha, A., Ling, A.L.M. (2016). Phytochemical Composition and Biological Activities of Selected Wild Berries (Rubus moluccanus L., R. fraxinifolius Poir., and R. alpestris Blume). Hindawi Publishing Corporation Evidence-Based Complementary and Alternative Medicine, 10: ID 2482930.
Setiyadi, W., Nandariyah, Budiastuti, M.S. (2018). Exploration, abundance and nutrient potential of Rubus in Lawu Mountain, Indonesia. International Conference on Climate Change, 200: 012009.
Hapsari, L., Basith, A., Novitasiah, H.R. (2014). Inventory of Invasive Plant Species along the corridor of Kawah Ijen Nature Tourism Park, Banyuwangi, East Java. Inventory of Invasive Plant Species along the corridor of Kawah Ijen, 2(1).
Anasuri, S., Damu, U.Sh., Pulipaka, Sh., Tekurala, M. (2017). Phytochemical investigation and antimicrobial anthelmintic activities of the leaves of Rubus moluccanus Linn. Journal of Pharmacognosy and Phytochemistry, 6(6): 1392-1396.