ລັກສະນະເກີດເປັນສຸມ ຫຼື ເກີດລຳດ່ຽວ, ບາງຄັ້ງແຕກເປັນງ່າຢູ່ເທີງລະດັບໜ້າດິນ, ເປັນເຄືອ, ເສັ້ນລຳຕົ້ນຍາວເຖີງ 50 ມ, ເສັ້ນຜ່າສູນກາງຢູ່ໂຄນ 10 ຊມ; ກາບໃບສີຂຽວ, ປົກຫຸ້ມດ້ວຍຂົນສີນໍ້າຕານແດງ: ມີໜາມສີນ້ຳຕານເຫຼືອງ, ແຂງ, ຍາວ 2 ຊມ, ປົກກະຕິຮຽງເປັນແຖວສັ້ນໆ ປົກຫຸ້ມໜາແໜ້ນ; ບໍ່ມີຫູໃບ; ບໍ່ມີມືເກາະຢູ່ກາບໃບ, ບໍ່ມີກ້ານໃບ ຫຼື ກ້ານໃບຍາວ 10 ຊມ; ກ້ານກາງໃບຍາວ 2.1 ຊມ, ໃບຍ່ອຍຮູບຫອກກວ້າງ, ແຕ່ລະຂ້າງມີ 18-40 ໃບ, ໃບຍ່ອຍຮຽງບໍ່ສະໝໍ່າສະເໜີ, ໃບຍ່ອຍຮຽງເປັນກຸ່ມ ແຜ່ອອກໄປທິດທາງຕ່າງກັນ, ບາງຄັ້ງໃບຍ່ອຍຮຽງເກືອບຈະສະໝໍ່າສະເໝີກັນ, ໃບຍ່ອຍໂຄ້ງກົ່ງລົງລຸ່ມ, ທ້ອງໃບເປັນສີເທົາ, ເສັ້ນໃບຍ່ອຍລຽບຕາມຂອງໃບເຫັນຈະແຈ້ງ; ມີເກາະຢູ່ປາຍໃບຍາຍ 1.2 ມ; ຊໍ່ດອກຍາວ 1.1 ມ; ແໜງກາບຊ້ອນຊໍ່ດອກຍາວ 5 ຊມ, ຢູ່ດ້ານນອກກາບຊ້ອນຊໍ່ດອກບໍ່ມີຂົນ ຫຼື ມີຂົນບາງໆ; ໝາກກົມມົນ-ຮູບກົມສ້ວຍ, ເສັ້ນຜ່າສູນກາງ 2.3 ຊມ; ເກັດໝາກສີນ້ຳຕານເຫຼືອງ, ເປັນເສັ້ນຝອຍໆ, ບໍ່ມີຂົນເສັ້ນແຂງ, ປາຍຕັ້ງຂຶ້ນ. ການກະຈາຍພັນ ແລະ ຖີ່ນກຳເນິດ: ກຳປູເຈຍ, ລາວ, ຈີນ, ໄທ ແລະ ຫວຽດນາມ. ພົບຕາມປ່າດົງດິບເຂດຕໍ່າ ຫຼື ປ່າເຂດພູສູງ, ຢູ່ສູງຈາກສະດັບໜ້ານ້ຳທະເລ 100-1,700 ມ. ເປັນໝາກເດືອນເມສາເຖິງພືດສະພາ. (ຈັນສະໝອນ ພົງອຸດົມ ແລະ ຄະນະ, 2014).

ການນຳໃຊ້ ເປັນເສັ້ນຫວາຍທີ່ມີຄຸນນະພາບຕໍ່າ, ໃຊ້ເຮັດເຄື່ອງຫັດຖະກຳຂະໜາດນ້ອຍ. ຍອດ ແລະ ໝາກສາມາດກິນໄດ້. ໝາກສຸກເປັນອາຫານຂອງສັດປ່າ.