ຈັດຢູ່ໃນກຸ່ມສັດປີກທີ່ອາໄສ່ຢູ່ໜ້າດິນ, ມີລັກສະນະຮູລຮ່າງຄ້າຍກັບໄກ່ ແລະ ຫ່ານ, ດ້ານຫົວມີຫອນທີ່ມີລັກສະນະຍາວກ່ວາ ເຊິ່ງມີທັງໂຕຜູ້ ແລະ ໂຕແມ່, ແຕ່ໂຕຜູ້ມີຂະໜາດໃຫຍ່ກ່ວາໂຕແມ່, ໂຄ້ງໄປທາງດ້ານຫຼັງ, ສີແດງ. ມີຕາໜຶ່ງຄູ່, ສຳດຳ ຫຼື ສີນ້ຳຕານເຂັ້ມ. ບໍລິເວນໜ່ຽງ ຫຼື ຄໍສ່ວນປາຍຈະເປັນສີນ້ຳເງິນເຂັ້ມ ຫຼື ສີແດງ, ໂຕແມ່ມີໜ່ຽງຂະໜາດນ້ອຍກ່ວາໂຕຜູ້, ບໍລິເວນດ້ານຂ້າງຂອງຫົວນັບແຕ່ຫູລົງໄປຮອດກາງຄໍບໍ່ມີຂົນ, ມີສີຟ້າ ຫຼື ສີນ້ຳເງິນເຂັ້ມ. ຄໍດ້ານລຸ່ມມີຂົນອ່ອນ, ສີນ້ຳຕານປົນສີເທົາເຂັ້ມ ແລະ ມີຈຸດສີຂາວສະໝໍ່ຳສະເໜີ. ຕີນ ແລະ ຂາມີສີເທົາເຂັ້ມ, ໂຕອ່ອນມີລັກສະນະຄ້າຍກັບໂຕເຕັມໄວ ຍົກເວັ້ນໜ່ຽງ ແລະ ຫົວທີ່ພັດທະນາໜ້ອຍກ່ວາ, ໜ້າມີສີຈາງກ່ວາ, ສີໂດຍລວມເປັນສີນ້ຳຕານປົນສີເທົາ.

ຖິ່ນທີ່ຢູ່ອາໄສ: ໄກ່ຕັອກມັກອາໃສຢູ່ພື້ນທີ່ໂລ່ງ ແຕ່ມີຕົນໄມ້ພໍໃຫ້ເປັນບ່ອນອາໄສໃນຍາມກາງຄືນ ລວມທັງທົ່ງຫຍ້າ, ພື້ນທີ່ປ່າປູກ ແລະ ພື້ນທີ່ປ່າໃກ້ແຫຼ່ງນ້ຳ ໂດຍສະເພາະແມ່ນນ້ຳຈືດ, ແຕ່ພວກມັນບໍ່ມັກປ່າໜາທຶບ, ທະເລຊາຍ ແລະ ໜອງນ້ຳ.

ພືດຕິກຳ: ພວກມັນຈະອາໄສຢູ່ເທິງຕົ້ນໄມ້ເພື່ອປ້ອງກັ່ນຕົວໃນຍາມກາງຄືນ, ສ່ວນໃນໄລຍະກາງເວັນພວກມັນຈະຊອກຫາກິນຕາມພື້ນດິນ ເປັນຝູງໃຫຍ່ ແລະ ສູງສຸດຮອດ 100 ໂຕ.

ອາຫານ: ໄກ່ຕັອກເປັນພືດທຸກຊະນິດໃນປ່າ ອາຫານຈາກພືດ ໄດ້ແກ່: ແກ່ນຫຍ້າ, ແກ່ນພືດ, ໃບໄມ້, ຫົວ, ຮາກ, ໝາກໄມ້ ແລະ ດອກໄມ້. ແຫຼ່ງໂປຣຕີນໃນອາຫານຂອງພວກມັນປະກອບດ້ວຍ ຫອຍທາກ, ແມງໄມ້ປີກແຂງ, ຕົວອ່ອນຂອງແມງໄມ້, ເຫັບ, ສັດມີກະດູດສັນຫຼັງ ເຊັ່ນ: ກົບ, ກະປອມ ແລະ ໜູຂະໜາດນ້ອຍ, ນອກຈາກນີ້ພວກມັນຍັງກິນຫີນຂະໜາດນ້ອຍເພື່ອຊ່ວຍໃນການຍ່ອຍອາຫານ. ວິທີການຫາອາຫານມີທັງການຂຸດ ແລະ ການແລ່ນໄລ່ ຫຼື ການກະໂດດຄຸບອາຫານ.

j

N/A

N/A

N/A

,