ເປັນພືດລົ້ມລຸມຫາຍປິ, ມີຫົວໃຕ້ດີນຍາວຄ້າຍຫົວມັນດ້າງ, ປາຍຫົວຈະຮຽວສ້ວຍເຂົ້າ, ແລ້ວມີຮາກຍາວອອກ, ບາງຫົວແຕກອອກເປັນຫຼາຍຫົວ. ລຳຕົ້ນສູງປະມານ 20 ຊັງຕິແມັດ, ເກີດຈາກປາຍຫົວ. ລຳຕົ້ນມີຂົນສີຂາວ. ແຕ່ເປືອກເປັນສີນໍ້າຕານອົມແດງ. ໃບຈັບແບບສະຫຼັບ, ກ້ານໃບສັ້ນສີແດງມີຂົນ. ແຜ່ນໃບຮູບແຖບ, ກວ້າງ 4-8 ມິນລິແມັດ, ຍາວ 14 ຊັງຕິແມັດ, ຂອບໃບລຽບ, ປາຍແຫຼມມົນ, ແຜ່ນໃບທັງສອງດ້ານມີຂົນປົກຄູມ, ເສັ້ນກ່າງໃບນູນທາງດ້ານລຸ່ມຂອງແຜ່ນໃບ, ເສັ້ນຂະແໜງໃບເສັ້ນນ້ອຍໆ. ດອກອອກຢູ່ຕາມຊອກໃບ, ເກີດອອກເປັນຈຸ້ມຈຳນວນ 2-3 ດອກ, ກ້ານດອກຍາວ 4-6 ມິນລິແມັດ, ສີແດງມີຂົນ, ກາບດອກເຊື່ອມຕິດກັນເປັນຫຼອດປາຍແຍກອອກເປັນ 5 ແສກ, ມີຂຽວອົມແດງ, ມີຂົນຄູ້ມທົ່ວກາບ. ກິບດອກມີ 5 ອັນບໍ່ເທົ່າກັນ, ກິບດອກຂ້າງໃຫຍ່ກິບອື່ນ, ຂອບລຽບ, ປາຍມົນ, ກີບປີກ 2 ອັນ, ຮູບໄຂ່ກັບ, ປາຍມົນ, ກີບລຸ່ມ 2 ອັນຕິດກັນເປັນອ່າງ. ເກສອນເພດຜູ້ຈຳນວນ 10 ອັນຕິດກັນ, ແຍກອັນໜື່ງ. ໝາກເປັນຄ້າຍໝາກຖົ່ວແຮ່, ແຕ່ມີຂະໜາດນ້ອຍ, ເປັນຝັກ ມີເມັດປະມານ 3-7 ເມັດຕໍ່ໝາກ. ເມັດເປັນຄ້າຍເມັດຖົ່ວ, ເມື່ອແກ່ສີດຳອົມນ້ຳຕານ.
ນິເວດວິທະຍາ: ເປັນພືດທີ່ເກີດຕາມຄັ່ງ ຫຼື ທົ່ງຫຍ້າ, ເປັນພືດທີ່ສາມາດເກີດໄດ້ຕາມປ່າຫຍ້າທີ່ໂລ່ງແຈ້ງຕາມປ່າແປກ ແລະ ປ່າທົ່ງຫຍ້າ, ເກີດໃນປະເພດທີ່ດິນດາກປົນຊາຍ. ດອກໃນຊ່ວງເດືອນມີຖູນາ ເຖີງກໍລະກົດ, ເປັນໝາກໃນເດືອນ ຕຸລາ ຫາ ພະຈິກ. ສາມາດເກັບແກ່ນເອົາໄປປູກໄດ້.

ມີການນຳໃຊ້ຍອດອ່ອນເພື່ອກີນເປັນອາຫານ ແລະ ຫົວສາມາດໃຊ້ປົວພະຍາດຖອກທ້ອງໄດ້ເຊັ່ນດຽວກັນ. ຮາກສົດສາມາດກີນເປັນຢາບຳລູງກຳລັງ. ເມັດຕົ້ມນ້ຳດື່ມເປັນຢາປົວບາດແຜໃນກະເພາະອາຫານ ແລະ ຂັບນ້ຳປັດສະວະ.

N/A

N/A

N/A

,