ຊື່ລາວ: ຕົ້ນກຸງ, ຕົ້ນຢາງກຸງ. ຊື່ໄທ: ພະລວງ, ກຸງ, ສະເຕິ່ງ, ຄຣົງ, ຄວງ, ຄຸ້ມ, ໂຄ້ງ, ຕະລາອໍຂາວ, ຕືງ, ລາເທືອ, ພຣອງ, ແລເທົ້າ, ສາລະອອງ, ຢາງຫຼວງ

Dipterocarpus cordatus Wall. ex A.DC.
Dipterocarpus grandifolius Teijsm. ex Miq.

Dipterocarpaceae

ເປັນໄມ້ຢືນຕົ້ນຂະໜາດໃຫຍ່. ລຳຕົ້ນສູງປະມານ 40 ມ, ເນື້ອໄມ້ແຂງ, ເປືອກແຕກເປັນເກັດ, ທຸກພາກສ່ວນຂອງລຳຕົ້ນມີຢາງ. ໃບດ່ຽວ, ອອກຮຽງສະຫຼັບເປັນວົງວຽນ, ຮູບຮີກ້ວາງ ຫຼື ຮູບໄຂ່, ກ້ວາງປະມານ 13 ຊມ, ຍາວ 14-36 ຊມ, ໂຄນໃບຮູບຫົວໃຈ, ຂອບເປັນຄື້ນ ຫຼື ແສກແຂ້ວ, ປາຍແຫຼມ ຫຼື ມົນ, ແຜ່ນໃບໜາຄ້າຍຄືໜັງ, ແຜ່ນໃບດ້ານເທິງສີຂຽວເຂັ້ມ, ຜິວກ້ຽງມັນ, ແຜ່ນໃບດ້ານລຸ່ມສີຂຽວອ່ອນ, ມີຂົນອ່ອນນຸ່ມກະຈາຍຢ່າງໜາແໜ້ນ. ກ້ານໃບກົມ, ຍາວ 3.5-10 ຊມ, ມີຫູໃບ. ຊໍ່ດອກອອກເປັນແຕກແໜງ, ຍາວ 5-15 ຊມ. ດອກຍ່ອຍອອກຮຽງກັນ, ມີ 5-7 ດອກ. ໃບປະດັບດອກຍາວປະມານ 2 ຊມ. ກາບດອກຍາວ 1.5-3 ມມ, ສີຂຽວ. ກີບດອກຮູບຫອກມີ 5 ກີບ, ຮູບຫອກ ຫຼື ຮູບຂອບຂະໜານ, ຍາວ 2.5-3 ຊມ, ສີສົມພູ, ດ້ານນອກມີຂົນຮູບດາວກະຈາຍຢູ່ທົ່ວ. ເກສອນເພດຜູ້ມີປະມານ 30 ອັນ, ກ້ານຊູຖົງລະອອງສັ້ນ, ຖົງລະອອງເກສອນຍາວ 4-5 ມມ. ເຕົ້າໄຂ່ຈັບລຸ່ມ. ໝາກມີກາບດອກຫໍໄວ້, ມີສັນດ້ານເທິງ, ພາກສ່ວນປາຍມີປິກຍາວ 2 ອັນ, ກ້ວາງ 2.5-4 ຊມ, ຍາວ 5-15 ຊມ ແລະ ປີກສັ້ນ 3 ອັນ, ຍາວ 1.5-2 ຊມ, ພັບງໍກັບ, ບົວອົມຂຽວ.

N/A

N/A

N/A

ໃກ້ຖືກຄຸກຄາມ

N/A

ພືດເປັນຢາ
ສີ່ງປູກສ້າງ

ສັບພະຄຸນ: ຮາກ ແກ້ຕັບອັກເສບ, ຕົ້ນໃຊ້ຮັກສາແຜ່, ໃບຊ່ວຍຮັກສາອາການທ້ອງບິດ, ຖ່າຍເປັນເລືອດ.

ສິງປຸກສ້າງ: ຕົ້ນ ຫຼື ເນື້ອໄມ້ສາມາດນຳມາປຸກສ້າງບ້ານເຮືອນ ຫຼື ປະດິດເປັນເຄື່ອງໃຊ້ສອຍພາຍໃນເຮືອນຄົວ.

ນ້ຳມັນຂອງຈາກຕົ້ນກຸງສາມາດນຳໃຊ້ເປັນເຊື້ອໄຟໄດ້. ບາງຄັ້ງມີກ້ອນຢາງຂີ້ຊີສາມາດເກັບມາຂາຍ ຫຼື ຈອດເຮືອໄດ້ດີ.

 

N/A

N/A

N/A

N/A

Sornsathapornkul, P. and Bupabanpot, J. (2002). Flower Development of Dipterocarpus tuberculatus Roxb. Research section Forestry Academic Bureau, Department of Forestry.
Aung, L. L. and Win, C. C. (2015). Evaluation the Decay and Termite Resistance of Untreated and Treated In (Dipterocarpus spp:). The Republic of the Union of Myanmar Ministry of Environmental Conservation and Forestry Forest Department.
Yasuyuki, K. (2006). Plant Diversity in Paddy Field Landscape in Savannakhet
Province, Laos. Graduate School of Asian and African Area Studies Kyoto University.
Newman, M., Ketphanh, S., Svengsuksa, B., Thomas, P., Sengdala, K., Lamxay, V. & Armstrong, K. (2007). A checklist of the vascular plants of Lao PDR: 1-394. Royal Botanic Gardens, Edinburgh.
Pooma, R., Poopath, M. & Newman, M.F. (2017). Flora of Thailand 13(4): 557-685. The Forest Herbarium, Royal Forest Department.