ໄທ: ຕົ້ນສ້ຽວນ້ອຍ, ໂຍທິກາ, ກະແຈກູໂດ, ສົ້ມສ້ຽວ ແລະ ກາຫຼົົງ ອັງກິດ: Snowy orchid tree ແລະ Orchid tree ຈີນ: 白花羊蹄甲.

Bauhinia linnaei Ali
Bauhinia candida sensu auct.
Bauhinia grandiflora sensu auct.
Bauhinia tomentosa sensu auct.

Fabaceae

ໄມ້ຟຸ່ມຂະໜາດນ້ອຍ. ລຳຕົ້ນສູງ 1-3 ມ, ກິ່ງອ່ອນ ແລະ ຍອດມີຂົນສີຂາວປົກຄຸມຢ່າງໜາແໜ້ນ, ເປືອກລຳຕົ້ນລຽບ, ສີນ້ຳຕານ. ໃບດ່ຽວ, ອອກຮຽງສະຫຼັບ, ຮູບຮີກ້ວາງ, ກ້ວາງ 9-13 ຊມ, ຍາວ 10-14 ຊມ, ໂຄນໃບມົນ ຫຼື ຮູບຫົວໃຈ, ຂອບລຽບ, ປາຍວ້ຳເລິກເຂົ້າຫາກັນເກືອບເຄິ່ງໃບ, ເຮັດໃຫ້ປາຍແຍກອອກເປັນ 2 ແສກ, ປາຍແຫຼມ, ຜິວໃບດ້ານເທິງເປັນສີຂຽວເຂັ້ມ, ກ້ຽງ, ຜິວໃບດ້ານລຸ່ມເປັນສີຂຽວອ່ອນ, ມີຂົນສີຂາວ. ກ້ານໃບຍາວ 3-4 ຊມ, ສີຂຽວປົນສີນ້ຳຕານ. ຫູໃບມີລັກສະນະຮຽວແຫຼມ, ຍາວປະມານ 1 ຊມ, ຫຼົ່ນງ່າຍ ແລະ ມີທໍ່ຢ່າງນ້ອຍໆຢູ່ລະຫວ່າງຫູໃບ. ຊໍ່ດອກແບບກະຈະສັ້ນ, ອອກບໍລິເວນປາຍກິ່ງ. ດອກຍ່ອຍມີ 2-3 ດອກ, ລັກສະນະເປັນຮູບກະສວຍ, ຍາວ 2.5-4 ຊມ, ດອກບານເຕັມທີມີຂະໜາດເສັ້ນຜ່າສູນກາງ 5-8 ຊມ, ສີຂາວ, ມີກິ່ນຫອມອ່ອນໆ. ກ້ານດອກຍາວ 0,5-1,5 ຊມ. ໃບປະດັບດອກຈັບຢູ່ບໍລິເວນໂຄນກ້ານດອກ, ມີ 2-3 ໃບ, ຮູບສາມຫຼ່ຽມຮຽວແຫຼມ, ມີຂະໜາດນ້ອຍ. ກາບດອກເຊື່ອມຕິດກັນ, ປາຍແຍກເປັນ 5 ກາບ, ກ້ວາງ 1-1.8 ຊມ, ຍາວ 2,5-4 ຊມ, ປາຍຮຽວແຫຼມ, ແຍກເປັນພູສັ້ັ້ນ. ກີບດອກມີ 5 ກີບ, ຮູບຮີ ຫຼື ຮູບໄຂ່ປີ້ນ, ຂະໜາດບໍ່ເທົ່າກັນ, ກ້ວາງປະມານ 2 ຊມ, ຍາວ 4-6 ຊມ, ໂຄນໃບແຫຼມ ຫຼື ມົນ, ຂອບລຽບ, ປາຍມົນ. ເກສອນເພດຜູ້ມີ 10 ອັນ, ບໍ່ສະເໝີກັນ, ຍາວ 1.5-2.5 ຊມ, ຖົງລະອອງຮູບຂອບຂະໜານ, ຍາວ 3-5 ມມ, ສີເຫຼືອງສົດ. ເຕົ້າໄຂ່ມີ 1 ອັນ, ຮູບຂອບຂະໜານ, ຍາວ 6-8 ມມ, ຄໍເຕົ້າໄຂ່ຍາວ 1-2 ຊມ ແລະ ປາຍຮວງຮັບເປັນແຜ່ນກົມ. ໝາກເປັນຝັກແປ, ຮູບຂອບຂະໜານ, ກ້ວາງ 1-1.5 ຊມ, ຍາວ 9-15 ຊມ, ໂຄນໝາກແຫຼມ, ຂອບລຽບເປັນເສັ້ນໜາ, ປາຍຮຽວແຫຼມ, ຍາວປະມານ 8 ມມ, ໝາກອ່ອນເປັນສີຂຽວອ່ອນ, ໝາກແກ່ເປັນສີນ້ຳຕານ. ແກ່ນມີ 5-10 ເມັດ, ມີຂະໜາດນ້ອຍ, ແປ, ຮູບຂອບຂະໜານ.

N/A

ລຽບແມ່ນ້ຳຂອງພາກເໜືອ

N/A

N/A

ມີຄວາມສ່ຽງໜ້ອຍສຸດ

N/A

ອາຫານ
ພືດເປັນຢາ

ອາຫານ:

• ດອກ ແລະ ຍອດອ່ອນ: ນຳມາໃຊ້ຮັບປະທານໄດ້.

ສັບພະຄຸນ:

• ຮາກ: ຊ່ວຍຕົ້ມດື່ມແກ້ອາການໄອ, ໃຊ້ເປັນຢາແກ້ບິດ, ຕົ້ນ ແລະ ຮາກເປັນຢາຂັບເສມຫະ (ຮາກ, ຕົ້ນ) ແລະ ຊ່ວຍແກ້ອາການເຈັບຫົວ (ຮາກ, ດອກ).
• ຕົ້ນ: ເປັນຢາແກ້ຂັບປະຈຳເດືອນ.
• ໃບ: ຮັກສາແຜໃນດັງ.
• ດອກ: ຊ່ວຍຫຼຸດຄວາມດັນເລືອດ, ແກ້ເລືອດອອກຕາມວ່າງແຂ້ວ, ແກ້ເສມຫະ ແລະ ແກ້ອາການຮາກເປັນເລືອດ.

ພືດປະດັບ: ນິຍົມນຳມາປູກເປັນໄມ້ປະດັບກາງແຈ້ງ ຫຼື ສວນສາທາລະນາຕ່າງໆ.

ຂໍ້ຄວນລະວັງ: ລຳຕົ້ນມີຂົນອ່ອນຫາກສຳພັດກັບຜິວໜັງໂດຍຕົງຈະເຮັດໃຫ້ລະຄາຍເຄືອງຜິວໜັງໄດ້.

N/A

N/A

N/A

N/A

Dongray, A., Irchhaiya, R., Chanchal, D., Chaudhary, S. (2015). Phytochemical and pharmacological properties of bauhinia acuminata. World Journal of Pharmaceutical Research, 5(01): 531-546.
Shamim Akhter, M., Mahbubur Rahman, S.M., Hafizur Rahman, Md. (2012). Microprpagagation of Bauhinia acuminata L. IRJALS 1(3): 35 – 43.
Nutan Sinha, K., Singh, T. (2013)Physical screening and electrical study of seed storage.
Bauhinia acuminata and cassia occidentalis protein. International Journal of Recent Scientific Research Research, 4(11):1812-1816.
Shah, A., Rahim, S., Bhatti, Kh., Khan, A., Din, N., Imran, M., Mohsin, M., Ishtiaq, M., Nabila, A., Ansari, A., Hussain, S., Zafar, M., Mushtaq, M., Mumtaz, E., Iqbal, J. (2015). Ethnobotanical study and conservation status of trees in the district Sargodha, Punjab, Pakistan. Ethnobotanical study of trees of Sargodha, Pakistan. 84: 34-44.
Deka, K., Nath, N. (2014). Documentation of Edible Flowers of Western Assam. American Journal of Phytomedicine and Clinical Therapeutics. 2(10).