ຊື່ລາວ: ຜັກຫອມຈັນ, ຜັກກະເພາະໃຫຍ່. ຊື່ໄທ: ຜັກຍີ່ຣ່າ, ກະເພາະຫວານ, ຈັນທໍຫອມ, ຜັກເນີຍມ, ຈັນທໍຂີ້ໄກ່, ເນີຍມຕົ້ນ, ສະຫຼີ່ດີ, ຫຼ່າ, ຫອມປ້ອມ, ໂຫຼະພາຊ້າ ແລະ ກະເພາະຄວາຍ. ຊື່ອາຟິກກາ: African basil, Kummel. ຊື່ປະເທດບຼາຊິວ: Shrubby basil, Wild basil. ຊື່ອັງກິດ: Kawawya, Caraway friut, Caraway seed, Kummel, Caraway

Ocimum gratissimum Forssk. [Illegitimate]

Lamiaceae

ຈັດເປັນໄມ້ລົ້ມລຸກອາຍຸຫຼາຍປີ. ລຳຕົ້ນສູງປະມານ 50-80 ຊມ, ແຕກກິ່ງກ້ານຫຼາຍ, ພາກສ່ວນອ່ອນມີສີຂຽວ, ພາກສ່ວນແກ່ມີສີນ້ຳຕານອ່ອນ. ໃບດ່ຽວ ອອກກົງກັນຂ້າມສອງແຜ່ນພຽງຕັ້ງສາກສະຫຼັບກັນຕາມຂໍ້, ຮູບຮີ ຫຼື ຮູບໄຂ່, ໂຄນໃບຮູບຫຼິ້ມ, ຂອບໃບແສກແຂ້ວເລື່ອຍ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ມີຂົນປົກຄຸມຜິວທັງສອງດ້ານ. ຊໍ່ດອກແບບກະຈະ, ອອກຕາມປາຍຍອດ, ຍາວ 10-16 ຊມ, ມີດອກຍ່ອຍປະມານ 50-100 ດອກ. ດອກຍ່ອຍມີຂະໜາດນ້ອຍ. ກາບດອກສີຂຽວ, ມີຂົນຂາວປົກຄຸມຢ່າງໜາແໜ້ນ. ກີບດອກມີ 2 ກີບ, ກີບເທິງຮູບໄຂ່ກວ້າງ, ກີບລຸ່ມຮູບບ່ວງ, ສີຂາວ. ເກສອນເພດຜູ້ມີ 4 ອັນ, ຖົງເມັດລະອອງສີຂາວ. ເຕົ້າໄຂ່ຮູບກົມ, ຮວງຮັບມີປາຍແຍກອອກເປັນສອງແສກຮູບອັກສອນທີ. ໝາກຮູບກົມ ຫຼື ຮູບຮີ, ມີຂະໜາດປະມານ 1 ມມ, ໝາກອ່ອນເປັນສີຂຽວ, ໝາກແກ່ເປັນສີນ້ຳຕານອ່ອນ ຫຼື ເປັນສີດຳ. ແກ່ນມີຂະໜາດນ້ອຍຫຼາຍ, ສີດຳ.

N/A

N/A

N/A

N/A

N/A

ອາຫານ
ພືດເປັນຢາ

ໃຊ້ເປັນອາຫານ: ໃບໃຊ້ເປັນເຄື່ອງເທດສຳລັບຂົ້ວ ຫຼື ແກງ, ເພີ່ມກິ່ນຫ້ອມ ແລະ ດັບກິ່ນຄາວ. ນອກນີ້ແລ້ວຍັງໃຊ້ຍອດ ຫຼື ໃບອ່ອນກິນກັບລາບ, ເຂົ້າປຸ້ນ ແລະ ອື່ນໆ. ແກ່ນ ແລະ ນ້ຳມັນສະກັດຖືກນຳມາເປັນເຄື່ອງເທດເພື່ອນຳມາແຕ່ງກິ່ນອາຫານ.

ສັບພະຄຸນທາງການຢາ: ຮາກ ແລະ ຕົ້ນ: ຊ່ວຍໃນການຂັບລົມໃນລຳໄສ້, ຊ່ວຍຍ່ອຍອາຫານ, ແກ້ອາການທ້ອງອືດເຟີ້ ແລະ ອາການປວດທ້ອງ. ໃບ: ຊ່ວຍຍັບຢັ້ງ ຫຼື ຊ່ວຍລົດການຂະຫຍາຍຕົວຂອງຈຸລັງມະເລັງໄດ້, ບຳລຸງທາດໃນຮ່າງກາຍ, ຊ່ວຍຂັບເຫື່ອທີ່ເປັນຂອງເສຍອອກຈາກຮ່າງກາຍ, ແກ້ອາການວຽນຫົວປວດຮາກ, ແກ້ອາການປວດທ້ອງເນື່ອງຈາກອາຫານບໍ່ຍ່ອຍ, ເຮັດໃຫ້ກ້າມເນື້ອມົດລູກມາຍໂຕ ແລະ ແກ້ອາການເຈັບທ້ອງປະຈຳເດືອນຂອງຜູ້ຍິງ. ໝາກ: ສາມາດຂ້າເຊື້ອແບັກທິເຣຍ. ນອກນີ້ແລ້ວນ້ຳມັນສະກັນຈາກຜັກບົວລະພາຍັງຊ່ວຍລົດອາການຫົດ ຫຼື ບິດຕົວຂອງລຳໄສ້.

ນ້ຳມັນຫອມລະເຫີຍ: ຕົ້ນບົວລະພາຖືກນຳມາສະກັດເປັນນ້ຳມັນຫອມລະເຫີຍເພື່ອໄລ່ຍຸງ ຫຼື ນຳມາຄັ້ນເສັ້ນໄດ້.

ສິນຄ້າ: ໃບ ຫຼື ຍອດອ່ອນຖືກນຳມາວາງຂາຍເປັນສິນຄ້າຢູ່ຕາມທ້ອງຕະຫຼາດ. ນອກນນີ້ແລ້ງຍັງຖືກນຳມາສະກັດເປັນຜະລິດຕະພັນເພື່ອເປັນສິນຄ້າຂາຍ.

N/A

N/A

N/A

N/A

Maria das Graças B. Zoghbi, Jorge Oliveira, Eloisa Helena A. Andrade, José Roberto Trigo, Roberta Carolina M. Fonseca1 and Antonio Elielson S. Rocha, (2006). Variation in Volatiles of Ocimum campechianum Mill. and Ocimum gratissimum L. Cultivated in the North of Brazil.Coordenação de Botânica, Museu Paraense Emílio Goeldi, CP 399, 66040-170 Belém, PA, Brasil.
S. Sethi, O. prakash, M. chandra, H. Punetha and A. K. Pant, (2013). Antifungal activity of essential oils of some Ocimum species collected from different locations of Uttarkhand. Indian journal of Natural products and Resources.
Boonrod Chatiyanon, Chalermchai Wongwattana and Somkiat Phornphisutthimas. The Effect of Aqueous Extract from Some Plant Leaves of Lamiaceae on Seed Germination and Seedling Growth of Pennisetum setosum L. Princess of Naradhiwas University Journal.
Jiraporn Sodachan, Banleu Sangthong and Sakulrat Ratanakirat, (2015). person The main chemical composition and action of oral antimicrobial Of essential oils from the genus Ocimum spp. Challenges and Opportunities of Pharmacy Profession in Post-Millennium Development Agenda, Faculty of Pharmaceutical Sciences, Khon Kaen University, Thailand.
Khanam, M. & Hassan, M.A. (2008). Lamiaceae Flora of Bangladesh 58: 1-161. Bangladesh National Herbarium, Dhaka.
Paton, A.J., Bramley, G., Ryding, O., Polhill, R., Harvey, Y., Iwarsson, M., Willis, F., Phillipson, P., Balkwill, K., Lukhoba, C., Otiend, D & Harley (2009). Lamiaceae (Labiatae) Flora of Tropical East Africa: 1-430.
Suddee, S., Paton, A.J. & Parnell, J.A.N. (2005). Taxonomic Revision of the tribe Ocimeae Dumort (Lamiaceae) in continental South East Asia III. Ociminae Kew Bulletin 60: 3-75.