ໝາກນອດແດງ, ສາຍພັນນີ້ມັກປູກຢູ່ທາງພາກເໜືອ ໂດຍສະເພາະແມ່ນຊຽງຂວາງ ແລະ ຫົວພັນເປັນພືດເຄືອເລືອໄປຕາມຕົ້ນໄມ້ອື່ນ, ອາດຈະຍາວເຖິງ 15 ແມັດ, ເປັນພືດທີ່ມີອາຍຸຢືນຫຼາຍປີ. ມີມືເກາະທີ່ໃຊ້ພັນຈັບກັບຕົ້ນໄມ້ອື່ນ. ໃບດ່ຽວ, ຈັບລຽງສະຫຼັບ, ແຜ່ນໃບຮູບໄຂ່, ຂອບໃບມັກວ້ຳເລິກເປັນແສກ, ປາຍແຫຼມ ຫຼື ຮຽວແຫຼມ, ກົກໃບມົນ ຫຼື ຮູບຫົວໃຈ, ເນື້ອໃບຄ່ອນຂ້າງໜຽວ, ຂອບໃບເປັນແບບແຂ້ວເລື່ອຍ, ມີເສັ້ນໃບອອກຈາກກົກໃບ 3 ເສັ້ນ. ກ້ານໃບທີ່ປາຍຈະມີຕ່ອມ. ຫູໃບຮູບຫອກ. ຊໍ່ດອກແບບກະຈຸກ, ມີດອກດຽວຈັບຢູ່ກົງກັນຂ້າງກັບມືເກາະ. ໃບປະດັບຮູບໄຂ່, ປາຍມົນ ຫຼື ແຫຼມ. ກີບດອກສີຂາວ, ກາບດອກສີຂຽວ. ເກສອນເພດຜູ້ ມີ 5 ອັນ, ເກສອນເພດແມ່ 3 ອັນ. ໝາກຈະມົນກົມ, ເມື່ອຍັງອ່ອນເປັນສີຂຽວ, ເມື່ອສຸກຈະເປັນສີເຫຼືອງ, ມີແກ່ນຈຳນວນຫຼາຍ, ແຕ່ລະແກ່ນຖຶກຫຸ້ມດ້ວຍນ້ຳເຍື່ອຫຸ້ມສີເຫຼືອງ.

ໝາກນອດແມ່ນໝາກໄມ້ທີ່ມີຜົນປະໂຫຍດຫຼວງຫຼາຍຕໍ່ສຸຂະພາບ. ໝາກນອດມີທາດຕ້ານອະນຸມູນອິດສະຫຼະຫຼວງຫຼາຍ ເຊິ່ງຊ່ວຍປ້ອງກັນມະເຮັງ, ຊ່ວຍສ້ອມແຊມຮ່າງກາຍ ແລະ ການອັກແສບ. ໝາກນອດມີຈໍານວນເສັ້ນໄຍອາຫານສູງເຊິ່ງຊ່ວຍໃນການຍ່ອຍອາຫານໃນກະເພາະລຳໄສ້. ນອກຈາກນີ້ ມັນຍັງມີຜົນປະໂຫຍດນາໆປະການຕໍ່ຮ່າງກາຍ ແລະ ປ້ອງກັນຫຼາຍພະຍາດເຊັ່ນ: ປ້ອງກັນມະເຮັງ, ປ້ອງກັນຄວາມດັນເລືອດສູງ, ເຮັດຄວາມສະອາດລໍາໃສ້ໃຫຍ່, ບຳລຸງສາຍຕາ, ຊ່ວຍໃນການຜະລິດເລືອດ, ເພິ່ມພູມຄຸ້ມກັນ, ບຳລຸງຫົວໃຈ, ເຮັດໃຫ້ນອນຫຼັບດີ ແລະ ຊ່ວຍຫຼຸດຜ່ອນອາການຫອບຫືດ. ຂໍ້ມູນໂພຊະນາການ ຄຣິກທີ່ນີ້.

ໝາກນອດເປັນພືດປູກທົ່ວໄປ, ເພາະເປັນພືດເສດຖະກິດທີ່ສຳຄັນທີ່ພົບທົ່ວໄປເກືອບທົ່ວໂລກ, ລາວເຮົາກໍ່ເປັນປະເທດໜື່ງທີ່ໄດ້ນຳເຂົ້າມາປູກແຕ່ດົນນານມາແລ້ວ ທັ້ງສາຍພັນໝາກສີເຫຼືອງ ແລະ ໝາກສີແດງ. ປະຈຸບັນໄດ້ມີຜະລິດຕະພັນນ້ຳໝາກນອດ