ໄທ: ເຈດພັງຄີ, ຕອງຕາພານ, ສະມີ, ມົນເຂົາ, ຕະເກຍ, ເປົ້າເງິນ, ໜາດຕະກົ່ວ, ໃບຫຼັງຂາວ, ເປົ້ນນ້ຳເງິນ, ພັງຄີ, ພັງຄີໃຫຍ່, ປານດົງ ແລະ ປານດົງເຫຼືອງ. ຫວຽດ: Tiết thư; Ba pre. ຈີນ: 植物三昧.

Adenochlaena siamensis Ridl.
Adenogynum odontophyllum Miq.
Baprea bicolor Pierre ex Pax & K.Hoffm.
Cephalocroton albicans var. virens Müll.Arg.
Cephalocroton discolor Müll.Arg.
Cephalocroton orientalis (Zipp. ex Span.) Miq.
Cladogynos orientalis var. grossedentata Pax & K.Hoffm.
Cladogynos orientalis var. virens (Müll.Arg.) Pax & K.Hoffm.
Conceveiba tomentosa Span.
Rottlera albicans Hassk.

Euphorbiaceae

ຈັດເປັນໄມ້ຟຸ່ມ. ຮາກມີລັກສະນະຮຽວຍາວ, ເປືອກຫຸ້ມຮາກເປັນແພຈຸລັງບາງໆ, ສີເຫຼືອງເຂັ້ມ, ມີກິ່ນຫອມ. ລຳຕົ້ນມີຄວາມສູງປະມານ 2 ມ, ເປືອກຕົ້ນເປັນສີນ້ຳຕານຂຸຄັງ, ທຸກສ່ວນມີຂົນຮູບດາວສີຂາວ. ໃບດ່ຽວ, ອອກຮຽງສະຫຼັບ, ຮູບໄຂ່ ຫຼື ຮູບຮີ, ກ້ວາງ 3-8 ຊມ, ຍາວ 6-15 ຊມ, ໂຄນໃບແຫຼມ, ຕັດ ຫຼື ມົນ, ຂອບແສກບໍ່ສະໝໍ່າສະເໝີ, ປາຍຮຽວແຫຼມ, ແຜ່ນໃບໜາຄ້າຍຄືໜັງ, ຜິວໃບດ້ານເທິງເປັນສີຂຽວເຂັ້ມ, ລຽບ, ຜິວໃບດ້ານລຸ່ມມີຂົນສີຂາວປົກຄຸມຢ່າງໜາແໜ້ນ, ເຮັດໃຫ້ເປັນສີຂາວ ຫຼື ສີເງິນ. ກ້ານໃບຍາວ 1.5-5 ຊມ, ມີຂົນ. ຫູໃບຮູບຫອກ, ມີຂະໜາດປະມານ 3 ມມ, ບໍລິເວນຖານມີຕ່ອມ 1 ຕ່ອມ. ຊໍ່ດອກແບບກະຈະ, ອອກຕາມງ່າມໃບ, ຍາວປະມານ 2.5 ຊມ. ກ້ານຊໍ່ດອກຍາວປະມານ 1 ຊມ. ດອກແຍກເພດໃນຕົ້ນດຽວກັນ. ກ້ານດອກຍ່ອຍຍາວປະມານ 1.3 ມມ. ໃບປະດັບມີ 2 ໃບ, ມີລັກສະນະຄ້າຍໃບ, ມີຂະໜາດປະມານ 9 ມມ, ໃບທີ່ 2 ຮູບແຖບ, ມີຂະໜາດປະມານ 4 ມມ, ຫຼົ່ນງ່າຍ. ດອກເພດຜູ້ມີ 1-2 ດອກຕໍ່ຊໍ່. ກາບດອກມີ 4 ກາບ, ຂະໜາດ 1.5-2 ມມ, ມີຂົນຮູບດາວ. ເກສອນເພດຜູ້ເປັນເສັ້ນຍາວ 4 ເສັ້ນ, ຍາວ 2-3 ມມ, ຖົງລະອອງຈັບປາຍຂະໜາດປະມານ 0.5 ມມ, ສີເຫຼືອງ. ດອກແມ່ເປັນໝັນ, ມີຂະໜາດປະມານ 0.5 ມມ. ກາບດອກມີປະມານ 6-7 ກີບ, ຮູບແຖບ, ກ້ວາງປະມານ 1 ມມ, ຍາວ 6-13 ມມ, ມີຂົນອ່ອນນຸ້ມ. ເຕົ້າໄຂ່ຮູບເຄິ່ງວົງກົມ, ປາຍແຍກອອກເປັນ 3 ອັນ, ຍາວປະມານ 7 ມມ.

N/A

N/A

N/A

ມີຄວາມສ່ຽງໜ້ອຍສຸດ

N/A

ພືດເປັນຢາ

ສັບພະຄຸນ:

• ຮາກ: ຊ່ວຍບຳລຸງທາດໃນຮ່າງກາຍ, ເປັນຢາຮັກສາທາດ, ບຳລຸງຫົວໃຈ, ຊ່ວຍເຮັດໃຫ້ຈະເລີນອາຫານ, ແກ້ອາການລົງແດງ, ຊ່ວຍແກ້ສັນນິບາດລົງເລືອດ, ຊ່ວຍແກ້ລົມ, ຊ່ວຍຂັບລົມໃນລຳໄສ້ ແລະ ກະເພາະອາຫານ, ແກ້ອາການຖ່າຍເປັນເລືອດ, ຮັກສາອາການເລືອດຄັງ, ແກ້ອາການກະສັບກະສ່າຍ, ຮັກສາແຜ່ອັກເສບ, ຕຳພອກແກ້ອາການເຈັບ ແລະ ບວມ.
• ຮາກ ແລະ ທັງຕົ້ນ: ແກ້ທ້ອງບວມ, ທ້ອງອືດທ້ອງເຟີ້, ຊ່ວຍຂັບພາຍລົມ, ແກ້ລົມຈຸກສຽບ, ຮັກສາອາການແໜ້ນທ້ອງ ແລະ ຮັກສາອາການຖອກທ້ອງ.
• ເປືອກ: ຮັກສາພະຍາດຜິວໜັງ, ກາກເກື້ອນ ແລະ ຊ່ວຍຂ້າເຊື້ອພະຍາດພາຍໃນ (ເປືອກ ແລະ ແກ່ນໄມ້).
• ໃບ: ແກ້ອາການນອນບໍ່ຫຼັບ, ມີອາການກະສັບກະສ່າຍ, ຮັກສາໄຂ້ທີ່ເກີດມາຈາກຕັບ, ຊ່ວຍຖອນພິດໄຂ້, ແກ້ຫວັດໃນເດັກ, ແກ້ເລືອດດັງໄຫຼ, ແກ້ລົມ ແລະ ຮັກສາຕັບອັກເສບ.
• ໄມ້ ຫຼື ແກ່ນໄມ້: ແກ້ພະຍາດພິດໃນທະວານໜັກ.
• ດອກ: ຮັກສາການຕົກເລືອດຂອງແມ່່ຍິງຖືພາ ແລະ ຊ່ວຍຮັກສາມົດລູກອັກເສບ.
• ໝາກ: ຊ່ວຍຂັບເສມຫະ.

ຄຸນປະໂຫຍດ: 

• ໃບ: ໃຊ້ຮັກສາສິວ. 

ຂໍ້ມູນທາງວິທະຍາສາດ: ພັງຄີຊ່ວຍຫຼຸດຄວາມດັນເລືອດ, ກະຕຸ້ນການຫົດຕົວຂອງກ້າມກ້ຽງ ແລະ ຊ່ວຍຢັບອັນໄຊມ໌ Reverse Transcriptase

N/A

N/A

N/A

N/A

Thongsri, P., Sa-ngiamsuntorn, Kh., Sithisarn, P., T. Chomnawang, M., Thirapanmethee, K. (2019). Cladogynos orientalis Zipp. extracts inhibit cell culture-derived hepatitis C virus
genotype 2a replication in Huh-7 cells through NS5B inhibition. Asian Pacific Journal of Tropical Biomedicine; 9(8): 346-352.
Tagane, S., Tanaka, N., Aung, M.M., Naiki, A., Yahara, T. (2018). Contributions to the flora of Myanmar II: New records of eight woody species from tanintharyi region, Southern, Myanmar. Nat. Hist. Bull. siam soc. 63(1): 47–56.
Soontornchainaksaeng, P., Chaiyasut, K. (1999). Cytogenetic Investigation of Some
Euphorbiaceae in Thailand. Cytologia 64: 229-234.
Kanlayavattanakul, M., Ruangrungsi, N., Watanabe, T., Kawahata, M., Therrien, B., Yamaguchi, K., Ishikawa, T. (2004). ent-Halimane Diterpenes and a Guaiane Sesquiterpene from Cladogynos orientalis. American Chemical Society and American Society of Pharmacognosy Published.
Webster, G.L., (1994). Synopsis of the Genera and Suprageneric Taxa of Euphorbiaceae. Annals of the Missouri Botanical Garden 81(1): 33-144.