ເປັນດອກເຜິ້ງທີ່ເກີດຢູ່ດີນ. ມີໃບ 5-8 ໃບຕໍ່ຕົ້ນ, ແຜ່ນໃບຮູບຮີຮຽວຍາວ ຫຼື ຮູບຂອບຂະໜານ, ຂະໜາດ 7-25 x 2-4 ຊັງຕິແມັດ, ປາຍແຫຼມ ຫຼື ຮູບຕັດ, ມີຕີ່ງແຫຼມ, ມີຂົນຍາວບໍລິເວນກົກໃບ, ດ້ານລຸ່ມໃບດ່າງສີຂຽວເຂັ້ມປົນສີຂຽວອ່ອນ, ໃກ້ກົກຈະເປັນສີມ່ວງ. ຊໍ່ດອກ ຕັ້ງຊື່, ມີ 1-2 ດອກ, ກ້ານດອກຍາວ 17-35 ຊັງຕິແມັດ, ສີມ່ວງປົນຂຽວ, ມີຂົນອ່ອນນຸ້ມກະຈາຍທົ່ວ. ດອກສີຂຽວປົນສີນ້ຳຕານເຂັ້ມ ຫຼື ສີມ່ວງ. ກາບດອກສີຂຽວອ່ອນ, ມີເສັ້ນຕາມລວງຍາວ, ຮູບຮີ-ຮູບຫອກ, ຂະໜາດ 2-3 x 1-1.5 ຊັງຕິແມັດ, ປາຍແຫຼມ. ກາບດອກເທີງສີມ່ວງປົນສີຂຽວ, ຮູບໄຂ່ກັບ ຫຼື ຮູບຫົວໃຈ, ຂະໜາດ 3-5 x 2-3 ຊັງຕິແມັດ, ຂອບໃກ້ກົກມ້ວນ. ກີບດອກສີຂຽວເຂັ້ມ ແລະ ມີເສັ້ນສີນໍ້າຕານ ກັບຈຸດສີດຳໃກ້ກົກກີບ, ຮູບບ່ວງ, ຂະໜາດ 4-6 x 1-2 ຊັງຕິແມັດ, ປາຍຮຽວແຫຼມ. ກີບປາກມີເສັ້ນສີມ່ວງອ່ອນ ຫຼື ສີຂຽວໃກ້ກັບຂອບໃບ, ຍາວ 4-5 ຊັງຕິແມັດ. ກ້ານດອກ ແລະ ເຕົ້າໄຂ່ຍາວ 3-6 ຊັງຕິແມັດ, ມີຂົນອ່ອນນຸ້ມ. ເກສອນຜູ້ເປັນໜັນຮູບຮີ, ປາຍ 3 ແສກນ້ອຍ, ຍາວ 7-9 ມີນລີແມັດ, ແສກຂ້າງຮູບກ່ຽວ, ຍາວກວ່າແສກກາງ.

ນີເວດວິທະຍາ: ເປັນພືດທີ່ເກີດຕາມເປີນພູສູງ, ລະດັບຄວາມສູງຈາກໜ້ານ້ຳທະເລ 400-800 ແມັດ.

ສະຖານະພາບ: ເປັນພືດທີ່ມີຄວາມສ່ຽງສູງໃກ້ຈະສູນພັນໃນທຳມະຊາດ ເພາະມີການເກັບກູ້ແບບຊະຊາຍ ເພື່ອສົ່ງຂາຍເປັນພືດປະດັບແບບຜິດກົດລະບຽບສົ່ງອອກຕ່າງປະເທດ. ຈັດຢູ່ໃນບັນຊີ I ຂອງໄຊເຕດ ເປັນພືດທີ່ຫ້າມເກັບກູ້ເພື່ອຄ້າຂາຍອອກຕ່າງປະເທດ. ຈັດຢູ່ໃນພືດທີ່ມີຄວາມສ່ຽງຕໍ່ການສູນພັນຂອງ IUCN ແມ່ນ EN ໝາຍເຖິງມີຄວາມສ່ຽງສູງທີ່ຈະສູນພັນຈາກທຳມະຊາດ.

N/A

N/A

N/A

N/A

,