Paphiopedilum canhii var. funingense Z.J.Liu & L.J.Chen

Orchidaceae

ເປັນດອກເຜິ້ງທີ່ເກີດຢູ່ດີນ ຫຼື ຕາມຜາຫີນ, ໃບເກີດເປັນຈຸ້ມ 3-5 ໃບ. ແຜ່ນໃບຮູບຮີ ຫຼື ຮູບຂອບຂະໜານ, ຂະໜາດ 5-7 x 1-2.5 ຊັງຕິແມັດ, ປາຍແຫຼມ ຫຼື ວໍ້າເລັກນ້ອຍ, ມີຕີ່ງແຫຼມ, ດ້ານເທີງຈະເປັນລາຍສີຂຽວເຂັ້ມກັບສີຂຽວອ່ອນປົນກັນ, ດ້ານລຸ່ມຈະເປັນສີມ່ວງປົນສີຂຽວອ່ອນ. ຊໍ່ດອກຕັ້ງຊື່, ມີ 1 ດອກຕໍ່ຊໍ່, ກ້ານຍາວ 4-10 ຊັງຕິແມັດ, ສີຂຽວເຂັ້ມ ແລະ ມີຈຸດສີມ່ວງ, ມີຂົນອ່ອນນຸ້ມ. ໃບປະດັບຮູບໄຂ່ ຫຼື ຮູບຮີ, ສີຂຽວ ປົນສີມ່ວງເຂັ້ມ, ມີຂົນ. ດອກຂະໜາດ 7-8 ຊັງຕິແມັດ. ກາບດອກເທີງ ຮູບໄຂ່, ປາຍມົນ, ສີຂຽວອ່ອນບໍລິເວນກົກ, ເປັນສີຂຽວແຕ່ເຄີ່ງກາງໄປຫາປາຍ, ມີເສັ້ນສີນ້ຳຕານ 5-7 ເສັ້ນ, ມີຂົນດ້ານນອກ. ກາບດອກດ້ານລຸ່ມຮູບໄຂ່ແຄບ, ສີຂຽວ, ມີຂົນດ້ານນອກ. ກາບດອກຮຽວຍາວ, ບໍລິເວນກົກເປັນສີຂຽວ, ມີສີບົວປົນສີມ່ວງໄປຫາປາຍ, ມີຂົນດ້ານນອກ. ກີບປາກເປັນຖົງ ສີຂຽວອ່ອນປົນສີນ້ຳຕານ. ເສົາເກສອນສັ້ນ, ສີຂຽວອ່ອນ. ເຕົ້າໄຂ່ ແລະ ກ້ານດອກມີຂົນ. ໝາກຮູບຮີ.

ນິເວດວິທະຍາ: ເກີດຕາມຜາຫີນ ລະດັບຄວາມສູງຈາກໜ້ານ້ຳທະເລ 1000-1700 ແມັດ. ມັກເກີດຢູ່ລະຫວ່າງຫີນທີ່ມີດີນເປັນແອ່ງ.

ສະຖານະພາບ: ເປັນພືດທີ່ມີຄວາມສ່ຽງທີ່ຈະສູນພັນໃນປ່າທຳມະຊາດ, ເພາະມີການເກັບກູ້ເພື່ອຂາຍເປັນສີນຄ້າ ໂດຍສະເພາະແມ່ນສົ່ງອອກນອກປະເທດແບບຜິດກົດລະບຽບຂອງ ໄຊເຕດ ແລະ ລະບຽບການຄຸ້ມຄອງເຄື່ອງປ່າຂອງດົງຂອງ ສປປ ລາວ.

N/A

N/A

N/A

ໃກ້ສູນພັນສູງສຸດ

N/A

ພືດປະດັບ

N/A

N/A

N/A

N/A

Koopowitz, H. 2012. An updated, annotated checklist of the genus Paphiopedilum. Orchid Digest 76: 178-215.
Zhou, X., Cheng, Z., Liu, Q., Zhang, J., Hu, A., Huang, M., Hu, C and Tian, H. 2016. An updated checklist of Orchidaceae for China, with two new national records. Phytotaxa, 2016: 1-148. https://doi.org/10.11646/phytotaxa.276.1.1
Cribb, P.J. 2005-. Personal communication on Orchidaceae 1 Royal Botanic Gardens, Kew. [Cited as Paphiopedilum canhii.]
Averyanov, L., The, P.V., Ke, L.P., Tien, H.N., Xuang, C.C., Tien, V.N. and Quang, H.N. 2014. Field survey of Paphiopedilum canhii: from discovery to extinction
Averyanov, L.V., Gruss, O., Xuan, C.C., Ke, L.P., Bui, D. and Tien, H.N. 2010. Paphiopedilum canhii, a new species from Northern Vietnam.