ຊື່ໄທ: ສະໝູນໄພໂນຣາ, ສະເຫຼົາ, ພະຍາຊ້າງເຜືອກ, ກຳລັງຊ້າງເຜືອກ, ແຫນປີກ ແລະ ກະລັງຈ່າງ.

Gaertnera obtusifolia Roxb.
Hiptage benghalensis var. benghalensis
Hiptage javanica Blume
Hiptage parvifolia Wight & Arn.

Malpighiaceae

ຈັດເປັນໄມ້ຟຸ່ມ ຫຼື ໄມ້ເຄືອຂະໜາດໃຫຍ່, ສາມາດເລືອໄປໄກ. ລຳຕົ້ນຍາວປະມານ 10 ມ, ລັກສະນະກົມກ້ຽງ, ເນື້ອໄມ້ແຂງ, ມີການແຕກກິ່ງກ້ານເລັກນ້ອຍ ແລະ ຫ້ອຍລົງເລັກນ້ອຍ, ສີຂຽວ, ຊົງຕົ້ນມີຮູບຮ່າງທີ່ບໍ່ແນ່ນອນ. ໃບດ່ຽວ, ອອກຮຽງກົງກັນຂ້າມກັນ, ໃບຮູບຮີ ຫຼື ຮູບຂອບຂະໜານ, ກ້ວາງ 4-6 ຊມ, ຍາວ 10-15 ຊມ, ໂຄນໃບມົນ ຫຼື ແຫຼມ, ຂອບລຽບ, ປາຍແຫຼມ, ຜິວໃບດ້ານເທິງກ້ຽງ, ຜິວໃບດ້ານລຸ່ມມີຂົນ ແລະ ມີຕ່ອມເລັກນ້ອຍ. ຊໍ່ດອກແບບແຕກແໜ່ງ, ອອກຕາມງ່າມໃບ ແລະ ປາຍກິ່ງ, ຍາວ 9-22 ຊມ. ດອກຍ່ອຍມີຈຳນວນຫຼາຍ, ສີຂາວ ຫຼື ສີບົວອ່ອນ, ກາງດອກເປັນສີເຫຼືອງ, ມີກິ່ນຫອມອ່ອນ. ກາບດອກເຊື່ອມຕິດກັນ, ປາຍແຍກອອກເປັນ 5 ກາບ, ສີຂຽວ. ກີບດອກມີ 5 ກີບ, ຂະໜາດບໍ່ເທົ່າ, ມີລັກສະນະຫຍໍ້, ກີບຂ້າງພັບລົງ, ປາຍກີບເປັນຝອຍໆ. ເກສອນເພດຜູ້ມີ 10 ອັນ, ມີ 1 ກ້ານຍາວກວ່າໝູ່. ໝາກແຫ້ງບໍ່ແຕກ, ຮູບສວຍ, ປາຍແຫຼມ, ມີປີກ 3 ປີກ, ປີກກາງມີຂະໜາດໃຫຍ່, ສີແດງ.

N/A

N/A

N/A

N/A

N/A

ພືດເປັນຢາ

ສັບພະຄຸນ: 

• ແກນໄມ້: ເປັນຢາບຳລຸງເລືອດ, ຊ່ວຍບຳລຸງທາດໃນຮ່າງກາຍ ແລະ ເປັນຢາບຳລຸງເສັ້ນເອັນ (ເປືອກ ແລະ ແກນໄມ້), ເປັນອາຍຸວັນນະ, ໃຊ້ດອກເປັນຢາບຳລຸງກຳລັງ, ຊ່ວຍຈະເລີນອາຫານ, ຊ່ວຍແກ້ອາການອ່ອນເພຍ, ຊ່ວຍຂັບລົມ, ແກ້ອາການຈຸກສຽດແໜ້ນທ້ອງ ແລະ ໃຊ້ດອງກັບເຫຼົ້າເປັນຢາບຳລຸງກຳລັງ.
• ເປືອກຕົ້ນ: ນຳມາຕຳພອກໃຊ້ຮັກສາແຜສົດ.
• ໃບ: ເປັນຢາແກ້ພະຍາດຜິວໜັງ, ຮັກສາຫິດ ແລະ ຂີ້ກະຕອດ.

ພືດປະດັບ: ນິຍົມນຳມາປູກເປັນໄມ້ປະດັບ ເນື່ອງຈາກດອກມີຄວາມສວຍງາມ, ອອກດອກຈຳນວນຫຼາຍ ແລະ ມີກິ່ນຫອມ.

N/A

N/A

N/A

N/A

Kantasrila, R., Pandith, H., Balslev, H., Wangpakapattanawong, P., Panyadee, P., Inta, A. (2020). Medicinal Plants for Treating Musculoskeletal Disorders among Karen in Thailand. Plants, 9, 811.
Zhang, W., M. Kramer, E., C. Davis, Ch. (2016). Differential expression of cyc2 genes and the elaboration of floral morpholgies in hiptage, An old world genus of malpighiaceae. Int. J. Plant Sci. 177(7):551–558.
Jabeen, A., Khan, M.A., Ahmad, M., Zafar, M., Ahmad, F. (2009). Indigenous uses of economically important flora of Margallah Hills National Park, Islamabad, Pakistan. African Journal of Biotechnology, 8 (5): 763-784.
Andreua, J., Vila, M. (2009). Risk analysis of potential invasive plants in Spain. Journal for Nature Conservation 13(7).
Adhikari, B.S., Babu, M.M., Saklani, P.L., Rawat, G.S. (2010). Medicinal Plants Diversity and their Conservation Status in Wildlife Institute of India (WII) campus, Dehradun. Ethnobotanical Leaflets 14: 46-83.
Modi, N.R., Dudani, N.S. (2013). Biodiversity conserversity conservation through. green spaces: A case study of gujarat University campus in ahmedabad. international journal of conservation science, 4(2): 189-196.