ຊື່ລາວ: ເຂົ້າຕອກແຕກ, ເຂົ້າຟ້າງ, ອ້ອຍລ່ຽມ ຊື່ໄທ: ເຂົ້າຟ່າງ, ເຂົ້າປ້າງນົກ, ເຂົ້າປ້າງຫາງຊ້າງ, ດົ່ວປ້າງ, ເພຣ່ເສີແບ, ເປ່ເຊີເບລ. ຊື່ຈີນ: ເກົາລ້ຽງ, ຮວງຊູ່

Sorghum bicolor Kuntze
Sorghum bicolor subsp. arundinaceum (Desv.) de Wet & J.R. Harlan
Sorghum bicolor subsp. bicolor
Sorghum bicolor var. bicolor
Sorghum bicolor var. cafer (Körn.) Fosberg & Sachet
Sorghum bicolor var. caffrorum (Retz.) Mohlenbr.
Sorghum bicolor var. cernuum (Ard.) Ghi?a

Poaceae

ເຂົ້າຟ່າງເປັນພືດລົ້ມລຸກ. ລຳຕົ້ນຕັ້ງຊື່, ມີຂໍ້, ສູງ 5-7 ຊມ, ມີເສັ້ັນຜ່າສູນກາງ 0,5-3 ຊມ, ສີຂຽວເຂັ້ມ. ໜຶ່ງຕົ້ນຈະມີໃບປະມານ 7-24 ໃບ, ເຊິ່ງມີກາບໃບຫໍ່ຫຸ້ມລຳຕົ້ນໄວ້ ແລະ ມີໄຂສີຂາວຕາມສ່ວນຂອງກ້ານໃບ, ຍາວ 15-35 ຊມ. ໃບດ່ຽວ ອອກຕາມຂໍ້ລຳຕົ້ນ, ຈັບຮຽງສະຫຼັບ, ຮູບແຖບ, ຂອບລຽບ, ປາຍຍາວເປັນຫາງ, ກ້ວາງ 1,5-13 ຊມ, ຍາວ 30-135 ຊມ, ແຜ່ນໃບໜາຄ້າຍຄືໜັງ, ຜິວໃບດ້ານເທິງກ້ຽງ, ຜິວໃບດ້ານລຸ່ມມີຂົນສາກຊາ. ຊໍ່ດອກແບບຮວງເຂົ້າ, ອອກຕາມປາຍຍອດ, 1 ຊໍ່ດອກມີຫຼາຍດອກຍ່ອຍ, ສີແດງ. ດອກສົມບູນເພດ, ເຕົ້າໄຂ 1 ຫ້ອງມີ 1 ເມັດໄຂ່. ແກ່ນຮູບໄຂ່, ສີແດງ.

N/A

N/A

N/A

N/A

N/A

ອາຫານ
ພືດເປັນຢາ

ຮາກ: ຕາກໃຫ້ແຫ້ງນຳມາຕົ້ມກັບວ້ານນ້ຳເລັກ, ຫຍ້າປ້ອງ, ໃບໜໍ່ຂົມ ຫຼື ລົກແຕ່ຮາກເຂົ້າຟ້າງກໍ່ໄດ້ ມາຕົ້ມກິນຮັກສາພະຍາດປະສາດ, ອາການໄອ, ຫອບ, ແກ້ອາການເຈັບກະເພາະ ແລະ ຊ່ວຍຫ້າມເລືອດ, ຮາກແຫ້ງນຳມາເຜົາໄຟຈົນ ເປັນເທົາບົດໃຫ້ລະອຽດ ແລ້ວນຳໄປ ປະສົມກັບເຫຼົ້າດື່ມຊ່ວຍເລັ່ງຄອດ. ຮາກສົດຕົ້ມກັບນ້ຳແກ້ອາການເຈັບກະເພາະ ແລະ ເຈັບບໍລິເວນໜ້າເອິກ, ຮາກສົດນຳມາຕົ້ມກັບ ນ້ຳຕານຊາຍແດງ ຊ່ວຍບັນເທົາອາການຕົກເລືອດຫຼັງຄອດລູກ. ຮາກແຫ້ງ-ສົດໃຊ້ເປັນຢາຂັບປັດສະວະ.

ແກ່ນ: ນຳມາຕົ້ມນ້ຳກິນເປັນຢາບຳລຸງ, ໃຫ້ພະລັງງານແກ່ຮ່າງກາຍ, ໃຊ້ຮັກສາພະຍາດອາຫິວາ, ທ້ອງບິດ, ຮັກສາລຳໄສ້ ແລະ ກະເພາະອາຫານ. ນຳມາຂົ້ວກັບແກ່ນພຸດທາ ຫຼັງຈາກນັ້ນນຳມາບົດໃຫ້ລະອຽດແລ້ວນຳມາປະສົມກັບ ນ້ຳອຸນຊ່ວຍຮັກສາ ລະບົບຍ່ອຍອາຫານຜິດປົກກະຕິ ແລະ ໃຊ້ເປັນຢາຂັບປັດສະວະ 

ນອກຈາກນີ້ແລ້ວປະຊາຊົນຍັງນິຍົມປູກຕົ້ນຕອກແຕກຂາຍເປັນສິນຄ້າ.

N/A

N/A

N/A

N/A

Lee and You Mi, (2016). A Checklist of Plants in Lao PDR
Mark Newman, Sounthone Ketphanh, Bouakhaykhone Svengsuksa, Philip Thomas, Khamphone Sengdala, Vichith Lamxay and Kate Armstrong, (2007). A Checklist of the Vascular Plants of Lao PDR
ທຳລົງສິດ ໂພທິສູງ ແລະ ເກດອອນ ທອງເຄືອງ, (2436). ການປູກເຂົ້າຟ່າງ