ໄກ່ງ່ວງ (Turkey) ຊື່ວິທະຍາສາດ Meleagris gallopavo ພົບໃນອາເມລິກາເໜືອ ແລະ M. ocellata ພົບໃນອາເມລິກາກາງ, ໄກ່ງ່ວງມີ 2 ຊະນິດຄື: ຂົນສີຂາວລ້ວນ ແລະ ຂົນສີແດງທອງ, ເປືອກໄຂ່ມີສີຂາວນວນ ແລະ ມີສີນໍ້າຕານ ສະມາຄົມສັດປີກຂອງສະຫະລັດອາເມລິກາ (Poultry Association) ໄດ້ກໍານົດລັກສະນະມາດຕະຖານຂອງພັນໄກ່ງ່ວງໄວ້ 7 ສາຍພັນ (Varieties) ໄດ້ແກ່:
• ບຣອນຊ໌ (Bronze)
• ໄວຣອນແລນ(White Holland)
• ບໍບອນເລດ (Bourbon Red)
• ນາຣາແກນເສັດ (Naragansett)
• ດຳ (Black)
• ສາເລັດ (Slate)
• ເບລທ໌ສະວິວ ສະມໍໄວ (Beltsville Small White).

ພັນໄກ່ງວງທີ່ຄົນນິຍົມລ້ຽງໄດ້ແກ່:

ອະເມລິກັນ (American Bronze): ຈັດເປັນໄກ່ງ່ວງພັນໜັກ ຂົນສີແດງສົ້ມປົນນໍ້າຕານດຳ, ປາຍຂົນສີຂາວໜ້ອຍໜື່ງ, ແຄ່ງ ແລະ ນິ້ວຕີນສີເທົາອ່ອນປົນບົວອ່ອນໆ, ຕາສີນໍ້າຕານ, ຈະງອຍປາກສີເທົາອ່ອນ.ຂໍ້ສັງເກດ: ໂຕຜູ້ຈະມີຂົນຄ້າຍຜົມສີດຳແຂງ ຕິດຢູ່ບ່ອນບໍລິເວນໜ້າເອິກ ເປັນໂຕຊີ້ບອກລັກສະນະທາງເພດຂອງໄກ່ງ່ວງ, ໂຕຜູ້ທີ່ອາຍຸກ່ອນ 12 ອາທິດ, ໂຕແມ່ມີຜົນຜະລິດໄຂ່ 70 ໜ່ວຍ/ປີ, ນໍ້າໜັກເມື່ອອາຍຸ 5 ເດືອນ ເພດຜູ້ປະມານ 11 ກິໂລກຼາມ, ເພດເມຍ 7 ກິໂລກຼາມ, ນໍ້າຫນັກເມື່ອໃຫ່ຍເຕັມທີ ເພດຜູ້ 15 ກິໂລກຼາມ ເພດເມຍປະມານ 9 ກິໂລກຼາມ.
American Bronze © https://www.technologychaoban.comເບລທ໌ສະວິວ ສະມໍໄວ (Beltsville Small White): ມີຂະໜາດລຳໂຕ ປານກາງ ແລະ ຂະໜາດນ້ອຍ, ຂົນສີຂາວ, ໜັງສີຂາວ, ແຄ່ງ ແລະ ນິ້ວຕີນສີບົວອ່ອນ, ຕາສີນໍ້າຕານ, ຈະງອຍປາກສີເທົາ, ປະລິມານການໄຂ່ ໃຫ້ຜົນຜະລິດໄຂ່ ປະມານ 80 ໜ່ວຍ/ໂຕ/ປີ, ນໍ້າໜັກມາດຕະຖານໄກ່ງ່ວງ ເພດຜູ້ປະມານ 7,7 ກິໂລກຼາມ, ເພດແມ່ປະມານ 5 ກິໂລກຼາມ, ເພດຜູ້ໜຸ່ມ ນໍ້າໜັກປະມານ 6,7 ກິໂລກຼາມ, ເພດແມ່ຮາມ ນໍ້າໜັກປະມານ 4 ກິໂລກຼາມ.
Beltsville Small White Turkeys © http://breedsavers.blogspot.com

ໄກ່ງ່ວງເປັນສັດເສດຖະກິດ ທີ່ໃຫ່ຍໄວ, ນໍ້າຫນັກຫລາຍ, ລ້ຽງງ່າຍ ເນື່ອງຈາກມີພັນທຸກຳຂອງໄກ່ງ່ວງປ່າ ຈຶ່ງມີຮ່າງກາຍແຂງແຮງ ແລະ ທົນທານຕໍ່ພະຍາດ, ນອກຈາກນີ້ຍັງສາມາດກິນອາຫານທີ່ມີຕາມທຳມະຊາດໄດ້ຫລາກຫລາຍເຊັ່ນ: ຮຳ, ເຂົ້າປຽນ, ເມັດທັນຍາພືດ, ໃນທາງໂພຊະນາການຊີ້ນໄກ່ງ່ວງມີແຄວຊ່ຽມສູງ ມີແຄລໍລີຕໍ່າກວ່າຊີ້ນໄກ່ທຳມະດາທົ່ວໄປ ແລະ ມີໄຂມັນອີ່ມຕົວໜ້ອຍກວ່າຊີ້ນສັດອື່ນໆ. ນອກຈາກນີ້ຍັງມີໂປຼຕິນສູງກວ່າຊີ້ນໄກ່, ຊີ້ນງົວ ແລະ ຊີ້ນໝູ ແລະ ມີກົດອະມິໂນ ທີ່ຈຳເປັນຕໍ່ການສ້າງໂປຼຕິນທີ່ສົມບູນຂອງຮ່າງກາຍ.

N/A

N/A

N/A

,