Lao: ໝາກເຖິນ, ໝາກເຖື່ອນ, ມັນເທືອນ. Thai: ນາງພະຍາເສືອໂຄ່ງ Eng: Sour cherry Japanese: ヒマラヤザクラ ຫິມາລາຍາຊາກຸລະ

Cerasus cerasoides (Buch.-Ham. ex D.Don) S.Ya.Sokolov
Cerasus puddum Wall.
Prunus puddum Roxb. ex Wall.

Rosaceae

ຕົ້ນໝາກເຖື່ອນຈັດເປັນໄມ້ປ່ຽນໃບ, ຂະໜາດນ້ອຍຫາຂະໜາດກາງ, ລໍາຕົ້ນສູງ 10-15 ແມັດ, ເຮືອນຍອດເປັນຟຸ່ມ, ເປືອກຕົ້ນລຽບເປັນມັນ, ສີນໍ້າຕານ, ຂະຫຍາຍພັນດ້ວຍການໃຊ້ແກ່ນ, ມີເຂດກະຈາຍພັນຕາມຕາມທໍາມະຊາດທາງຕອນໃຕ້ຂອງປະເທດຈີນ, ໄຕ້ຫວັນ, ຍີ່ປຸ່ນ. ໃບເປັນໃບດ່ຽວ, ອອກລຽງສະລັບ, ລັກສະນະຂອງໃບເປັນຮູບໄຂ່, ປາຍໃບຮຽວແຫຼມ, ກົກໃບກົມ ຫຼື ສອບແຄບ, ສ່ວນຂອບໃບຫຍັກເປັນແຂ້ວເລື່ອຍລະອຽດ, ໃບກວ້າງ 3-5 ຊັງຕິແມັດ ແລະ ຍາວ 5-12 ຊັງຕິແມັດ, ປາຍໃບມີຕ່ອມ 2-4 ຕ່ອມ. ອອກດອກເປັນຊໍ່ແບບກະຈຸກຕາມງ່າມໃບ ແລະ ປາຍກິ່ງ, ດອກມີຈໍານວນຫຼາຍ, ດອກມີຫຼາຍສີທັງສີບົວອ່ອນ, ສີບົວເຂັ້ມ, ສີບົວອົມແດງ, ສີແດງ ຫຼື ສີຂາວ, ແຕ່ຫາໄດ້ຍາກທີ່ສຸດຄືສີຂາວ, ກີບລ້ຽງຕິດກັນເປັນຮູບກວຍ, ກີບດອກມີ 5 ກີບ, ດອກຈະອອກໃນຊ່ວງເດືອນທັນວາຫາເດືອນກຸມພາ ແລະ ຈະຫຼົ່ນໃບກ່ອນອອກດອກ. ໝາກຈະອອກໃນຊ່ວງເດືອນເມສາຫາເດືອນພຶດສະພາ, ໂດຍໝາກຈະເປັນໝາກສົດ, ລັກສະນະຂອງໝາກເປັນຮູບຂອບຂະໜານ, ຮູບກະສວຍ, ຮູບໄຂ່ ຫຼື ຮູບກົມ, ຜິວໝາກກ້ຽງ, ໝາກສຸກເປັນສີແດງແບບໝາກມີເນື້ອ, ມີລົດຊາດສົ້ມ.

N/A

ເຂດພູສູງພາກເໜືອຂອງລາວ

N/A

N/A

N/A

N/A

ອາຫານ
ພືດເປັນຢາ
ສີ່ງປູກສ້າງ

ປະໂຫຍດ ແລະ ສັບພະຄຸນ: 
   - ໝາກມີຣົດສົ້ມສາມາດນໍາມາຮັບປະທານໄດ້ ແຕ່ບໍ່ຄວນຮັບປະທານຫຼາຍຈົນເກີນໄປເພາະຈະເຮັດໃຫ້ຖອກທ້ອງໄດ້.
   - ເນື້ອໄມ້ອ່ອນ ສາມາດນໍາມາໃຊ້ເຮັດດ້າມເຄື່ອງມືການກະເສດໄດ້.
   - ໃຊ້ປູກເປັນໄມ້ປະດັບເນື່ອງຈາກອອກດອກຫຼາຍ ແລະ ມີດອກທີສວຍງາມ.
   - ເປືອກຕົ້ນໃຊ້ເປັນຢາແກ້ເລືອດດັງໄຫຼ.
   - ເປືອກຕົ້ນໃຊ້ຕໍາຄັ້ນເອົານໍ້າທາ ຫຼື ພອກແກ້ຟົກຊໍ້າ, ແກ້ເຈັບຂໍ້.
   - ເປືອກຕົ້ນໃຊ້ຕົ້ມກັບນໍ້າດື່ມເປັນຢາແກ້ອາການຖອກທ້ອງ.
   - ເປືອກຕົ້ນໃຊ້ຕົ້ມກັບນໍ້າດື່ມຮັກສາອາການໜາວສັ່ນຈາກອາການໄຂ້.

N/A

N/A

N/A

N/A

Medthai. 2017. ນາງພະຍາເສືອໂຄ່ງ ສັບພະຄຸນຂອງຕົ້ນນາງພະຍາເສືອໂຄ່ງ 8 ຂໍ້.
Nino Joseph, Nishat Anjum, Y.C. Tripathi. 2018. Prunus cerasoides D. Don: A Review on Its Ethnomedicinal Uses, Phytochemistry and Pharmacology. International Journal of Pharmaceutical Sciences Review and Research. P 62-69. ISSN 0976 – 044X.
Prabhawati Tiwari, J. K. Tiwari and Radha Ballabha. 2009. Prunus Cerasoides D. Don (Himalayan Wild Cherry): A Boon To Hill- Beekeepers In Garhwal Himalaya. Nature and Science. ISSN 1545-0740.
Bhawna Tewari, Ashish Tewari. 2016. Seed germination in Prunus cerasoides D. Don influenced by natural seed desiccation and varying temperature in Central Himalayan region of Uttarakhand, India. INTERNATIONAL JOURNAL OF BIOASSAYS. ORIGINAL RESEARCH ARTICLE. P 4567-4572. ISSN: 2278-778X.