ລາວ: ໝາກກໍ່ເດືອນນ້ອຍ ແລະ ໝາກກໍເດືອ. ໄທ: ກໍ່ເດືອຍ, ກໍ່ກິນໜ່ວຍ, ກໍ່ໜາມ, ກໍ່ມັດ, ກໍ່ແຫຼມ ແລະ ກໍ່ອິດ.

C. sessifolia Blume
Quercus lineata Miq.
Quercus junghuhnii Miq.
Quercus fargiformis Jungh.
Quercus acuminatissima (Blume) A.DC.
Synaedrys fargiformis ( Junh) Koidz.
Castanopsis schlenkerae Baile
Castanopsis bejaudii A. Camus

Fagaceae

ເປັນໄມ້ຢືນຕົ້ນຂະໜາດກາງ ຫຼື ຂະໜາດໃຫຍ່. ລຳຕົ້ນສູງ 10-40 ມ, ກິ່ງກ້ານລຽບ, ສີນ້ຳຕານປົນສີແດງ, ເປືອກມີຮອຍແຕກເລິກ, ມີເກັດ, ເປືອກສີນ້ຳຕານປົນສີມົ່ນ, ເນື້ອໄມ້ສີຂາວ. ໃບດ່ຽວ, ຈັບຮຽງສະຫຼັບ, ຮູບຮີ, ຮູບຂອບຂະໜານ ຫຼື ຮູບຫອກ, ກວ້າງ 1.5-4 ຊມ, ຍາວ 5.5-13 ຊມ, ໂຄນໃບບ້ຽວ, ຂອບເປັນຄື້ນ, ແຜ່ນໃບໜາ, ຜິວໃບດ້ານເທິງສີຂຽວເຂັ້ມ, ລຽບມັນ, ຜິວໃບດ້ານລຸ່ມສີນ້ຳຕານປົນສີແດງ. ກ້ານໃບຍາວ 1-1.4 ຊມ, ມີຂົນອ່ອນນຸ້ມກະຈາຍຢູ່ທົ່ວ. ຊໍ່ດອກແຍກເພດໃນຕົນດຽວກັນ, ອອກບໍລິເວນປາຍກິ່ງ ຫຼື ງ່າມໃບ. ຊໍ່ດອກເພດຜູ້ເປັນຊໍ່ແບບແຕກແໜ່ງ, ຍາວປະມານ 15 ຊມ. ດອກຍ່ອຍມີຂະໜາດນ້ອຍ, ສີເຫຼືອງ, ມີກິ່ນຫອມ. ກາບດອກ ຫຼື ກີບລວມມີ 6 ກີບ, ແຍກກັນອິດສະຫຼະ, ຮູບໄຂ່ ຫຼື ຮູບໄຂ່ປີ້ນ, ມີຂົນອ່ອນນຸ່ມບໍລິເວນຜິວດ້ານນອກ ແລະ ຂອບ. ເກສອນເພດຜູ້ມີ 10-12 ອັນ, ກ້ຽງ. ມີເຕົ້າໄຂ່ທີ່ເປັນໝັນ, ຮູບກົມ, ມີຂົນປົກຫຸ້ມ. ຊໍ່ດອກເພດແມ່ເປັນຊໍ່ດອກດຽວ, ບໍ່ແຕກແໜງ, ຍາວປະມານ 15 ຊມ. ດອກຍ່ອຍລັກສະນະທົ່ວໄປຄ້າຍດອກເພດຜູ້. ເກສອນເພດຜູ້ມີ 10-12 ອັນ, ເປັນໝັນ. ເຕົ້າໄຂ່ມີ 3 ຫ້ອງ, ແຕ່ລະຫ້ອງມີ 2 ເມັດໄຂ່, ຮູບກົມ, ປາຍຮວງຮັບແຍກອອກຈາກກັນເປັນ 3 ແສກ, ກ້ຽງ. ໝາກຮູບກົມ, ກ້ວາງ 0.8-1.3 ຊມ, ຍາວ 1-1.5 ຊມ, ເປືອກມີໜາມແຂງປາຍຈາຍຢ່າງໜາແໜ້ນ, ປາຍໜາມໂຄ້ງງໍເລັກນ້ອຍ. ແກ່ນມີ 1 ແກ່ນຕໍ່ແສກ, ຮູບກົມ, ເສັ້ນຜ່າສູນກາງປະມານ 1 ຊມ, ຜິວລຽບ.

N/A

N/A

N/A

ມີຄວາມສ່ຽງໜ້ອຍສຸດ

N/A

ອາຫານ

ອາຫານ:
    ແກ່ນ: ສາມາດກິນສົດ, ນຳມາຕົ້ມ ຫຼື ຂົ້ວກິນ.
ສິນຄ້າ: ເນື້ອໄມ້ນິຍົມນຳມາເຮັດໄມ້ອັດ ຫຼື ເຟີນິເຈີ່ເພື່ອເປັນສິນຄ້າ.
ສິ່ງປຸກສ້າງ:
    ລຳຕົ້ນ ແລະ ກິ່ງໄມ້: ນິຍົມນ້ຳມາສ້າງເຮືອນແບບດັ່ງເດີມ.
ຄຸນປະໂຫຍດ:
    ເປືອກ: ເປັນແຫຼ່ງຂອງທາດ tannins ສາມາດນຳມາຍ້ອມສີຜ້າທີ່ທົນໄດ້ ແລະ ຝົນໄດ້ດີ.
    ກິ່ງກ້ານ ແລະ ລຳຕົ້ນ: ໃຊ້ໃນການປູກເຫັດ.
    ປັດຈຸບັນຕົ້ນໄມ້ຊະນິດນີ້ຖືກນຳໄປປູກເພື່ອບຸກເບີກພື້ນທີ່ປ່າ ເນື່ອງຈາກເປັນພືດທີ່ສາມາດຈະເລືອນເຕີບໂຕ ແລະ ຂະຫຍາຍພັນໄດ້ໄວ.

N/A

N/A

N/A

N/A

Chokchaichamnankit, P., Chulalaksananukul, W., Phengklai, C., Anamthawat-Jónsson, K. (2008). Species and genetic diversity of fagaceae in northern thailand based on issr markers. Journal of Tropical Forest Science 20(1): 8–18.
Chokchaichamnankit, P., Chulalaksananukul, W., Phengklai, C., Anamthawat-Jónsson, K. (2007). Karyotypes of some species of Castanopsis, Lithocarpus and Quercus (Fagaceae) from Khun Mae Kuong Forest in Chiang Mai province, northern Thailand. Thai for.Bull. (Bot.) 35: 38–44.
Liu, J., Zhang, D., Zhou, G., Duan, H. (2012). Changes in leaf nutrient traits and
photosynthesis of four tree species:effects of elevated [CO2], N fertilization and canopy positions. Journal of Plant Ecology, 5(4): 376-390.
Sambas, E.N. (2008). Structure and Composition of Tree Species in Sub-Montane Forests of Mount Endut, Banten. Inventing Prosperous Future through Biological Research and Tropical Biodiversity Management.
Sulistyawati, E., Tihurua, E.F. (2019). Analysis of the condition of forest interior and edge in Mount Papandayan, West Java, Indonesia based on floristic composition and structural characteristics of tree community. Biodivers, 20(3): 900-906.