Thai: ແສມສານ

Cassia garrettiana Craib

Leguminosae

ຕົ້ນຂີ້ກາກຈັດເປັນໄມ້ຢືນຕົ້ນ, ມີຄວາມສູງ 10 ແມັດ, ລໍາຕົ້ນຕັ້ງຊື່, ມີເນື້ອໄມ້ແຂງ, ເປືອກລໍາຕົ້ນໜາເປັນສີນໍ້າຕານແກ່ເກືອບດໍາ, ຂະຫຍາຍພັນດ້ວຍວິທີການເພາະແກ່ນ. ໃບເປັນໃບປະສົມແບບຂົນນົກ, ອອກລຽງສະລັບ, ມີໃບຍ່ອຍປະມານ 6-9 ຄູ່, ລັກສະນະຂອງໃບເປັນຮູບໄຂ່, ຮູບຫອກ, ໃບກວ້າງ 2-5 ຊັງຕິແມັດ ແລະ ຍາວ 5-9 ຊັງຕິແມັດ, ຫຼັງໃບລຽບເປັນສີຂຽວເຂັ້ມ ແລະ ເປັນມັນ, ສ່ວນທ້ອງໃບລຽບເປັນສີອ່ອນກວ່າ. ອອກດອກເປັນຊໍ່ໃຫຍ່ໂດຍຈະອອກຕາມປາຍກິ່ງ ຫຼື ອອກຕາມກ້ານໃບ, ແຕ່ລະຊໍ່ດອກຈະມີດອກຍ່ອຍຈໍານວນຫຼາຍ, ດອກຍ່ອຍເປັນສີເຫຼືອງ, ສີເຫຼືອງເຂັ້ມ ຫຼື ສີເຫຼືອງສົ້ມ, ກີບດອກມີ 5 ກີບ, ປາຍກີບດອກມົນ, ສ່ວນກາບດອກມີລັກສະນະເປັນຮູບກົມ, ເປັນສີຂຽວອອກເຫຼືອງ. ອອກໝາກເປັນຝັກແປ, ຝັກມັກຈະບິດ, ເປືອກຂ່ອນຂ້າງບາງ, ຜິວຝັກກ້ຽງບໍ່ມີຂົນ, ໝາກອ່ອນເປັນສີຂຽວ, ເມື່ອແກ່ຝັກມັກຈະບິດ, ແຕກອອກ ແລະ ເປັນສີນໍ້າຕານ, ພາຍໃນຝັກມີແກ່ນ 10-20 ແກ່ນ, ໂດຍຈະຕິດຝັກໃນຊ່ວງເດືອນພຶດສະພາຫາເດືອນຕຸລາ ແລະ ໝາກຈະແກ່ໃນຊ່ວງເດືອນຕຸລາຫາເດືອນທັນວາ.

N/A

N/A

N/A

N/A

N/A

ອາຫານ
ພືດເປັນຢາ
ສີ່ງປູກສ້າງ

ປະໂຫຍດ:
   - ດອກອ່ອນ ແລະ ໃບອ່ອນໃຊ້ຮັບປະທານເປັນຜັກໄດ້, ແຕ່ຕ້ອງນໍາມາຕົ້ມເພື່ອຫຼຸດຄວາມຂົມລົງກ່ອນຈະນໍາໄປແກງ.
   - ເນື້ອໄມ້ມີຄວາມທົນທານ, ໜຽວ, ບໍ່ຫັກງ່າຍ ສາມາດນໍາໄປໃຊ້ເຮັດເຄື່ອງເຮືອນ, ເຄື່ອງມືຊ່າງ, ຂຽງ ແລະ ອື່ນໆ.
   - ສາມາດປູກເປັນໄມ້ປະດັບໄວ້ຕາມຂ້າງທາງທົ່ວໄປ.
ສັບພະຄຸນ:
   - ຮາກມີສັບພະຄຸນເປັນຢາຟອກເລືອດ.
   - ຍອດໃຊ້ຕົ້ມກັບນໍ້າດື່ມເປັນຢາແກ້ພະຍາດເບົາຫວານ.
   - ດອກໃຊ້ຕົ້ມກັບນໍ້າດື່ມເປັນຢາແກ້ນອນບໍ່ຫຼັບ.
   - ໃບໃຊ້ເປັນຢາຂັບພະຍາດເປັນຢາຖ່າຍ.
   - ເປືອກຕົ້ນນໍາມາຕົ້ມກັບນໍ້າດື່ມເປັນຢາແກ້ລິດສີດວງທະວານ.
   - ໃບໃຊ້ບໍາບັດພະຍາດມະເຮັງໃນເມັດເລືອດຂາວ.

N/A

N/A

N/A

N/A

Medthai. 2017. ແສມສານ ສັບພະຄຸນ ແລະ ປະໂຫຍດຂອງຕົ້ນແສມສານ 23 ຂໍ້.
ກົມອຸທະຍານແຫ່ງຊາດສັດປ່າ ແລະ ພັນພືດ. 2012. ຄູ່ມືເລືອກພັນໄມ້ເພື່ອປູກປ່າປ້ອງກັນອຸທົກກະໄພ. ກະຊວງຊັບພະຍາກອນ ແລະ ສິ່ງແວດລ້ອມ. ປະເທດໄທ. ໜ້າ 65.